Wulo 2:15 - BAEBOLO ANZƐƐ BULUKU NWUANZANWUANZA

¹⁵ Bɛ nyɛleɛ ne kile kɛ mɔɔ Mosisi mɛla ne kpondɛ la, bɛhɛlɛ ye wɔ bɛ ahonle nu, yɛɛ bɛ adwenle die to nu kɛ ɔle nɔhalɛ, ɔluakɛ ɔyɛ a bɛ adwenle nu yɛ bɛ kesee kɛ bɛbali fɔlɛ anzɛɛ bɛbali benle wɔ Kenle ne anu,

Wulo 2:15 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:5

Ɔdaye nrenya ne yɛɛ ɔhanle ɔhilele me kɛ ɔ diema raalɛ a, yɛɛ ɔdaye raalɛ ne ɔdole zolɛ kɛ ɔ diema nrenya ɔ. Me ti anu wienyi, yɛɛ metɛfale me sa metɛkanle ye.”

1 Arl 2:44

Se ɛze ye ɛ ti anu, nyɛleɛ ɛtane ɛtane mɔɔ ɛyɛle ɛtiale egya Devidi la? Akee Ɛdɛnkɛma bamaa wɔ munzule abɔ ɛ ti.

Dwobu Buluku ne 27:6

“Melɛ me tenleneyɛlɛ ne anu kpundii, menrɛgyakyi nu ɛlɛ; me adwenle ɛmbu me fɔlɛ kenle bie maanle nu.

Nolo 7:22

ɛze ye wienyi kɛ mekɛ dɔɔnwo ne ala ɛdawɔ wɔbɔ menli sasa.

Dw 8:9

Menli ne dele ɛhye la, bɛbɔle ɔ bo, ɔvi bɛ mgbanyinli ne mɔ anwo zo, bɛhɔle ngoko ngoko dedee bɛwiele kɔ bɔkɔɔ. Ɔhale Gyisɛse nee raalɛ ne angome wɔ ɛkɛ ne.

Ɛzoanvolɛma Gyima ne 23:1

Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 24:16

Ɛhye ati yɛɛ mebɔ mɔdenle kɛ menwɔnyia adwenle mɔɔ nuhua te la wɔ Nyamenle nee menli nyunlu a.

Wulo 2:14

Bɛdabɛ mɔɔ bɛnle Dwuuma la ɛnlɛ Mosisi mɛla ne suzuamgba ɛdeɛ, noko kenle biala mɔɔ bɛkɛyɛ mɔɔ mɛla ne se la bie la, ɛnee bɛyɛ Mosisi mɛla ne bɛmaa bɛ nwo.

Wulo 2:27

Zɔhane ati menli mɔɔ nwonane nu bɛtɛyɛle bɛ mrenyanu nzonlɛ, noko bɛdi mɛla ne azo la babua bɛdabɛ mɔɔ bɛyɛ bɛ mrenyanu nzonlɛ na bɛlɛ mɛla ne bɛ sa nu, na bɛtietia zolɛ la ndɛne.

Wulo 9:1

Kelaese ati nɔhalɛ kpalɛ a melɛka meahile bɛ la, membɔ adalɛ. Me adwenle nu wienyi, Sunsum Nwuanzanwuanza ne ɔdaye ɔze kɛ membɔ adalɛ,

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 5:11

Kɛmɔ yɛze kɛ Nyamenlezulolɛ si de la ati, yɛbɔ mɔdenle kɛ yɛkɛmaa menli kɛzulo Nyamenle; na kɛ yɛmɛ yɛde la, Nyamenle ɔdaye ɔze, yɛɛ meze kɛ bɛdabɛ bɛze ye wɔ bɛ adwenle nu.

1 Tem 4:2

Menli alane bie mɔɔ bɛ adwenle ɛwu kɛ asɛɛ bɛva bulalɛ mɔɔ ɛdɔlɔ woonwu la bɛwula nu la a yɛ ngilehilelɛ ɛhye a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15

Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.