Wulo 2:18 - BAEBOLO ANZƐƐ BULUKU NWUANZANWUANZA

¹⁸ ɛze mɔɔ Nyamenle kpondɛ kɛ ɛyɛ la, yɛɛ wɔzukoa mɛla ne la ati, ɛze mɔɔ le kpalɛ mɔɔ ɔwɔ kɛ ɛyɛ la,

Wulo 2:18 ပူးပေါင်းရင်းမြစ်များ

Edwɛndolɛ Buluku ne 119:130

Wɔ edwɛkɛ ne anu ngilehilelɛ maa wienyi; ɔmaa mɔɔ ɛnze nwolɛ bie la nyia ndelebɛbo.

Edwɛndolɛ Buluku ne 19:8

Ɛdɛnkɛma ngyehyɛlɛ ne mɔ le fɔɔnwo, ɔmaa ahonle di fɛlɛko; Ɛdɛnkɛma mɛla ne anwo te, ɔmaa ndelebɛbo yɛ gyima.

Mrɛlɛbulɛ Buluku ne 6:23

ɔluakɛ mɛla ne le kɛnlaneɛ, ngilehilelɛ ne le wienyi, yɛɛ ahwibɛnyunlu ne kile ɛbɛlabɔlɛ adenle.

Edwɛkpa ne kɛmɔ Luku hɛlɛle la 1:4

Meyɛ ɛhye amaa wɔanwu nɔhalɛ mɔɔ wɔ ninyɛne ɛhye mɔ mɔɔ bɛhilehilele wɔ la anu.

Edwɛkpa ne kɛmɔ Luku hɛlɛle la 12:47

“Sonvolɛ mɔɔ ze deɛ mɔɔ ɔ menle kpondɛ kɛ ɔyɛ, noko ɔnziezie ɔ nwo kɛ ɔyɛ mɔɔ ɔ menle kpondɛ la, bɛkɛbila ye empele kpalɛ kpalɛ.

Dw 13:17

Kɛkala mɔɔ bɛnwu nɔhalɛ ɛhye la, saa bɛfa bɛyɛ gyima a bɛkɛli fɛlɛko kpole!

Wulo 15:4

Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

Wulo 2:19

ɛze ye wienyi kɛ wɔmɔ a ɛle anyenzinliravolɛma adekilevolɛ a, ɛle kɛnlaneɛ ɛmaa menli mɔɔ lua awozinli nu la,

Mɛla 4:8

Eza maanle kpole biala ɛnle ɛkɛ mɔɔ lɛ mɛla nee amaamuo mɔɔ tenrɛ kɛ mɛla ɛhye mɔ mɔɔ melɛfa meamaa bɛ ɛnɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

1 Tɛs 5:21

Bɛzɔ ninyɛne kɔsɔɔti bɛnlea, bɛva mɔɔ le kpalɛ la bɛzie,

Kɛlata mɔɔ bɛhɛlɛle bɛhɔmanle Hibuluma la 5:14

Aleɛ mɔɔ anu yɛ ɛnlomboɛ la wɔ ɛkɛ maa mgbanyinli, ɔluakɛ bɛzukoa na bɛkola bɛnwu ngakyile mɔɔ wɔ kpalɛ nee ɛtane nu la.

Gyemise Kɛlata ne 4:17

Yemɔti, sonla ne mɔɔ ze debie kpalɛ mɔɔ ɔwɔ kɛ ɔyɛ na yeanyɛ la, ɔle ɛtane ɔmaa ye.