Wulo 3:5 - BAEBOLO ANZƐƐ BULUKU NWUANZANWUANZA

⁵ Saa yɛ nyɛleɛ ɛtane ɛtane ne mɔ maa yɛnwu Nyamenle pɛlepɛlelilɛ ne wienyi a, ɛnee kɛ yɛse ɛ? Saa yɛyɛ ɛtane na Nyamenle tea yɛ a, ɛnee Nyamenle ɔdaye yeyɛ ɛtane ɔ? (Melɛtendɛ kɛ sonla ala la.)

Wulo 3:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:25

Munzule ɛhɔ ɛbɔ nu, kɛ ɛkɛyɛ debie mɔɔ le zɛhae, na ɛkɛhu tenlenema ɛkɛboka amumuyɛma, na ɛkɛmaa tenlenema kɛwie ye kɛ amumuyɛma la. Ɛhye ɛmbɔnle ɛ nwo! Asoo azɛlɛ ye amuala ndɛnebuavolɛ ɛnrɛli pɛlepɛle?”

Dwobu Buluku ne 8:3

Ɛnea a ɛnee Nyamenle kyi nɔhalɛ, anzɛɛ Tumivolɛ ne kyi pɛlepɛlelilɛ ɔ?

Nahum Buluku ne 1:2

Ɛdɛnkɛma le Nyamenle mɔɔ twe nungule, ɔdi nzenralɛ a; Ɛdɛnkɛma di nzenralɛ yɛɛ ɔfa ɛya; Ɛdɛnkɛma di ye kpɔvolɛma nzenralɛ, yɛɛ ye ɛya wɔ bɛ nwo zo.

Wulo 12:19

Ayi mɔ, bɛmmafa ɛtane bɛtua ɛtane kakɛ ɛlɛ, bɛgyakyi debie biala anu bɛmaa Nyamenle ɛya ne. Ɔluakɛ Nyamenle Edwɛkɛ ne se, “Nzenralɛ le me ɛdeɛ, mebadua ɛtane kakɛ, Awulae a se a.”

Wulo 2:5

Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.

Wulo 3:19

Mɔɔ yɛnwu ye la a le kɛ, debie biala mɔɔ wɔ mɛla ne anu la wɔ ɛkɛ ne maa bɛdabɛ mɔɔ bɛwɔ mɛla ne abo la, amaa menli muala aha bɛ nloa ado nuhua kɛ bɛdi fɔlɛ wɔ Nyamenle ndɛnebualɛ ne anu.

Wulo 3:7

Saa me adalɛ mɔɔ mele la kile maa Nyamenle anyunlunyia ne nee ye nɔhalɛ ne da ali wienyi a, ɛnee duzu ati yɛɛ bɛbua me fɔlɛ kɛ mele ɛtanenli ɛ?

Wulo 4:1

Ɛnee akee Ebileham, mɔɔ le azɛlɛ ye azo yɛ nlenya la, duzu a yɛka ye wɔ ɔ nwo a? Ye ɛbɛla ɛbɔlɛ ne a le boni?

Wulo 5:8

noko Nyamenle ɛhile kɛ ɔsi ɔkulo yɛ la, na yemɔ a le kɛ, mɔɔ ɛnee yɛtɛda nwo yɛtɛde ɛtaneyɛlɛma la, Kelaese wule manle yɛ!

Wulo 6:1

Ɛnee akee kɛ yɛha yɛze ɛ? Yɛhɔ zo yɛyɛ ɛtane amaa Nyamenle ɛlolɛ ne azo ɔ?

Wulo 6:19

Bɛmaa menga edwɛkɛ ne sikalɛ mɔɔ bɛ adwenle so nu la. Kɛmɔ mekɛ bie bɛyɛle bɛ nwo ahanra bɛmanle ɛtane nee amumuyɛ na bɛyɛle ninyɛndane la, zɔhane ala yɛɛ kɛkala ɔwɔ kɛ bɛyɛ bɛ nwo ahanra bɔkɔɔ bɛmaa tenleneyɛlɛ a, amaa bɛ nwo ade nwuanzaanwu.

Wulo 7:7

Ɛnee kɛ yɛha yɛze ɛ? Kɛ mɛla ne le ɛtane ɔ? Kyɛkyɛ, ɔnle zɔhane. Mɛla ne a manle menwunle kɛ ɛtane si de la a. Saa mɛla ne anga kɛ “Mmayɛ anyebolo” a, anrɛɛ menze kɛ bɛsi bɛyɛ anyebolo la.

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Wulo 9:30

Ɛnee akee kɛ yɛha yɛze ɛ? Yɛka ɛhye, kɛ bɛdabɛ mɔɔ bɛnle Dwuuma, na bɛandwenle nwolɛ ɛlɛ kɛ bɛkɛzɔ Nyamenle anye la, ɛlua diedi zo ɛzɔ ɔ nye.

1 Kɔl 15:32

Saa mele sonla ala, mɔɔ menlɛ anyelazo biala wɔ ewule nzi, yɛɛ me nee “ɛhoayelɛ nu nanemgbole” honle wɔ Ɛfɛsɛse a, ɛnee duzu nvasoɛ a menyia ye a? Saa Nyamenle ɛndwazo mɔwuamra ɛmba ngoane nu a, ɛnee kɛmɔ ɔyɛ a bie mɔ ka la, “Bɛmaa yɛli na yɛnlo, ɔluakɛ ɛhyema ɛnee yɛwu.”

1 Kɔl 9:8

Tɛ sonla tumi zo yɛɛ melua mɔɔ meka ɛhye mɔ a. Nyamenle mɛla ne ɔdaye ɔka edwɛkɛ ko ne ala.

2 Kɔl 6:4

Wɔ yɛ nyɛleɛ biala anu yɛfa abotane yɛgyinla ngyegyelɛ, anwongyelelɛ nee abodelɛ biala anloa, yɛkile kɛ yɛle Nyamenle sonvolɛma.

2 Kɔl 7:11

Bɛnlea gyima mɔɔ Nyamenle vale bɛ rɛle ne mɔɔ bɔle la lile a: bɛ nye bolole edwɛkɛ ne anwo manle bɛhilele kɛ bɛ nwo ɛnle nu! Nea bɛ ɛya mɔɔ bɛvale, ɛzulolɛ mɔɔ bɛnyianle ye bɛ nu, bɛ nwo mɔɔ dɔ me kɛ bɛ kunlu a anrɛɛ mewɔ lɔ, bɛ nwo mɔɔ bɛyelele kɛ bɛkɛbɔ ɛbɛla kpalɛ, nee kɛ bɛzile bɛdeanle bɛdabɛ mɔɔ bɛlile ɛtane la. Adenle biala anu bɛyɛle bɛhilele kɛ bɛnli fɔlɛ fee wɔ edwɛkɛ ne anwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:18

Saa mekpo mɛla adenle ne na eza mesia me nzi kɛ akee medi mɛla ne azo a, ɛnee mehile kɛ medi fɔlɛ na medo mɛla ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:15

Mediema, memaa bɛ ndonwo ko na bɛnlea: Saa menli nwiɔ kponle ngyehyɛlɛ bie azo na bɛkye ɔ bo a, awie ɛngola ɛnzɛkye ye anzɛɛ ɛnva bie ɛmboka nwolɛ.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.