Wulo 2:20 - BAEBOLO ANZƐƐ BULUKU NWUANZANWUANZA

²⁰ ɛle fotuvo ɛmaa mɔɔ ɛnze nrɛlɛbɛ la, ɛle ngakula kilehilevolɛ, ɛze ye wienyi kɛ mɛla ne ɛbuke wɔ adwenle nu ɛmaa wɔnwu nɔhalɛ ne,

Wulo 2:20 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:25

Mekɛ ne anu Gyisɛse zele kɛ, “Egya, anwuma nee aze Awulae, meyɛ wɔ mo kɛ ninyɛne mɔɔ wɔva wɔvea nrɛlɛbɛvolɛma nee nwomama la wɔye wɔhile menli mɔɔ ɛnze nwolɛ bie la.

Wulo 2:19

ɛze ye wienyi kɛ wɔmɔ a ɛle anyenzinliravolɛma adekilevolɛ a, ɛle kɛnlaneɛ ɛmaa menli mɔɔ lua awozinli nu la,

Wulo 3:31

Na ɛnee ɛhye kile kɛ yɛdua diedi zo yɛavuandi mɛla ne yɛagua ɔ? Kyɛkyɛ! Ɔnle zɔhane fee. Yɛdua yɛ diedi zo yɛkpogya mɛla ne zo.

Wulo 6:17

Yɛyɛ Nyamenle mo, ɔluakɛ mekɛ bie, ɛnee bɛle ahanra bɛmaa ɛtane, na kɛmɔ bɛvale bɛ ahonle muala bɛyɛle tieyɛ bɛmanle nɔhalɛ ne mɔɔ bɛnwunle ye wɔ ngilehilelɛ mɔɔ bɛnyianle ye la anu la ati

1 Kɔl 3:1

Mediema, edwɛkɛ nɔhalɛ, meangola meandendɛ meangile bɛ kɛ menli mɔɔ ɛnyia Nyamenle Sunsum ne la; mendendɛle mengilele bɛ kɛ ewiade ɛhye anu amra, kɛ bɛle mbɛda wɔ Kelaese diedi ne anu.

2 Tem 1:13

Sɔ nɔhalɛ ne mɔɔ ɛdele ɛvile me ɛkɛ ne la anu boɛ, fa yɛ ndonwo di zo, na tɛnla diedi nee ɛhulolɛ ne mɔɔ Kelaese Gyisɛse ati ɔle yɛ ɛdeɛ la anu.

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Kɛlata mɔɔ bɛhɛlɛle bɛhɔmanle Hibuluma la 5:13

Awie mɔɔ no nyɛfonzule la tɛde adɔma; ɔnlɛ adwenle biala wɔ ɛtane nee kpalɛ nwo.

Gyemise Kɛlata ne 3:1

Me mediema! Ɔnle kɛ bɛ nuhua dɔɔnwo yɛ kilehilevolɛma, ɔboalekɛ bɛze kɛ yɛmɛ kilehilevolɛma bɛbabua yɛ ndɛne fenlefenle bɛadɛla menli mɔɔ ɛha la.

1 Pit 2:2

Bɛyɛ bɛ nwo kɛ nlɔma mɔɔ sunsum nu nyɛfonzule ɛhɔne ɛlɛku bɛ la, amaa saa bɛnyia ye bɛno a bɛanyi na bɛanyia ngoane.