Wulo 2:4 - BAEBOLO ANZƐƐ BULUKU NWUANZANWUANZA

⁴ Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Wulo 2:4 ပူးပေါင်းရင်းမြစ်များ

Edwɛndolɛ Buluku ne 10:11

Ɔdwenle ɔka kɛ, “Nyamenle arɛle ɛvi, yeheda ɔ nye, ɔnrɛnwu ye ɛlɛ.”

Edwɛndolɛ Buluku ne 104:24

O Ɛdɛnkɛma, wɔ gyima ne mɔ zonle! Ɛvale nrɛlɛbɛ yɛɛ ɛbɔle bɛ muala a; wɔ abɔdeɛ ɛyi azɛlɛ ye tɛkɛɛ.

Edwɛndolɛ Buluku ne 31:19

O, wɔ kpalɛyɛlɛ ne zonle, wɔva wɔzie wɔmaa bɛdabɛ mɔɔ bɛsonle wɔ la. Ɛkile ye wɔ bɛdabɛ mɔɔ bɛbafea wɔ nu la anwo zo, wɔ menli kɔsɔɔti anye zo.

Edwɛndolɛ Buluku ne 78:38

Noko yemɔ, kɛmɔ ɔse anwunvɔne la ati, ɔvale bɛ ɛtane ɔhyɛle bɛ, yɛanzɛkye bɛ; mekɛ dɔɔnwo ɔmenle ye ɛya ne, yeanva ye ɛya ne amuala yeangua bɛ nwo zo.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:6

Ɛdɛnkɛma akee zenle ɔ nyunlu ɛkɛ na ɔhanle kɛ, “Medame a mele Ɛdɛnkɛma a, Ɛdɛnkɛma mɔɔ mele anwunvɔnezelɛ nee atiakunlukɛnlɛma Nyamenle, menva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi me tɛkɛɛ.

Nolo 8:11

Kɛmɔ bɛndua amumuyɛyɛlɛ nwo kakɛ ndɛndɛ la ati, menli fa sie bɛ nyunlu yɛ amumuyɛ dahuu.

Ayezaya Buluku ne 30:18

Yemɔti Ɛdɛnkɛma ɛlɛkendɛ bɛ aze bɛ anwunvɔne. Yemɔti yeboɔboa ɔ nwo kɛ ɔnwu bɛ anwunvɔne. Nyilalɛ ɛha bɛdabɛ mɔɔ bɛfa bɛ rɛle bɛwula ye nu la.

Gyɛlɛmaya Buluku ne 7:10

na bɛaragyinla me nyunlu wɔ me Ɛzonlenlɛ Sua ye mɔɔ bɛfa me duma bɛfɛlɛ ye la anu, na bɛaze kɛ, ‘Bɛlie yɛ ngoane’ wɔ mekɛ mɔɔ bɛtɛgua zolɛ bɛtɛyɛ bɛkyi ninyɛne la.

Yizikeɛle Buluku ne 11:19

“ ‘Mebamaa bɛanyia ahonle fofolɛ na meamaa bɛ sunsum fofolɛ. Mebaye bolɛ ahonle ne wɔ bɛ nuhua na meamaa bɛ tieyɛ ahonle.

Yizikeɛle Buluku ne 16:63

Ɛbahakye mɔɔ wɔyɛ la na ɔbayɛ wɔ nyiane, amaa saa mefa wɔ ninyɛndane mɔɔ wɔyɛ la mekyɛ wɔ a, wɔambuke ɛ nloa, ɔboalekɛ nyiane ɛbia wɔ. Medame, Awulae Nyamenle a mese a.”

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Dwona Buluku ne 4:2

Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:18

‘Medame Ɛdɛnkɛma, menva ɛya mgbane mgbane, melɛ ɛhulolɛ kpole, na mefa ɛtane nee mɛladonlɛ mekyɛ. Noko menrɛbu me nye menrɛgua zolɛ kɛ menwɔdea mralɛ nee nlɔnra toonwo ɔkɛdwu awolɛndoazo nsa nee nna ne anwo zo wɔ bɛ ze mɔ ɛtane ne mɔ ati,’ la azo.

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Wulo 11:22

Ɛhye maa yɛnwu kɛ Nyamenle si se anwunvɔne na eza ɔ sa yɛ ɛnlomboɛ la. Ɔ sa yɛ ɛnlomboɛ maa bɛdabɛ mɔɔ bɛkpo aze la, noko saa bɛtɛnla ye kpalɛyɛlɛ ne abo dahuu a, anrɛɛ ɔkɛze bɛ anwunvɔne. Na saa bɛanyɛ ye zɔhane a ɔbakpanekpane bɛdabɛ noko yeagua.

Wulo 11:33

Nyamenle anwonyia le kpole. Ye nrɛlɛbɛ nee ye adwenle le kpole bo zolɛ. Nwane a kɛhola kɛde ye kpɔkɛ mɔɔ ɔkɛbɔ la abo a?

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

Wulo 6:1

Ɛnee akee kɛ yɛha yɛze ɛ? Yɛhɔ zo yɛyɛ ɛtane amaa Nyamenle ɛlolɛ ne azo ɔ?

Wulo 6:15

Duzu bieko? Ɛnee kɛmɔ yɛwɔ Nyamenle ɛlolɛ ne abo na yɛnle mɛla ne abo la ati, ɔwɔ kɛ yɛkɔ zolɛ yɛyɛ ɛtane ɔ? Kyɛkyɛ, ɔnle zɔhane!

