Wulo 3:4 - BAEBOLO ANZƐƐ BULUKU NWUANZANWUANZA

⁴ Kyɛkyɛ, ɔnle zɔhane fee. Saa menli ɛnli nɔhalɛ bɔbɔ a Nyamenle bahɔ zolɛ ali nɔhalɛ dahuu. Nyamenle Edwɛkɛ ne se, “Ɔwɔ kɛ bɛkile wɔ bɛmaa ɛka nɔhalɛ; na bɛdi wɔ edwɛkɛ a wɔali benle.”

Wulo 3:4 ပူးပေါင်းရင်းမြစ်များ

Dwobu Buluku ne 36:3

Me adwenle ne abo vi moa, me Bɔvolɛ ne di pɛlepɛle.

Dwobu Buluku ne 40:8

Yemɔti ɛdawɔ bɔbɔ ɛbua me fɔlɛ ɔ? Ɛbua me fɔlɛ na wɔali benle ɔ?

Edwɛndolɛ Buluku ne 100:5

Ɔluakɛ Ɛdɛnkɛma le kpalɛ; ye ɛhulolɛ kpundii ne wɔ ɛkɛ ne dahuu, yɛɛ ye nɔhalɛlilɛ dwu awolɛndoazo muala anwo zo. Gyɛ 33.11

Edwɛndolɛ Buluku ne 116:11

menvale ewugyemu menganle kɛ, “Anyelazo wɔ menli kɔsɔɔti anu le mgbane”

Edwɛndolɛ Buluku ne 119:160

Wɔ edwɛkɛ ne mɔ kɔsɔɔti le kpɔkɛ ko, yemɔ a le nɔhalɛ; yɛɛ wɔ tenlene mɛla ne mɔ wɔ ɛkɛ ne dahuu.

Edwɛndolɛ Buluku ne 138:2

mekakyi me nye wɔ wɔ Ɛzonlenlɛ Sua nwo lɔ, mebutu meyɛ wɔ mo, wɔ wɔ ɛhulolɛ kpundii ne nee wɔ nɔhalɛ ti, ɔluakɛ wɔkpogya wɔ duma nee wɔ edwɛkɛ zo wɔdɛla debie biala.

Edwɛndolɛ Buluku ne 51:4

Wɔmɔ ala yɛɛ mevo wɔ, na mebɔ munzule ɛbɛla ɛhye wɔ ɛ nyunlu a, amaa wɔ ndɛnebualɛ ayɛ fɔɔnwo na wɔanli ɛzonle wɔ wɔ ndɛnebualɛ nu.

Edwɛndolɛ Buluku ne 62:9

Awienvolɛma le kɛ anwoma, mgbolema le kɛ ɛlalɛ; ɛgua bɛ tone zo a bɛndo ɛhwee; bɛ kɔsɔɔti bɛ ɛnlomboɛ ɛndo anwoma.

Maeka Buluku ne 7:20

Ɛbahile wɔ nɔhalɛlilɛ ne nee wɔ ɛhulolɛ kpundii ne mɔɔ ɛlɛ ye wɔ yɛ nlenya mɔ, Gyekɔbo nee Ebileham anwo la wɔ bɛ bo zo amra anwo zo, kɛmɔ wɔ ɛwɔkɛ ne mɔɔ ɛbɔle la de la.

Edwɛkpa ne kɛmɔ Mateyu hɛlɛle la 11:19

Medame, Sonla Ra noko mera, na melɛdi meanlo a, awie biala se, ‘Bɛnlea ɛhye! Adidikpoku, nzanli, adwuledievolɛma nee bɛdabɛ mɔɔ awie ɛmbu bɛ la agɔnwo!’ Noko Nyamenle nrɛlɛbɛ ne amra ne mɔ nyɛleɛ maa bɛnwu kɛ ɔle nɔhalɛ.”

Edwɛkpa ne kɛmɔ Luku hɛlɛle la 20:16

Ɔkɛrahu abunsama ne mɔ amuala, na ɔkɛva ɛya ne ɔkɛwula abunsama fofolɛ asa anu.” Menli ne mɔ dele ɛhye la, bɛzele kɛ, “Kyɛkyɛ, ɔnrɛyɛ ye zɔhane.”

Dw 3:33

Mɔɔ die ye edwɛkɛ ne to nu la kile maa bɛnwu kɛ Nyamenle le nɔhalɛ.

Wulo 11:1

Ɛnee akee mebiza kɛ, se ɛnee Nyamenle ɛkpo ye menli ne o? Ɔnle zɔhane fee! Medame, mele Yizilayɛnli, Ebileham anlɔnra mɔɔ vi Bɛngyaman abusua nu.

