Wulo 2:9 - BAEBOLO ANZƐƐ BULUKU NWUANZANWUANZA

⁹ Bɛdabɛ mɔɔ bɛyɛ amumuyɛ la amuala banwu amaneɛ nee abodelɛ, Dwuuma lumua yɛɛ bɛdabɛ noko mɔɔ bɛnle Dwuuma la doa bɛ.

Wulo 2:9 ပူးပေါင်းရင်းမြစ်များ

2 Edk 6:23

tie bɛ wɔ anwuma lɔ, twe mɔɔ di fɔlɛ la anzo kɛmɔ ɔfɛta la, na yileyila mɔɔ di benle la.

Edwɛndolɛ Buluku ne 32:10

Amumuyɛnli munzule zonle; na mɔɔ arɛle wɔ Ɛdɛnkɛma anu la, ɛhulolɛ kpundii ɛbɔ ye mgbɔlɔka.

Mrɛlɛbulɛ Buluku ne 11:23

Mɔɔ tenlenenli kpondɛ la wie boɛ; mɔɔ amumuyɛnli anye la zo la wie ɛya nu.

Yizikeɛle Buluku ne 18:4

Bɛnwu ye kɛ awie biala ngoane le me ɛdeɛ. Bɛ nlenya mɔ ngoane ne le me ɛdeɛ, yɛɛ ngakula ne mɔ ngoane le me ɛdeɛ. Awie biala mɔɔ kɛyɛ ɛtane la, bawu.

Yizikeɛle Buluku ne 22:31

Yemɔti mewola me ɛya ne megua bɛ nwo zo. Meva me ɛya senle ne meyela bɛ; memaa bɛ ɛbɛla ne ɛbu ɛzia bɛ, medame, Awulae Nyamenle a mese a.”

Emɔzo Buluku ne 3:2

Ɔse, “Maanle maanle mɔɔ wɔ azɛlɛ ye azo la kɔsɔɔti, ɛdawɔ ɛ ngomekye ala yɛɛ meze wɔ na menlea wɔ gyɛlɛɛnye a, yemɔti mebadea wɔ, wɔ wɔ amumuyɛ ne mɔ ati.”

Edwɛkpa ne kɛmɔ Mateyu hɛlɛle la 16:26

Saa sonla nyia ewiade ninyɛne ne amuala na ɔminli ye ɛkɛla a, duzu nvasoɛ a ɔnyia a? Ɔnnyia ɛhwee! Debie biala ɛnle ɛkɛ mɔɔ sonla kɛhola kɛva kɛzenza ye ngoane a.

Edwɛkpa ne kɛmɔ Luku hɛlɛle la 24:47

Akee bɛbɔ ɔ bo wɔ Gyɛlusalɛm ɛke bɛva me duma bɛbɔ anlubɛnwo nolo bɛhile maanle maanle kɔsɔɔti, na saa bɛdie bɛdi a, Nyamenle ava bɛ ɛtane ahyɛ bɛ.

Ɛzoanvolɛma Gyima ne 11:18

Bɛdele ɛhye la, bɛgyakyile bɛ nvefenu ne na bɛyeyɛle Nyamenle bɛzele kɛ, “Nyamenle ɛmaa bɛdabɛ mɔɔ bɛnle Dwuuma la noko adenle kɛ bɛnlu bɛ nwo na bɛnyia ngoane mɔɔ ɛnlɛ awieleɛ.”

Ɛzoanvolɛma Gyima ne 13:26

“Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

Ɛzoanvolɛma Gyima ne 20:21

Mengakyele Dwuuma nee bɛdabɛ mɔɔ bɛnle Dwuuma la amuala kɛ bɛnlu bɛ nwo wɔ bɛ ɛtane ne mɔ mɔɔ bɛyɛ bɛtia Nyamenle la anwo na bɛlie yɛ Awulae Gyisɛse bɛli.

Ɛzoanvolɛma Gyima ne 26:20

Na menlumuale menganle ye wɔ Dɛmasekɛse nee Gyɛlusalɛm yɛɛ Dwudiya maanle ne mɔ amuala anu, nee maanle maanle mɔɔ ɛmboka Dwuuma anwo la anu, kɛ bɛnlu bɛ nwo na bɛzia bɛrɛla Nyamenle ɛkɛ, na bɛbɔ ɛbɛla mɔɔ kile kɛ bɛnlu bɛ nwo la.

Ɛzoanvolɛma Gyima ne 28:17

Ɔlile kenle nsa la Pɔɔlo vɛlɛle Dwuu mgbanyima mɔɔ wɔ sua ne azo la, ɔ nee bɛ yiale nu na ɔzele bɛ kɛ, “Me mediema Yizilayɛma, meanyɛ ɛtane biala meantia me menli anzɛɛ yɛ amaamuo ne mɔɔ yɛnyianle yɛvile yɛ nlenya mɔ lɔ la, noko bɛhyele me piliza bɛyele me bɛmanle Wulomuma wɔ Gyɛlusalɛm.

Ɛzoanvolɛma Gyima ne 28:28

Akee Pɔɔlo dwulale ye edwɛkɛ ne zɛhae, “Yemɔti bɛnwu ye kɛ bɛlɛ Nyamenle ngoanelielɛ nwo nrɛlaleɛ ne bɛkamaa bɛdabɛ mɔɔ bɛnle Dwuuma la, na bɛbadie!” [

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Wulo 2:10

Nyamenle bava anyunlunyia, enililɛ nee anzonudwolɛ amaa bɛdabɛ mɔɔ bɛdi boɛ la, Dwuuma lumua yɛɛ bɛdabɛ noko mɔɔ bɛnle Dwuuma la doa bɛ.

Wulo 8:35

Nwane a kɛhola kɛhwe yɛ kɛvi Kelaese ɛhulolɛ ne anwo a? Amaneɛnwunlɛ anzɛɛ anwongyelelɛ, kpɔdekpɔdeyɛlɛ anzɛɛ ɛhɔne, ehyia, anwubɛnyunlu anzɛɛ ewule?

Wulo 9:24

Ɔluakɛ yɛmɛ yɛɛ yevɛlɛ yɛ yevi Dwuuma nee bɛdabɛ mɔɔ bɛnle Dwuuma la avinli a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.

2 Tɛs 1:6

Ɛhye ati Nyamenle badua menli mɔɔ ɛlɛmaa bɛanwu nyane la amuala kakɛ,

1 Pit 4:17

Mekɛ ne ɛdwu mɔɔ ɔwɔ kɛ bɛbɔ ndɛnebualɛ ne abo a, na Nyamenle menli ne yɛɛ bɛbalumua bɛabua bɛ ndɛne a. Na saa ndɛnebualɛ ne bɔ ɔ bo wɔ yɛ nwo zo a, ɛnee kɛ ɔkɛzi ɔkɛwie ye wɔ menli mɔɔ ɛnlie Edwɛkpa ne mɔɔ vi Nyamenle ɛkɛ ne la ɛnli la anwo zo ɛ?