2 Kɔl 8:2

Bɛhɔle sɔnea nu kpole wɔ ndenle dɔɔnwo anu, noko bɛlile fɛlɛko kpole. Ɛnee bɛnlɛ bie suzuamgba ɛdeɛ, noko bɛluale bɛ amaneɛnwunlɛ ne anu bɛvale ninyɛne bɛhyɛle, bɛhilele bɛ atiakunlukɛnlɛma.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:18

Mesɛlɛ kɛ bɛ adwenle nu kɛbuke, amaa bɛanwu anyelazo ne mɔɔ yevɛlɛ bɛ wɔ nu, ye nwanwane nyilalɛ ne mɔ mɔɔ ɔfa ɔbɔ ye menli ɛwɔkɛ la anu anwonyia ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7

Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:4

Noko Nyamenle anwunvɔnezelɛ ne zonle, yɛɛ ye ɛhulolɛ mɔɔ wɔ yɛ nwo zo la le kpole bo zolɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:7

Ɔyɛle ɛhye amuala ɔhilele ye ɛlolɛ totohyia ne mɔɔ bɛngola bɛnzuzu la nee atiakunlukɛnlɛma mɔɔ ɔlua Kelaese Gyisɛse ati dahuu ɔlɛ ye wɔ yɛ nwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:16

kɛ ye anyunlunyia ne kpole ti, ɔlua ye Sunsum ne azo ɔmaa bɛ anwosesebɛ ɔmaa bɛgyinla kpundii wɔ adwenle nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:19

Me Nyamenle ne balua Kelaese Gyisɛse anyunlunyia nu anwonyia kpole ne azo ayɛ bɛ ɛhyianlɛdeɛ amaa bɛ.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 2:2

Meka ɛhye meamaa bɛ akɛnrazilɛ na bɛali ahua wɔ ɛhulolɛ nu, amaa bɛanyia diedi nu anwonyia ne mɔɔ ndelebɛbo kpalɛ fa maa la. Zɛhae adenle zo yɛɛ bɛlua a bɛkɛnwu deɛ ne mɔɔ Nyamenle ɛva ɛvea la a; deɛ ne mɔɔ Nyamenle ɛva ɛvea la a le Kelaese ɔdaye mumua ne.

1 Tem 1:16

Ɔlua ɛhye ati yɛɛ Nyamenle nwunle me anwunvɔne a, amaa Kelaese Gyisɛse abotane kpole ne mɔɔ ɔnyianle ye wɔ medame, ɛtanevolɛma kpanyinli me nwo la, ala ali na yeayɛ ndonwo yeamaa bɛdabɛ mɔɔ nzinlii bɛbalie ye bɛali na bɛanyia ngoane mɔɔ ɛnlɛ awieleɛ la.

1 Tem 6:17

Tendɛ kile bɛdabɛ mɔɔ bɛlɛ ngoane ɛhye anu anwonyia la kɛ bɛmmamemaa bɛ nwo zo, yɛɛ bɛmmafa bɛ nye bɛto ninyɛne mɔɔ pɛ nu se kɛ anwonyia la azo, bɛmaa bɛ nye ɛla Nyamenle mɔɔ maa yɛ debie biala molozo mɔɔ yɛfa yɛdie yɛ nye la anwo zo.

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

2 Pit 1:11

Zɛhae nyɛleɛ zo ala yɛɛ bɛlua a bɛkɛnyia yɛ Awulae nee Dievolɛ Gyisɛse Kelaese belemgbunlililɛ ne mɔɔ ɛmbɔ aze ɛlɛ la a.

2 Pit 3:15

Bɛde ɔ bo kɛ yɛ Awulae abotane ne le ngoanelielɛ maa bɛ, kɛmɔ adiema Pɔɔlo ɛlua nrɛlɛbɛ mɔɔ Nyamenle ɛva ɛmaa ye la azo ɛhɛlɛ ɛrɛlɛ bɛ la.

2 Pit 3:3

Mɔɔ lumua la a le kɛ, ɔwɔ kɛ bɛnyia ndelebɛbo kɛ mekɛ mɔɔ li awieleɛ la amgbuzilɛma bie mɔɔ di bɛ atiakunluwɔzo nzi la badwazo na bɛarazi bɛ amgbu. Bɛbagolo bɛ nwo,

2 Pit 3:9

Tɛ kɛ Awulae ɛngola ye ɛwɔkɛ mɔɔ yebɔ la azo di, kɛmɔ bɛ bie mɔ dwenle kɛ ɔde la, na yemɔ a le kɛ Awulae lɛ bɛ nwo abotane, ɔluakɛ ɔngulo kɛ bɛsɛkye awie biala. Ɔkpondɛ kɛ awie biala nu ɔ nwo na ɔtwe ɔ nwo ɔfi ye ɛtane ne mɔ anwo.

Yekile 2:21

Memanle ye mekɛ kɛ ɔva ɔnlu ɔ nwo, noko ɔngulo kɛ ɔkɛgyakyi ye adwɔmane ɛbɛla ne.

Yekile 3:20

Tie, megyi anlenkɛ ne anzi melɛbɔ nu; mɔɔ kɛde me ne na ɔkɛdukue me la, mebara ye ɛkɛ na me nee ye arado ɛsalɛ, na ɔdaye noko ɔ nee me ado ɛsalɛ.