Wulo 2:22 - BAEBOLO ANZƐƐ BULUKU NWUANZANWUANZA

²² Ɛse, “Bɛmmato awuvolɛvalɛ mɛla ne”, na asoo ɛnva awuvolɛ? Ɛkyi amonle anzɛɛ bozonle, na asoo ɛngɔ amonle nu anzɛɛ bozonle zo ɛngɔnwua?

Wulo 2:22 ပူးပေါင်းရင်းမြစ်များ

Edwɛndolɛ Buluku ne 50:17

Ɔluakɛ bɛkyi ahwibɛnyunlu, yɛɛ bɛkpɔla me mɛla ne bɛgua bɛ nzo anzi.

Gyɛlɛmaya Buluku ne 5:7

Ɛdɛnkɛma bizale ye kɛ, “Kɛ ɔyɛ mɔɔ ɔwɔ kɛ mefa bɛ ɛtane mekyɛ bɛ ɛ? Bɛ menli ne ɛkpo me, na bɛzonle nyamenle gyɛne gyɛne mɔɔ ɛnle ɛkɛ la. Memanle bɛ aleɛ bɛlile bɛ ko yile la, bɛdonle awuvolɛvalɛ mɛla ne, na bɛdule bɛdoale tuutuuma.

Gyɛlɛmaya Buluku ne 9:2

O anrɛɛ meanyia nyɛvolɛ azokoɛleɛ fienemgbole nu lɔ, amaa meahwe me nwo meavi me menli ne anwo. Ɔluakɛ bɛ kɔsɔɔti bɛle awuvolɛvalɛ mɛlatovoma, bɛle menli ngunzi.

Yizikeɛle Buluku ne 22:11

Bie mɔ fa bɛ gɔnwo mɔ mraalɛ; bie mɔ ɛnze bɛ mra mrenya mraalɛ nyiane na bɛfa bɛ; bie fa ɔ diema raalɛ mɔɔ ɔ nee ye bɛ ze ko la.

Malakae Buluku ne 1:14

Munzule ɛha nzisi sonla ne mɔɔ lɛ boane nyinli wɔ ye nyɛmoa nu, ɔkɛva ɔkɛbɔ ɛwɔkɛ, na akee ɔkɛva ɛtane bie ɔkɛrabɔ azu ɔkɛmaa Ɛdɛnkɛma la, ɔluakɛ mele belemgbunli kpole, yɛɛ maanle maanle kɔsɔɔti sulo me.”

Malakae Buluku ne 1:8

Asoo saa bɛfa nane mɔɔ anye ɛzi la bɛba kɛ bɛva bɛbɔ azu bɛmaa me a, ɛnee bɛdabɛ bɛnea a bɛtɛbɔle munzule? Yɛɛ saa bɛfa nane mɔɔ ɛbubu anzɛɛ ewule ɛha ye la bɛba kɛ bɛva bɛbɔ azu bɛmaa me a, asoo ɛnee bɛtɛbɔle munzule? Bɛva ninyɛne zɔhane mɔ bɛhɔhyɛ bɛ amɛnlado ne. Asoo bɛnea a ɔ kunlu kɛdwo bɛ nwo anzɛɛ ɔ nye kɛlie bɛ nwo?”

Malakae Buluku ne 3:8

Asoo sonla kola wua Nyamenle? Noko bɛmɛ, ɛwualɛ ala a bɛwua me a. Na bɛbiza kɛ, ‘Ɛnee kɛ yɛsi yɛwua wɔ ɛ?’ Bɛwua me wɔ bɛ azubɔlɛ nu nee ninyɛne ne mɔ mɔɔ bɛkyɛ nu bulu bɛtu ɛkpɔ ngoko bɛmaa me la anu.

Edwɛkpa ne kɛmɔ Mateyu hɛlɛle la 12:39

Gyisɛse buale bɛ kɛ, “Adwuleso amra ye le munzule menli, bɛnze Nyamenle! Bɛbiza bɛanlea nwanwane sɛkɛlɛneɛ? Bɛnrɛnwu bie, kyesɛ Nyamenle kpɔmanvolɛ Dwona ɛdeɛ ne ala.

Edwɛkpa ne kɛmɔ Mateyu hɛlɛle la 16:4

Adwuleso amra munzule mɔɔ ɛnze Nyamenle a! Bɛbiza me bɛanlea nwanwane sɛkɛlɛneɛ? Bɛnrɛnwu bie! Mɔɔ bɛkɛnwu ye la ala a le Dwona ɛdeɛ ne.” Na Gyisɛse vile bɛ nwo ɛkɛ ne hɔle.

Edwɛkpa ne kɛmɔ Maake hɛlɛle la 11:17

Akee ɔhilehilele menli ne na ɔzele kɛ, “Bɛhɛlɛ ye Nyamenle Edwɛkɛ ne anu kɛ Nyamenle se, ‘Bɛbavɛlɛ me Ɛzonlenlɛ Sua ne maanle maanle nzɛlɛlɛ sua’; na bɛmɛ bɛhakyi ye awulema fealeka.”

Ɛzoanvolɛma Gyima ne 19:37

Bɛva menli ɛhye mɔ bɛra ɛke wɔ mekɛ mɔɔ bɛtɛwuale bozonle debie yɛɛ bɛtɛkanle munzule edwɛkɛ biala bɛtɛtiale yɛ bozonle raalɛ ne la.

Wulo 12:9

Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.