Wulo 4:14 - BAEBOLO ANZƐƐ BULUKU NWUANZANWUANZA

¹⁴ Ɔluakɛ saa Nyamenle ɛwɔkɛ ne mɔɔ fane agyalilɛ nwo la wɔ ɛkɛ maa bɛdabɛ mɔɔ bɛdi Mosisi mɛla ne azo la angome a, ɛnee noko sonla diedi mɔɔ wɔ Nyamenle anu la le mgbane, yɛɛ nvasoɛ biala ɛnle Nyamenle ɛwɔkɛ ne azo.

Wulo 4:14 ပူးပေါင်းရင်းမြစ်များ

Edwɛndolɛ Buluku ne 119:126

Mekɛ ɛdwu mɔɔ ɔwɔ kɛ Ɛdɛnkɛma keha ɔ nwo a, ɔluakɛ bɛtietia wɔ mɛla ne mɔ azo.

Ayezaya Buluku ne 55:11

zɔhane ala yɛɛ edwɛkɛ mɔɔ vi me nloa anu kɛvinde la ɛnrɛzia ɛnrɛra me nwo ɛke mgbane a. Ɔbayɛ mɔɔ medwenle nwo kɛ ɔrayɛ la, na yeakpazi mɔɔ menzoanle ye nwolɛ la ɛyɛlɛ nu.

Gyɛlɛmaya Buluku ne 19:7

Ɛke a mebazɛkye adwenle ngyehyɛlɛ biala mɔɔ Dwudama nee Gyɛlusalɛmma ɛhyehyɛ la. Mebamaa bɛ kpɔvolɛma nee menli mɔɔ kpondɛ bɛ la asa adɔ bɛ nwo zo ahu bɛ. Mebamaa anwomanyunlu nloma nee ɛbɔ nu nanemgbole ali bɛ avunli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 30:12

Saa ɔ hu te na ɔto nuhua entia a, ɔnle kɛ ɔdi zolɛ. Ɛdɛnkɛma bava ye ɛtane ahyɛ ye, ɔboalekɛ ɔ hu duale ye kɛ ɔmmaye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 30:15

Saa nzinlii ɔ hu to nuhua entia a, nwolɛ munzule ne ka ɔdaye nrenya ne.”

Wulo 3:31

Na ɛnee ɛhye kile kɛ yɛdua diedi zo yɛavuandi mɛla ne yɛagua ɔ? Kyɛkyɛ! Ɔnle zɔhane fee. Yɛdua yɛ diedi zo yɛkpogya mɛla ne zo.

Wulo 4:16

Ɛwɔkɛ ne gyi diedi zo, amaa yɛanyɛ Nyamenle ɛlolɛ ahyɛlɛdeɛ yeammaa bɛdabɛ mɔɔ bɛdi Mosisi mɛla ne azo la angome, na yeayɛ ɛlolɛ mɔɔ ka Ebileham abo zo amra amuala mɔɔ lɛ diedi kɛ ɔdaye Ebileham la. Ɔluakɛ Ebileham le yɛ muala yɛ ze wɔ sunsum nu.

1 Kɔl 1:13

Bɛhyɛ Kelaese anu ekpunli ekpunli ɔ? Na mebiza bɛ kɛ, Pɔɔlo a bɛbɔle ye meanubaka nu bɛmanle bɛ ɔ? Anzɛɛ bɛzɔnenle bɛ kɛ bɛle Pɔɔlo ɛdoavolɛma ɔ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:21

Nyamenle ɛlo me kpole, yemɔti menrɛkpo ye amunli. Ɔluakɛ saa sonla di mɛla ne azo kolaa na yeazɔ Nyamenle anye a, ɛnee noko Kelaese wule ewule mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:4

Bɛdabɛ mɔɔ bɛdwenle kɛ bɛdi mɛla ne azo a bɛkɛzɔ Nyamenle anye la ɛhwe bɛ nwo ɛvi Kelaese anwo, na bɛnrɛnyia Nyamenle ɛlolɛ ne bie.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9

na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.

Kɛlata mɔɔ bɛhɛlɛle bɛhɔmanle Hibuluma la 7:19

Ɔluakɛ Mosisi Mɛla ne angola ammaa ɛhwee anli munli. Na kɛkala, bɛva anyelazo kpalɛ bie bɛra, mɔɔ yɛlua zo a yɛbikye Nyamenle a.

Kɛlata mɔɔ bɛhɛlɛle bɛhɔmanle Hibuluma la 7:28

Mosisi Mɛla ne maa adenle maa bɛyɛ menli mɔɔ ɛndenrɛ la sɛlɛvolɛ mgbanyinli. Na Nyamenle ɛwɔkɛ ne mɔɔ ndane ne wɔ nu, na ɔrale nzinlii la, yɛɛ ɛye Ralɛ ne mɔɔ di munli dahuu la kɛ ɔyɛ Sɛlɛvolɛ Kpanyinli a.