Wulo 2:19 - BAEBOLO ANZƐƐ BULUKU NWUANZANWUANZA

¹⁹ ɛze ye wienyi kɛ wɔmɔ a ɛle anyenzinliravolɛma adekilevolɛ a, ɛle kɛnlaneɛ ɛmaa menli mɔɔ lua awozinli nu la,

Wulo 2:19 ပူးပေါင်းရင်းမြစ်များ

Mrɛlɛbulɛ Buluku ne 26:12

Wɔnwu sonla mɔɔ ɔ nye zo a ɔze nrɛlɛbɛ la ɔ? Koasea bɔbɔ tɛla ye ɛkpɔyɛ.

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 5:21

Munzule ɛha bɛdabɛ mɔɔ bɛdwenle kɛ bɛze nrɛlɛbɛ na bɛnea a bɛze ndɛne la.

Ayezaya Buluku ne 56:10

Ɔse, “Me sinzavolɛma ne anye ɛzi, bɛ biala ɛnlɛ adwenle; bɛle ahwea mumule, bɛngola kpo bɔbɔ; mɔɔ bɛze ye yɛ la a le nafelɛ mgbole nee ɛlalɛ mgbole ɛhanlɛ.

Edwɛkpa ne kɛmɔ Mateyu hɛlɛle la 15:14

Bɛgyakyi bɛ! Bɛle mgbanyinli anyenzinliravolɛma mɔɔ kile anyenzinliravolɛma adenle a; anyenzinliravolɛ kile anyenzinliravolɛ adenle a, bɛ mu nwiɔ bɛgua kuma nu!”

Edwɛkpa ne kɛmɔ Mateyu hɛlɛle la 4:16

Bɛmɛ mɔɔ bɛde awozinli nu la, bɛbanwu wienyi kpole bie! Bɛmɛ mɔɔ bɛde ewule alubo nu la, wienyi bada bɛ nwo zo.”

Edwɛkpa ne kɛmɔ Mateyu hɛlɛle la 5:14

“Bɛmɛ a bɛle ewiade ye kɛnlaneɛ a. Suakpole mɔɔ bɛhye ye boka zo la ɛnvea.

Edwɛkpa ne kɛmɔ Mateyu hɛlɛle la 6:23

Na saa ɛ nye ɛnle kpalɛ a, wɔ sonlabaka ne anu le awozinli. Na saa wienyi ne mɔɔ wɔ wɔ nu la le awozinli a, ɛnee noko ye awozinli ne kɛyɛ kabii kpalɛ.

Edwɛkpa ne kɛmɔ Maake hɛlɛle la 10:15

Bɛhakye ɛhye! Awie biala mɔɔ anyɛ ɔ nwo kɛ kakula, anlie Nyamenle Belemgbunlililɛ ne ando nu la ɛnrɛnwu Nyamenle Belemgbunlililɛ ne.”

Edwɛkpa ne kɛmɔ Luku hɛlɛle la 1:79

ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”

Dw 9:34

Bɛbuale ye kɛ, “Ɛdawɔ mɔɔ bɛwole wɔ na bɛtetele wɔ wɔ ɛtane nu la, ɛkulo kɛ ɛkilehile yɛmɛ ɔ?” Na bɛvoanle ye bɛvile nyianu sua ne anu.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Wulo 2:18

ɛze mɔɔ Nyamenle kpondɛ kɛ ɛyɛ la, yɛɛ wɔzukoa mɛla ne la ati, ɛze mɔɔ le kpalɛ mɔɔ ɔwɔ kɛ ɛyɛ la,

Wulo 2:20

ɛle fotuvo ɛmaa mɔɔ ɛnze nrɛlɛbɛ la, ɛle ngakula kilehilevolɛ, ɛze ye wienyi kɛ mɛla ne ɛbuke wɔ adwenle nu ɛmaa wɔnwu nɔhalɛ ne,

1 Kɔl 3:18

Awie biala mmabɛlɛbɛla ɔ nwo. Saa bɛ nuhua bie dwenle kɛ ɔle ewiade ɛhye anu nrɛlɛbɛvolɛ a, ɛnee ɔyɛ ɔ nwo kɔnwɔne na yeanwu nrɛlɛbɛ kpalɛ.

1 Kɔl 4:10

Kelaese ati yɛyɛ ahɔnwɔne; na bɛmɛ, bɛle nrɛlɛbɛvolɛma. Yɛle bɛtɛɛ na bɛmɛ, bɛ nwo yɛ se. Menli ɛmbu yɛ, noko bɛdi bɛmɛ eni.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15

amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,