Wulo 2:13 - BAEBOLO ANZƐƐ BULUKU NWUANZANWUANZA

¹³ Ɔluakɛ tɛ mɛla ne ɛdielɛ a maa sonla sɔ Nyamenle anye a, kyesɛ ɔyɛ mɔɔ mɛla ne se la.

Wulo 2:13 ပူးပေါင်းရင်းမြစ်များ

Edwɛndolɛ Buluku ne 143:2

Mmabua wɔ akɛlɛ ndɛne; ɔluakɛ ɛ nyunlu, awie biala ɛnli benle.

Gyɛlɛmaya Buluku ne 11:6

Ɛdɛnkɛma zele me kɛ, “Kɔbɔ edwɛkɛ ɛhye nolo wɔ Dwuda azuamgbole ne mɔ nee Gyɛlusalɛm guabile ne mɔ amuala azo kɛ: Bɛdie ngyekyeleɛ ne anu edwɛkɛ na bɛli zolɛ.

Yizikeɛle Buluku ne 20:11

Menvale me mɛla ne memanle bɛ na mengilehilele bɛ me ngyehyɛlɛ ne mɔ mɔɔ sonla di zolɛ a ɔnyia ngoane la.

Edwɛkpa ne kɛmɔ Luku hɛlɛle la 18:14

Na Gyisɛse vale zɔle zolɛ kɛ, “Meka meahile bɛ, adwuledievolɛ ne zɔle Nyamenle anye wɔ mekɛ mɔɔ ɔlɛkɔ sua nu la dɛlale Falasiinli ne. Ɔluakɛ awie biala mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Edwɛkpa ne kɛmɔ Luku hɛlɛle la 8:21

Gyisɛse zele bɛ kɛ, “Me nli nee me mediema a le bɛdabɛ mɔɔ bɛtie Nyamenle edwɛkɛ ne na bɛdi zolɛ la.”

Dw 13:17

Kɛkala mɔɔ bɛnwu nɔhalɛ ɛhye la, saa bɛfa bɛyɛ gyima a bɛkɛli fɛlɛko kpole!

Wulo 10:5

Wɔ mɛla ne azolilɛ nu, Mosisi hanle kɛ sonla mɔɔ kɛyɛ mɔɔ mɛla ne kpondɛ la balua zolɛ anyia ngoane.

Wulo 2:25

Saa bɛdi mɛla ne azo a, ɛnee bɛ mrenyanu nzonlɛyɛlɛ ne le nvasoɛ, na saa bɛnli mɛla ne azo a, ɛnee noko anrɛɛ bɛanyɛ bɛ mrenyanu nzonlɛ bɔbɔ.

Wulo 3:20

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 3:23

menli kɔsɔɔti ɛyɛ ɛtane na bɛnfɛta Nyamenle anyunlunyia ne.

Wulo 3:30

Nyamenle le kokye yɛɛ ɔbalua diedi zo a yeamaa Dwuuma azɔ ɔ nye a; zɔhane ala yɛɛ ɔbalua bɛdabɛ mɔɔ bɛnle Dwuuma la noko diedi zo yeamaa bɛazɔ ɔ nye a.

1 Kɔl 4:4

Me ti anu wienyi; debie biala ɛntia me, noko ɛhye ɛngile kɛ amgba medi benle. Awulae angome a bua me ndɛne a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:16

Noko mɔɔ yɛnwu ye la a le kɛ, tɛ mɛla ne azo ɛlilɛ yɛɛ maa sonla sɔ Nyamenle anye a, kyesɛ yɛdie Gyisɛse Kelaese yɛdi kolaa na yɛazɔ Nyamenle anye. Yɛdayɛ bɔbɔ, yɛliele Kelaese Gyisɛse yɛlile kolaa na Nyamenle alua zolɛ yeamaa yɛazɔ ɔ nye, na tɛ mɛla ne mɔɔ yɛlile zolɛ la ati ɔ. Ɔluakɛ sonla biala mɔɔ di mɛla ne azo la ɛnrɛzɔ Nyamenle anye ɛlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:4

Bɛdabɛ mɔɔ bɛdwenle kɛ bɛdi mɛla ne azo a bɛkɛzɔ Nyamenle anye la ɛhwe bɛ nwo ɛvi Kelaese anwo, na bɛnrɛnyia Nyamenle ɛlolɛ ne bie.

Mɛla 4:1

Na Mosisi zele menli ne kɛ, “Yizilayɛma, kɛkala, akee bɛdie mɛla nee ngyehyɛlɛ mɔɔ melɛkilehile bɛ la na bɛli zolɛ, amaa bɛanyi bɛahyɛ na bɛahɔva azɛlɛ ne mɔɔ Ɛdɛnkɛma, bɛ ze mɔ Nyamenle ne ɛlɛfa amaa bɛ la.

Mɛla 5:1

Mosisi manle Yizilayɛma amuala rayiale na ɔzele bɛ kɛ, “Yizilayɛma, bɛdie mɛla nee ngyehyɛlɛ ne mɔ mɔɔ meka meahile bɛ ɛnɛ kenle ye la. Bɛzukoa na bɛli bɛ muala azo boɛ.

Mɛla 6:3

Zɔhane ati, Yizilayɛma, bɛnlea boɛ na bɛli mɛla ne mɔ azo, amaa yeayɛ boɛ yeamaa bɛ wɔ azɛlɛ ne mɔɔ kye aleɛ la azo, na bɛ nwo azo dɔɔnwo, kɛmɔ Ɛdɛnkɛma, bɛ ze mɔ Nyamenle ne vale bɔle bɛ ɛwɔkɛ la.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

1 Dw 2:29

Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 3:7

Me mra ngakula, bɛmmamaa awie bɛlɛbɛla bɛ! Awie biala mɔɔ yɛ mɔɔ tenrɛ la le tenlenenli, kɛmɔ Kelaese le tenlenenli la.