Wulo 11:11

Ɛnee akee mebiza kɛ, mɔɔ Dwuuma dule koti la, se ɛnee bɛminli bɔkɔɔ? Ɔnle zɔ. Ɔlua bɛ ɛtane ti, ngoanelielɛ vi bɛ ɛkɛ ɛhɔ bɛdabɛ mɔɔ bɛnle Dwuuma la ɛkɛ, amaa Dwuuma anye abolo bɛ.

Wulo 3:31

Na ɛnee ɛhye kile kɛ yɛdua diedi zo yɛavuandi mɛla ne yɛagua ɔ? Kyɛkyɛ! Ɔnle zɔhane fee. Yɛdua yɛ diedi zo yɛkpogya mɛla ne zo.

Wulo 6:15

Duzu bieko? Ɛnee kɛmɔ yɛwɔ Nyamenle ɛlolɛ ne abo na yɛnle mɛla ne abo la ati, ɔwɔ kɛ yɛkɔ zolɛ yɛyɛ ɛtane ɔ? Kyɛkyɛ, ɔnle zɔhane!

Wulo 6:2

Kyɛkyɛ! Saa ɛtane maa yɛwu a, ɛnee kɛ yɛsi yɛtɛnla ɛtane nu bieko ɛ?

Wulo 7:13

Na ɛnee ɛhye kile kɛ debie kpalɛ a hunle me la ɔ? Kyɛkyɛ! Ɛtane a hunle me a. Ɔvale kpalɛ ɔlile ɔ nyunlu ɔhunle me, amaa ye su dɛba ne avinde kɛ ɔle ɛtane. Yemɔti, bɛlua mɛla ne azo bɛhile kɛ ɛtane le kakadane kpalɛ kpalɛ.

Wulo 7:7

Ɛnee kɛ yɛha yɛze ɛ? Kɛ mɛla ne le ɛtane ɔ? Kyɛkyɛ, ɔnle zɔhane. Mɛla ne a manle menwunle kɛ ɛtane si de la a. Saa mɛla ne anga kɛ “Mmayɛ anyebolo” a, anrɛɛ menze kɛ bɛsi bɛyɛ anyebolo la.

Wulo 9:14

Ɛnee kɛ yɛka yɛse ɛ? Yɛha ye kɛ ɛhye ati, ɛnee Nyamenle le amile ɔ? Kyɛkyɛ, ɔnle zɔhane fee.

1 Kɔl 6:15

Bɛnze kɛ bɛ sonlabaka ne mɔ le Kelaese ɛdeɛ ne nvɛyeba nvɛyeba mɔɔ bɔ nu yɛ Awulae sonlabaka ne la ɔ? Asoo menva Kelaese sonlabaka ne nvɛyeba membɔ tuutuu ɛbɛla? Nyamenle ɛkpa ɛgua!

2 Kɔl 1:18

Kɛmɔ Nyamenle le nɔhalɛ, na yɛkola yɛfa yɛ rɛle yɛwula ye nu la, me ɛwɔkɛ ne mɔɔ membɔle bɛ la ɛnle ɛwɔkɛ mɔɔ meka “ɛhɛe” a ɛnee mekile “kyɛkyɛ” a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:17

Saa yɛdayɛ mɔɔ yɛdie Kelaese Gyisɛse yɛali na yɛazɔ Nyamenle anye la eza yɛdi fɔlɛ a, se ɛnee Kelaese a twehwe yɛ kɔ ɛtane nu a? Egya ɛkpa ɛgua!

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:21

Nyamenle ɛlo me kpole, yemɔti menrɛkpo ye amunli. Ɔluakɛ saa sonla di mɛla ne azo kolaa na yeazɔ Nyamenle anye a, ɛnee noko Kelaese wule ewule mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:14

Na mame, ɔkɛbɔ me tɔ kɛ menwɔdu me nloa anu a kyesɛ debie ko anwo ala, yemɔ a le Awulae Kelaese Gyisɛse meanubaka ne. Ɔluakɛ ye meanubaka ne ati, ewiade le debie funli maa me, yɛɛ medame mumua ne mewu memaa ewiade.

Mɛla 32:4

“Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

1 Dw 5:10

Zɔhane ati awie biala mɔɔ die Nyamenle Ara ne di la lɛ daselɛlilɛ ne wɔ ye nu. Awie biala mɔɔ ɛnlie Nyamenle ɛnli la ɛmaa Nyamenle ɛbɔ adalɛ, ɔluakɛ yeanlie daselɛ ne mɔɔ Nyamenle ɛli ye wɔ ɔ Ra ne anwo la yeanli.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

Yekile 3:7

“Kɛlɛ ɛhye kɔmaa Feladɛlefea asɔne ne Nyamenle soanvolɛ ne. “Nrɛlaleɛ ɛhye vi Nwuanzanwuanzanli ne mɔɔ le nɔhalɛnli ne ɛkɛ. Yemɔ yɛɛ ɔlɛ Belemgbunli Devidi sanvɛ ne a. Ɔto nu a, awie ɛmbuke, yɛɛ ɔbuke a, awie ɛndo nu.