Wulo 3:20 - BAEBOLO ANZƐƐ BULUKU NWUANZANWUANZA

²⁰ Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 3:20 ပူးပေါင်းရင်းမြစ်များ

Dwobu Buluku ne 15:15

Nea, Nyamenle ɛnlie ye anwondelɛma bɔbɔ ɛnli, yɛɛ anwuma ɛnde ɔ nye zo;

Edwɛndolɛ Buluku ne 130:3

O Ɛdɛnkɛma, saa ɛse ɛdi ɛtane nzi a, Awulae, anrɛɛ nwane a kɛhola kɛgyinla a?

Edwɛndolɛ Buluku ne 143:2

Mmabua wɔ akɛlɛ ndɛne; ɔluakɛ ɛ nyunlu, awie biala ɛnli benle.

Wulo 2:13

Ɔluakɛ tɛ mɛla ne ɛdielɛ a maa sonla sɔ Nyamenle anye a, kyesɛ ɔyɛ mɔɔ mɛla ne se la.

Wulo 3:28

Ɔluakɛ yɛnwu kɛ sonla mɔɔ die Nyamenle di la yɛɛ Nyamenle maa ɔsɔ ɔ nye a, na tɛ mɔɔ di mɛla ne azo la ɔ.

Wulo 4:13

Nyamenle bɔle Ebileham ɛwɔkɛ kɛ azɛlɛ ne bayɛ ye nee ɔ bo zo amra ɛdeɛ. Nyamenle bɔle ɛwɔkɛ ɛhye, tɛ kɛ Ebileham lile mɛla ne azo la ati ɔ, na ɔliele Nyamenle ɔlile, na ɔlua zolɛ Nyamenle manle ɔzɔle ɔ nye.

Wulo 4:15

Mɛla ne azo ɛlilɛ bɔbɔ, yɛka Nyamenle ɛya; na ɛleka noko mɔɔ mɛla ɛnle la, menli ɛndo mɛla.

Wulo 5:13

Ɛtane rale ewiade kolaa na bɛava mɛla ne bɛamaa, yɛɛ mɔɔ ɛnee mɛla ɛnle ɛkɛ la, bɛmbu ɛtane nwo mgbonda bɛntia awie biala.

Wulo 5:20

Bɛvale mɛla ne bɛrale ala la yɛɛ mɛladonlɛ liele ebia a; noko ɛleka mɔɔ ɛtaneyɛlɛ ne zonle la, Nyamenle ɛlolɛ ne yɛle dɔɔnwo bole zolɛ.

Wulo 7:11

Ɛtane nyianle adenle vale mɛla bɛlɛbɛlale me, na ɔluale zolɛ ɔhunle me.

Wulo 9:32

Duzu ati ɔ? Ɔboalekɛ mɔɔ bɛyɛle la ɛngyi diedi zo, bɛyɛle ye kɛ asɛɛ ɔgyi nyɛleɛ zo la. Ɛhye ati bɛdu koti.

1 Kɔl 15:56

Ewule bɔlɔ a le ɛtane, yɛɛ ɛtane tumi ne vi mɛla ne anu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:16

Noko mɔɔ yɛnwu ye la a le kɛ, tɛ mɛla ne azo ɛlilɛ yɛɛ maa sonla sɔ Nyamenle anye a, kyesɛ yɛdie Gyisɛse Kelaese yɛdi kolaa na yɛazɔ Nyamenle anye. Yɛdayɛ bɔbɔ, yɛliele Kelaese Gyisɛse yɛlile kolaa na Nyamenle alua zolɛ yeamaa yɛazɔ ɔ nye, na tɛ mɛla ne mɔɔ yɛlile zolɛ la ati ɔ. Ɔluakɛ sonla biala mɔɔ di mɛla ne azo la ɛnrɛzɔ Nyamenle anye ɛlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:19

Mame, mɛla ne anyunlu a, mewu; mɛla ne a hunle me a, amaa meadɛnla ngoane nu meamaa Nyamenle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:4

Bɛdabɛ mɔɔ bɛdwenle kɛ bɛdi mɛla ne azo a bɛkɛzɔ Nyamenle anye la ɛhwe bɛ nwo ɛvi Kelaese anwo, na bɛnrɛnyia Nyamenle ɛlolɛ ne bie.

Kɛlata mɔɔ bɛhɛlɛle bɛhɔmanle Hibuluma la 7:19

Ɔluakɛ Mosisi Mɛla ne angola ammaa ɛhwee anli munli. Na kɛkala, bɛva anyelazo kpalɛ bie bɛra, mɔɔ yɛlua zo a yɛbikye Nyamenle a.