Wulo 3:23 - BAEBOLO ANZƐƐ BULUKU NWUANZANWUANZA

²³ menli kɔsɔɔti ɛyɛ ɛtane na bɛnfɛta Nyamenle anyunlunyia ne.

Wulo 3:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

1 Arl 8:46

“Kɛmɔ ɛtane ɛmkpa sonla nwo la, saa wɔ menli ne fo wɔ, maa ɛfa bɛ nwo ɛya na ɛmaa bɛ kpɔvolɛma di bɛ nwo zo konim, fa bɛ donvula kɔ nlɔnu wɔ maanle gyɛne mɔɔ bikye anzɛɛ wɔ moa moa la azo,

Nolo 7:20

Nɔhalɛ, tenlenenli biala ɛnle azɛlɛ ye azo mɔɔ kpalɛ ngome ala a ɔyɛ na ɔnyɛ ɛtane ɛlɛ a.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 11:32

Ɔluakɛ Nyamenle ɛva ye kɛ menli kɔsɔɔti ɛyɛ anzosesebɛ, amaa yeanwu bɛ muala anwunvɔne.

Wulo 3:19

Mɔɔ yɛnwu ye la a le kɛ, debie biala mɔɔ wɔ mɛla ne anu la wɔ ɛkɛ ne maa bɛdabɛ mɔɔ bɛwɔ mɛla ne abo la, amaa menli muala aha bɛ nloa ado nuhua kɛ bɛdi fɔlɛ wɔ Nyamenle ndɛnebualɛ ne anu.

Wulo 3:9

Saa ye zɛhae a, ɛnee yɛdayɛ Dwuuma yɛgyi boɛ yɛtɛla bɛdabɛ mɔɔ bɛnle Dwuuma la ɔ? Kyɛkyɛ, ɔnle zɔhane fee. Mehile nuhua dɛba kɛ Dwuuma nee bɛdabɛ mɔɔ bɛnle Dwuuma la amuala zo ɛtane.

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:22

Nyamenle Edwɛkɛ ne se ɛtane gyale ewiade amuala; ɛhye ati bɛdabɛ mɔɔ bɛdie Gyisɛse Kelaese bɛdi la angome a Nyamenle bava ye ɛwɔkɛ ne mɔɔ ɔbɔle la yeamaa bɛ a.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

1 Pit 5:1

Medame, mele asɔne mgbanyima ne mɔ bie. Mele Kelaese amaneɛnwunlɛ ne anwo dasevolɛ, yɛɛ mebanyia anyunlunyia ne mɔɔ bara la bie. Yemɔti mesɛlɛ bɛdabɛ asɔne mgbanyima mɔɔ wɔ bɛ avinli la kɛ,

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.