Wulo 2:24 - BAEBOLO ANZƐƐ BULUKU NWUANZANWUANZA

²⁴ Nyamenle Edwɛkɛ ne se, “Bɛmɛ Dwuuma bɛ ti, bɛdabɛ mɔɔ bɛnle Dwuuma la tendɛ tia Nyamenle.”

Wulo 2:24 ပူးပေါင်းရင်းမြစ်များ

2 Sam 12:14

Kɛmɔ wɔanli Ɛdɛnkɛma eni fee na wɔyɛ nyɛleɛ ɛhye la, ɛ ra ne mɔɔ bɛbawo ye la bawu.”

Ayezaya Buluku ne 52:5

Na kɛkala medame Ɛdɛnkɛma, duzu a menwu ye ɛke a? Mɔɔ menwu ye la a le kɛ bɛhye me menli ne bɛhɔ mgbane. Bɛ arelemgbunli ne mɔ su, yɛɛ dahuu bɛgua me duma ne anwo evinli.

Yizikeɛle Buluku ne 20:27

“Zɔhane ati, sonla ra, tendɛ kile Yizilayɛma na se bɛ kɛ Awulae Nyamenle ne se: Adenle mɔɔ bɛ ze mɔ luale nu hanle me ɛya la a le kɛ bɛanli nɔhalɛ bɛammaa me.

Edwɛkpa ne kɛmɔ Mateyu hɛlɛle la 18:7

Munzule ɛha aleɛabo amra kɛ ninyɛne mɔɔ maa sonla diedi kakyi la dɔɔnwo wɔ ewiade ye anu a! Kɛ ɔkɛyɛ biala la, zɛhae ngyegyelɛ ne mɔ bara, noko sonla ne mɔɔ ɔkɛlua ɔ nwo zo ɔkɛra la, ye gyakɔ!

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.

1 Tem 6:1

Maa bɛdabɛ mɔɔ bɛle ngɛkɛlɛ la ɛbu bɛ menle mɔ kɛ bɛfɛta enililɛ wɔ adenle biala anu, amaa awie biala annyia edwɛkɛ ɛtane anga wɔ Nyamenle duma ne nee yɛ ngilehilelɛ ne anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:5

amaa bɛanwu nrɛlɛbɛ, bɛazie bɛ nwo diinyi, bɛayɛ atiakunlukɛnlɛma, bɛ nwo ade saanwu, na bɛayɛ yelɛma kpalɛ mɔɔ tie bɛ hu mɔ ane a, amaa awie anga Nyamenle edwɛkɛ ne anwo edwɛkɛ ɛtane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:8

Fa ɛdendɛlɛ kpalɛ mɔɔ menli ɛnrɛha nwolɛ edwɛkɛ la kilehile, amaa wɔ agbɔvolɛ asa aha bɛ gye nu, na bɛannyia edwɛkɛ ɛtane bɛanga wɔ yɛ nwo.

2 Pit 2:2

Menli dɔɔnwo badoa bɛ alua bɛ ɛbɛla mgbane mgbane adenle ɛhye anu, na ɔlua bɛ nyɛleɛ ti menli adendɛ ɛtane atia nɔhalɛ Adenle ne.