Wulo 4:16 - BAEBOLO ANZƐƐ BULUKU NWUANZANWUANZA

¹⁶ Ɛwɔkɛ ne gyi diedi zo, amaa yɛanyɛ Nyamenle ɛlolɛ ahyɛlɛdeɛ yeammaa bɛdabɛ mɔɔ bɛdi Mosisi mɛla ne azo la angome, na yeayɛ ɛlolɛ mɔɔ ka Ebileham abo zo amra amuala mɔɔ lɛ diedi kɛ ɔdaye Ebileham la. Ɔluakɛ Ebileham le yɛ muala yɛ ze wɔ sunsum nu.

Wulo 4:16 ပူးပေါင်းရင်းမြစ်များ

Ayezaya Buluku ne 51:2

Bɛnlea bɛ nlenya Ebileham, nee bɛ nla Sɛla mɔɔ zole bɛ; ɔluakɛ mɔɔ ɛnee Ebileham ɛtɛwole ralɛ la, yɛɛ menvɛlɛle ye a. Na menyilale ye memanle ɔ bo zo amra yɛle dɔɔnwo.

Edwɛkpa ne kɛmɔ Luku hɛlɛle la 19:9

Gyisɛse zele ye kɛ, “Ɛnɛ kenle ye, bɛlie wɔ ngoane, ɛdawɔ noko ɛle Ebileham anlɔnra.

Wulo 15:8

Ɔluakɛ meka meahile bɛ kɛ Kelaese yɛle ɔ nwo sonvolɛ wɔ Dwuuma ati, vale hilele kɛ Nyamenle di nɔhalɛ, kɛ ɔkɛmaa ye ɛwɔkɛ ne mɔɔ ɔbɔle yɛ nlenya mɔ la kɛyɛ zɔhane,

Wulo 3:22

Nyamenle dua menli diedi mɔɔ lɛ ye wɔ Gyisɛse Kelaese anu la azo a maa bɛsɔ ɔ nye a. Nyamenle yɛ ɛhye maa bɛdabɛ mɔɔ bɛdie Kelaese bɛdi la amuala, ɔboalekɛ ngakyile fee ɛnle nuhua;

Wulo 3:30

Nyamenle le kokye yɛɛ ɔbalua diedi zo a yeamaa Dwuuma azɔ ɔ nye a; zɔhane ala yɛɛ ɔbalua bɛdabɛ mɔɔ bɛnle Dwuuma la noko diedi zo yeamaa bɛazɔ ɔ nye a.

Wulo 4:11

Nzinlii a Ebileham manle bɛyɛle ye mrenyanu nzonlɛ, ɔvale ɔyɛle sɛkɛlɛneɛ anzɛɛ nzonlɛ mɔɔ kile kɛ Nyamenle ɛlua ye diedi zo ɛmaa yezɔ ɔ nye a. Yemɔti Sunsum nu a, ɛnee Ebileham le bɛdabɛ mɔɔ bɛdie Nyamenle bɛdi na yelie bɛ kɛ bɛsɔ ɔ nye, noko bɛtɛyɛle bɛ mrenyanu nzonlɛ la bɛ ze.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

Wulo 9:8

Ɛhye kile kɛ tɛ ngakula mɔɔ bɛwo bɛ wɔ nwonane nu ngyehyɛlɛ zo la amuala a le Nyamenle amra a, na ngakula mɔɔ ɔlua Nyamenle ɛwɔkɛ ne ati bɛwole bɛ la a le bɛdabɛ mɔɔ bɛfa bɛ kɛ bɛle nlɔnra kpalɛ kpalɛ ne a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:14

Bɛhendanle Kelaese wɔ baka zo wɔ yɛmɛ yɛ ti, amaa ɔlua ɔ nwo zo bɛdabɛ mɔɔ bɛnle Dwuuma la bɛanyia nyilalɛ ne mɔɔ Nyamenle vale bɔle Ebileham ɛwɔkɛ la bie, na kɛmɔ yɛdie Kelaese yɛdi la ati yɛ muala yɛ sa aha ye Sunsum ne mɔɔ ɔvale ɔbɔle yɛ ɛwɔkɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:16

Nyamenle bɔle ɛwɔkɛ ne manle Ebileham nee ye anlɔnra. Nyamenle Edwɛkɛ ne ɛnga kɛ “ye nlɔnra,” mɔɔ kile kɛ nlɔnra ne mɔ zonle a. Ɔse “ye anlɔnra,” mɔɔ kile anlɔnra kokye, na anlɔnra ɛhye, yemɔ a le Kelaese.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:22

Nyamenle Edwɛkɛ ne se ɛtane gyale ewiade amuala; ɛhye ati bɛdabɛ mɔɔ bɛdie Gyisɛse Kelaese bɛdi la angome a Nyamenle bava ye ɛwɔkɛ ne mɔɔ ɔbɔle la yeamaa bɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:5

yemɔti mekɛ mɔɔ ɛnee yɛwu sunsum nu wɔ yɛ mɛladonlɛ ti la, ɔvale yɛ nee Kelaese ɔrale ngoane nu. Ɔlua Nyamenle ɛlolɛ ti yɛɛ bɛlie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8

Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:7

amaa ɔlua ye ɛlolɛ zo yɛazɔ Nyamenle anye na yɛanyia ngoane ne mɔɔ ɛnlɛ awieleɛ mɔɔ yɛ nye la zolɛ la.

2 Pit 1:10

Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.