Wulo 2:16 - BAEBOLO ANZƐƐ BULUKU NWUANZANWUANZA

¹⁶ kɛmɔ Edwɛkpa ne mɔɔ mebɔ ye nolo la kile la. Na yemɔ a le kɛ, Nyamenle dua Gyisɛse Kelaese anwo zo bua menli kɔsɔɔti ndɛne wɔ adwenle biala mɔɔ bɛfa ye fealera nu la anwo.

Wulo 2:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:25

Munzule ɛhɔ ɛbɔ nu, kɛ ɛkɛyɛ debie mɔɔ le zɛhae, na ɛkɛhu tenlenema ɛkɛboka amumuyɛma, na ɛkɛmaa tenlenema kɛwie ye kɛ amumuyɛma la. Ɛhye ɛmbɔnle ɛ nwo! Asoo azɛlɛ ye amuala ndɛnebuavolɛ ɛnrɛli pɛlepɛle?”

Edwɛndolɛ Buluku ne 50:6

Anwumaneamra kile ye tenleneyɛlɛ ne, ɔluakɛ Nyamenle mumua ne a le ndɛnebuavolɛ a.

Edwɛndolɛ Buluku ne 96:13

wɔ Ɛdɛnkɛma anyunlu, ɔluakɛ ɔlɛba, ɔlɛba yearabua ewiade amra ndɛne. Ɔbava tenleneyɛlɛ yeabua ewiade amra ndɛne, ɔbabua menli kɔsɔɔti ndɛne nɔhalɛ nu.

Edwɛndolɛ Buluku ne 98:9

ɛmaa Ɛdɛnkɛma, ɔluakɛ ɔlɛba yearabua ewiade ndɛne. Ɔbava tenleneyɛlɛ yeazie ewiade, na yeava pɛlepɛlelilɛ yeabua menli ne ndɛne.

Nolo 11:9

Mgbavolɛ nee mbɛlɛra, bɛlie bɛ nye wɔ bɛ ngakula nu. Bɛli fɛlɛko wɔ mekɛ mɔɔ bɛtɛde mgbavolɛ nee mbɛlɛra la. Bɛli bɛ atiakunluwɔzo nzi, na bɛyɛ mɔɔ bɛkulo la. Noko bɛhakye kɛ Nyamenle babua bɛ debie biala mɔɔ bɛkɛyɛ la anwo ndɛne.

Nolo 12:14

Ɔluakɛ Nyamenle babua debie biala mɔɔ yɛyɛ, nee awozinli nu nyɛleɛ biala anwo ndɛne, kpalɛ o, ɛtane o.

Nolo 3:17

Menganle ye me ahonle nu kɛ Nyamenle babua tenlenema nee amumuyɛma ndɛne, ɔluakɛ yehile debie biala nee gyima biala mekɛ.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Luku hɛlɛle la 8:17

“Debie biala mɔɔ vea la bala ali wienyi; yɛɛ mɔɔ bɛheda zolɛ la anwo bala zolɛ.

Dw 12:48

Na mɔɔ kɛkpo me na yeanlie me edwɛkɛ ne la lɛ mɔɔ babua ye ewule fɔlɛ a. Edwɛkɛ ne mɔɔ meha la yɛɛ babua ye ewule fɔlɛ wɔ mekɛ ne mɔɔ li awieleɛ la a.

Ɛzoanvolɛma Gyima ne 10:42

na ɔzele yɛ kɛ yɛha ɔ nwo Edwɛkpa ne yɛhile menli kɔsɔɔti, na yɛli ɔ nwo daselɛ kɛ yemɔ yɛɛ Nyamenle ɛyɛ ye mɔwuamra nee anyewɔzoamra ndɛnebuavolɛ a.

Ɛzoanvolɛma Gyima ne 17:31

Ɔluakɛ yehile kenle mɔɔ ɔbalua sonla ne mɔɔ yedu ye yezie ɛkɛ ne la anwo zo yeabua aleɛabo amra kɔsɔɔti ndɛne a. Ɔdwazole sonla zɔhane ɔvile ewule nu ɔvale ɔzile edwɛkɛ ɛhye dawua ɔmanle awie biala.”

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 2:5

Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.

Wulo 3:6

Ɔnle nɔhalɛ! Saa Nyamenle ɛnli pɛlepɛle a, ɛnee kɛ ɔkɛzi ɔkɛbua ewiade ndɛne ɛ?

1 Kɔl 15:1

Mediema, akee metwe bɛ adwenle meara Edwɛkpa ne mɔɔ membɔle ye nolo mengilele bɛ a bɛliele bɛdole nu na bɛ diedi gyi zo la azo.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:11

Ayi mɔ, mekakye bɛ adwenle kɛ Edwɛkpa ne mɔɔ mebɔ ye nolo la ɛnvi sonla ɛkɛ.

1 Tem 1:11

Ngilehilelɛ ɛhye mɔ wɔ Edwɛkpa ne mɔɔ anyunlunyia nee saleɛ Nyamenle ne ɛva ɛwula me sa nu kɛ membɔ ye nolo la anu.

2 Tem 2:8

Kakye Gyisɛse Kelaese, kakye ye ewudwazo ne na kakye kɛ ɔle Devidi anlɔnra. Edwɛkpa ne mɔɔ mebɔ ye nolo la ɛne.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.

1 Pit 4:5

Bɛdabɛ bɛ ngome bɛbabu bɛ nyɛleɛ nwo mgbonda bɛahile Nyamenle mɔɔ babua anyewɔzoamra nee mɔwuamra ndɛne la.

2 Pit 2:9

ɛnee Awulae ze kɛ ɔsi ɔdie menli kpalɛ ɔfi bɛ sɔnea nu na ɔsie amumuyɛma wɔ ndeanlɛ bo kɔkpula Ndɛnebualɛ Kenle ne a.