Na kɛkala, sia kɔva menli ne kɔ ɛleka ne mɔɔ mehile wɔ la. Me soanvolɛ bali ɛ nyunlu. Noko akee kenle mɔɔ mebara la, mebadea menli ne mɔ wɔ bɛ ɛtane ne ati.”
Saa ɛka kɛ, “Bɛnlea, yɛnze ɛhye anwo ɛhwee” a, ɛnee ɔkile kɛ mɔɔ ze ahonle muala anu la noko ɛnze ɔ? Asoo mɔɔ nea ɛ nwo zo la ɛnze, yɛɛ ɔnrɛdua sonla kakɛ, kɛmɔ ye nyɛleɛ ne mɔ si de la ɔ?
Medame Ɛdɛnkɛma a meneɛnlea sonla adwenle nu na meneɛnlea ye ahonle nu a. Meboa awie biala, kɛmɔ ye ndenle ne mɔ de la, kɛmɔ ye nyɛleɛ ne si kɔ ye la.”
Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.
Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.
Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.
Na menwunle mɔwuamra, mgbole nee ngyikyi kɔsɔɔti, kɛ bɛgyigyi belemgbunli ebia kpole ne anyunlu, na bɛbukebuke mbuluku nu wɔ ɛkɛ. Eza bɛbukele teasema buluku ne noko anu, na bɛbuale mɔwuamra ndɛne wɔ mɔɔ bɛyɛle na bɛhɛlɛ bɛ wɔ mbuluku ne mɔ anu la anwo.