Wulo 3:12 - BAEBOLO ANZƐƐ BULUKU NWUANZANWUANZA

¹² Menli kɔsɔɔti ɛde Nyamenle anwo atua; biala ɛvo, yɛɛ biala ɛnli boɛ, kyɛkyɛ, ko bɔbɔ ɛnle ɛkɛ.

Wulo 3:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:31

Na Nyamenle nwunle kɛ debie biala mɔɔ yeyɛ la le kpalɛ kpole. Aleɛ dwole na aleɛ hyenle; kenle ne mɔɔ tɔ zolɛ nsia la ɛne.

Edwɛndolɛ Buluku ne 14:3

Noko bɛ muala bɛminli, bɛ muala bɛzɛkye bɔkɔɔ; sonla ko ɛnle ɛkɛ mɔɔ bɔ ɛbɛla kpalɛ a, kyɛkyɛ, ko bɔbɔ ɛnle ɛkɛ.

Edwɛndolɛ Buluku ne 53:1

Koasea edwɛkɛ a le kɛ, “Nyamenle ɛnle ɛkɛ.” Bɛzɛkye, bɛbɔ bɛkyi ɛbɛla; sonla ko ɛnle ɛkɛ mɔɔ bɔ ɛbɛla kpalɛ a.

Edwɛndolɛ Buluku ne 53:3

Noko bɛ muala bɛminli, bɛ muala bɛzɛkye bɔkɔɔ; sonla ko ɛnle ɛkɛ mɔɔ bɔ ɛbɛla kpalɛ a, kyɛkyɛ, ko bɔbɔ ɛnle ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:8

Adenle ne mɔɔ mengilele bɛ kɛ bɛlua nu la, bɛanlua nuhua; bɛgua ɛnlankɛ nyinli ananze na bɛzonle ye, bɛbɔ azu bɛmaa ye na bɛha kɛ, ‘O Yizilayɛ, yɛ nyamenle ne mɔɔ yele yɛ vile Yigyibiti azɛlɛ zo la, yemɔ ɛne!’

Nolo 7:20

Nɔhalɛ, tenlenenli biala ɛnle azɛlɛ ye azo mɔɔ kpalɛ ngome ala a ɔyɛ na ɔnyɛ ɛtane ɛlɛ a.

Nolo 7:29

Debie mɔɔ mezukoa la ala ɛne: Nyamenle bɔle sonla fɔɔnwo, na sonla ɛbɔ adwenle dɔɔnwo ɛmaa ɛbɛla ɛyɛ kpomgbondee.

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Ayezaya Buluku ne 59:8

Bɛnze anzonudwolɛ adenle, yɛɛ bɛnli pɛlepɛle. Bɛyɛ bɛ ndenle ne mɔ ahyeɛhyealera, yɛɛ awie biala mɔɔ kɛva zolɛ la anzo nu ɛndwo ye ɛlɛ.

Ayezaya Buluku ne 64:6

Yɛ muala yɛyɛ menli mɔɔ anwo ɛnde a, yɛɛ yɛ ɛbɛla kpalɛ biala le kɛ tɛladeɛ mɔɔ ɛhu la. Yɛ muala yɛwu kɛ ɛyɛne, yɛɛ yɛ ɛtane ne mɔ ɛyɛ kɛ anwoma la, bɛpia yɛ bɛkɔ.

Gyɛlɛmaya Buluku ne 2:13

Ɔluakɛ me menli ne ɛyɛ ɛtane nwiɔ: bɛkpo me, bɛ ngoane nzubula ne, na bɛdabɛ bɛhɔbɔ bɛ bula ɛdeɛ, bula mɔɔ ɛbolo, mɔɔ ngoane nzule ɛngola ɛngyinla nu.

Edwɛkpa ne kɛmɔ Mateyu hɛlɛle la 25:30

Akee sonvolɛ mgbane ɛhye, bɛvuandi ye bɛdo alie nwo lɔ awozinli kpole ne anu; ɛkɛ ne yɛɛ menli bazu adedɛ bɛ nwo bonrane nu a!’

Wulo 3:11

Biala ɛnlɛ ndelebɛbo, biala ɛmkpondɛ Nyamenle abo zo.

Wulo 3:13

Bɛ nloa deda nwolɛ kɛ sɛka mɔɔ ɛbubu, adalɛ yɛɛ vi bɛ nloa anu finde a. Bɛ nloa edwɛkɛ yɛ nla tɛla ɛwɔlɛ gye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:11

Mekɛ bie mɔɔ ɛraze ɛhɔ la ɛnee ɔ nwo ɛnlɛ nvasoɛ ɛmmaa wɔ; na kɛkala, ɔ nwo lɛ nvasoɛ maa wɔ nee medame.

1 Pit 2:25

Ɛnee bɛle kɛ mboane mɔɔ ɛminli la, na kɛkala bɛva bɛ bɛzia bɛra kɛ bɛrali Mboaneneavolɛ ne nee bɛ ɛkɛla sinzavolɛ ne anzi.