Wulo 2:29 - BAEBOLO ANZƐƐ BULUKU NWUANZANWUANZA

²⁹ Dwuunli kpalɛ ne a le sonla ne mɔɔ sunsum nu yeyɛ ye ahonle nu mrenyanu nzonlɛ na ɔnyɛ ye nwonane nu debie la. Sonla ɛhye nyia ye nganvolɛ fi Nyamenle ɛkɛ, ɔnnyia ye ɔnvi menli lɔ.

Wulo 2:29 ပူးပေါင်းရင်းမြစ်များ

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

Edwɛndolɛ Buluku ne 45:13

Belemgbunli ara raalɛ ne wɔ ye sua ne akunlu, ɔwula ezukoanzule adɛladeɛ.

Gyɛlɛmaya Buluku ne 4:14

O Gyɛlusalɛm, ye ɛtane fi wɔ ahonle nu, amaa bɛalie wɔ ngoane. Bɛfa ɛtaneyɛlɛ adwenle bɛazie bɛ adwenle nu toonwo yeahɔdwu kenlenzu?

Gyɛlɛmaya Buluku ne 4:4

Bɛmɛ Dwudama nee Gyɛlusalɛmma, bɛdu bɛ nwo bɛmaa medame Ɛdɛnkɛma, na bɛde bɛ ahonle nu, anrɛɛ bɛ ninyɛmunli ne mɔ mɔɔ bɛyɛ la ati, me ɛya ne bazɔ kɛ senle, na awie biala ɛnrɛhola ye nua.”

Gyɛlɛmaya Buluku ne 9:25

Ɛdɛnkɛma se, “Mekɛ ne ɛlɛba mɔɔ mebadea Yigyibitima, Dwudama, Yidɔmma, Amɔnoma, Mowabema, yɛɛ ɛsɛlɛ zo amra mɔɔ kpa bɛ nwoma azo enrinli la. Menli ɛhye mɔ amuala ɛyɛ bɛ mrenyanu nzonlɛ, noko bɛnli ngyekyeleɛ ne mɔɔ kile kɛ bɛyɛ bɛ mrenyanu nzonlɛ la azo. Maanle maanle ɛhye mɔ nee Yizilayɛma biala ɛnli me ngyekyeleɛ ne azo.”

Edwɛkpa ne kɛmɔ Luku hɛlɛle la 11:39

Na Awulae zele ye kɛ, “Bɛmɛ Falasiima, bɛkpuda bɛ kanrɛlɛ nee bɛ ɛyɛba nwo, noko bɛ ahonle ne mɔ anu, atisesebɛ nee ɛtane ngome ɛyi bɛ tetɛkɛɛ.

Edwɛkpa ne kɛmɔ Luku hɛlɛle la 17:21

Awie ɛnrɛha kɛ, ‘Nea, yemɔ ɛne!’ anzɛɛ ‘Yemɔ a wɔ lɔ la!’ ɔboalekɛ Nyamenle Belemgbunlililɛ ne ɛra na ɔde bɛ ahonle nu.”

Dw 12:43

Bɛkulo menli nganvolɛ bɛtɛla Nyamenle nganvolɛ.

Dw 4:23

Na mekɛ ne ɛlɛba, yɛɛ yedwu bɔbɔ, mɔɔ ɛzonlenlɛma kpalɛ ne bazonle Selɛ ne wɔ sunsum nu nee nɔhalɛ nu a. Ɔluakɛ kɛ Selɛ ne kpondɛ kɛ bɛsonle ye la ɛne.

Dw 5:44

Bɛkpondɛ kɛ bɛkanvo bɛ ngome bɛ nwo ngoko ngoko, na bɛmpele bɛnlie nganvolɛ bɛnvi Nyamenle kokye ne ɛkɛ ne, na ɛnee kɛ ɔkɛyɛ na bɛalie me bɛali ɛ?

Wulo 14:17

Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Wulo 2:27

Zɔhane ati menli mɔɔ nwonane nu bɛtɛyɛle bɛ mrenyanu nzonlɛ, noko bɛdi mɛla ne azo la babua bɛdabɛ mɔɔ bɛyɛ bɛ mrenyanu nzonlɛ na bɛlɛ mɛla ne bɛ sa nu, na bɛtietia zolɛ la ndɛne.

Wulo 3:1

Asoo Dwuuma gyi boɛ tɛla bɛdabɛ mɔɔ bɛnle Dwuuma la? Anzɛɛ nvasoɛ bie wɔ mrenyanu nzonlɛyɛlɛ zo ɔ?

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

1 Kɔl 7:19

Ɔluakɛ bɛyɛ wɔ mrenyanu nzonlɛ o, bɛanyɛ o, ɔngyia. Debie mɔɔ hyia la a le Nyamenle mɛla ne mɔ azo ɛlilɛ.

2 Kɔl 10:18

Ɔluakɛ tɛ sonla mɔɔ kanvo ɔ ngome ɔ nwo la a sɔ Nyamenle anye a, na sonla mɔɔ Awulae kanvo ye la a sɔ Nyamenle anye a.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

Mɛla 10:16

Zɔhane ati, bɛmmayɛ anzosesebɛ bieko na bɛmaa bɛ ahonle nu ɛde.

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

1 Tɛs 2:4

Mɔɔ yɛyɛle la a le kɛ dahuu yɛtendɛ, kɛmɔ Nyamenle kpondɛ kɛ yɛtendɛ la, ɔboalekɛ yemaa yɛzɔ ɔ nye na yeva ye Edwɛkpa ne yewula yɛ sa nu. Ɛhye ati yɛmbɔ mɔdenle kɛ yɛsɔ menli nye. Nyamenle mɔɔ ze yɛ ahonle nu la yɛɛ yɛkulo kɛ yɛsɔ ɔ nye a.

1 Pit 3:4

Bɛmaa bɛ nyamenlezo anwofɛlɛko ne mɔɔ wɔ bɛ nu la ɛvinde. Nyamenlezo anwofɛlɛko ɛhye vea bɛ ahonle ne mɔ anu, na yemɔ a le bɛ bɛtɛɛyɛlɛ nee bɛ koonwuyɛlɛ subane ne. Ɛhye a le kɛnlɛma na ɔsɔ Nyamenle anye a.

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”