Wulo 3:1 - BAEBOLO ANZƐƐ BULUKU NWUANZANWUANZA

¹ Asoo Dwuuma gyi boɛ tɛla bɛdabɛ mɔɔ bɛnle Dwuuma la? Anzɛɛ nvasoɛ bie wɔ mrenyanu nzonlɛyɛlɛ zo ɔ?

Wulo 3:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:32

Yisɔ buale kɛ, “Melɛwu, awolɛ kpanyinli noko ɔdaye ɔkile duzu?”

Edwɛndolɛ Buluku ne 147:20

Ɔtɛyɛle ɛhye ɔtɛmanle maanle biala; bɛnze ye mɛla ne mɔ. Bɛye Ɛdɛnkɛma ayɛlɛ!

Nolo 6:11

Ɛdendɛlɛ dɔɔnwo maa bɛka mgbane mgbane, yɛɛ ɔmmaa sonla ɛbɛla ɛngakyi.

Nolo 6:8

Ɛnee duzu a nrɛlɛbɛvolɛ fa tɛla koasea a? Yɛɛ saa ehyianli nwu kɛ bɛsi bɛsɔ ɛbɛla sa la a, duzu a ɔnyia ye a?

Malakae Buluku ne 3:14

Bɛha kɛ, ‘Nyamenle ɛzonlenlɛ le debie mgbane. Duzu nvasoɛ yɛɛ yɛnyia ye wɔ ye ɛhulolɛdeɛ zo ɛlilɛ nwo, nee yɛ nwo alɔbɔlɛ alɔbɔlɛ mɔɔ yɛyɛ wɔ Tumivolɛ Ɛdɛnkɛma anyunlu, kɛ asɛɛ nyane bie ɛdo yɛ la anwo a?

Dw 4:22

Nɔhalɛ, bɛmɛ Samɛleama, bɛnze mɔɔ bɛsonle ye la, na yɛmɛ Dwuuma, yɛze mɔɔ yɛsonle ye la. Ɔboalekɛ ngoanelielɛ kɛra a ɔvi Dwuuma.

Wulo 3:2

Nɔhalɛ bɔkɔɔ, wɔ adenle biala azo! Ɔboalekɛ alumua ne, bɛmɛ yɛɛ Nyamenle vale ye ngilehilelɛ ne wulale bɛ sa nu a.

Wulo 3:9

Saa ye zɛhae a, ɛnee yɛdayɛ Dwuuma yɛgyi boɛ yɛtɛla bɛdabɛ mɔɔ bɛnle Dwuuma la ɔ? Kyɛkyɛ, ɔnle zɔhane fee. Mehile nuhua dɛba kɛ Dwuuma nee bɛdabɛ mɔɔ bɛnle Dwuuma la amuala zo ɛtane.

1 Kɔl 15:32

Saa mele sonla ala, mɔɔ menlɛ anyelazo biala wɔ ewule nzi, yɛɛ me nee “ɛhoayelɛ nu nanemgbole” honle wɔ Ɛfɛsɛse a, ɛnee duzu nvasoɛ a menyia ye a? Saa Nyamenle ɛndwazo mɔwuamra ɛmba ngoane nu a, ɛnee kɛmɔ ɔyɛ a bie mɔ ka la, “Bɛmaa yɛli na yɛnlo, ɔluakɛ ɛhyema ɛnee yɛwu.”

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.