Wulo 2:10 - BAEBOLO ANZƐƐ BULUKU NWUANZANWUANZA

¹⁰ Nyamenle bava anyunlunyia, enililɛ nee anzonudwolɛ amaa bɛdabɛ mɔɔ bɛdi boɛ la, Dwuuma lumua yɛɛ bɛdabɛ noko mɔɔ bɛnle Dwuuma la doa bɛ.

Wulo 2:10 ပူးပေါင်းရင်းမြစ်များ

Dwobu Buluku ne 22:21

“Ɛ nee Nyamenle ɛbɔ nu na nyia anzonudwolɛ, na ɛbakpazi bieko.

Edwɛndolɛ Buluku ne 15:2

Sonla ne mɔɔ anwo ɛnlɛ ngehanleɛ, ɔbɔ ɛbɛla kpalɛ mɔɔ sɔ ɛ nye, na ɔka nɔhalɛ kpalɛ kpalɛ la;

Edwɛndolɛ Buluku ne 29:11

Ɛdɛnkɛma ɛmaa ye menli ne anwosesebɛ, na ɔva anzonudwolɛ ɔyila ye menli ne.

Edwɛndolɛ Buluku ne 37:37

Nea sonla ne mɔɔ di boɛ, na nea tenlenenli ne, ɔluakɛ anzonudwolɛ sonla lɛ ɔ bo zo amra.

Mrɛlɛbulɛ Buluku ne 11:18

Amumuyɛnli ahatualɛ ɛngyinla, na sonla mɔɔ dua tenleneyɛlɛ ma la nyia ahatualɛ kpalɛ.

Mrɛlɛbulɛ Buluku ne 8:18

Anwonyia nee enililɛ le me ɛdeɛ, memaa ɛkpazilɛ nee bɛ nwo ɛnyianlɛ di munli.

Ayezaya Buluku ne 26:12

O Ɛdɛnkɛma, ɛbamaa yɛ nzo nu adwo yɛ, wɔyɛ yɛ gyima ne kɔsɔɔti wɔmaa yɛ.

Ayezaya Buluku ne 32:17

Ɔlua tenleneyɛlɛ ne azo, anzonudwolɛ bara; tenleneyɛlɛ ne bava anzonudwolɛ nee anwondɔlɛ ara dahuu.

Ayezaya Buluku ne 48:18

“O anrɛɛ bɛdiele me mɛla ne mɔ! Anrɛɛ bɛ anzonudwolɛ kɛyɛ kɛ azule, na bɛ tenleneyɛlɛ ayɛ kɛ nyevile azɛlɛkye;

Ayezaya Buluku ne 48:22

Ɛdɛnkɛma se, “Amumuyɛma ɛnrɛnyia anzonudwolɛ.”

Ayezaya Buluku ne 55:12

“Ɔluakɛ ɛbavi Babelɔn anyelielɛ nu, bɛbali ɛ nyunlu bɛ nee wɔ ahɔ anzonudwolɛ nu, awoka mgbole nee ngyikyi ne mɔ amuala babɔ nu ado edwɛne, na ɛbɔ nu mbaka kɔsɔɔti babɔ bɛ sa nu.

Ayezaya Buluku ne 57:19

Anzonudwolɛ, anzonudwolɛ ɛha bɛdabɛ mɔɔ bɛwɔ moa moa nee bɛdabɛ mɔɔ bɛbikye la, medame Ɛdɛnkɛma a mese a; yɛɛ mebayɛ bɛ ayile.

Gyɛlɛmaya Buluku ne 33:6

Noko akee bɛnlea, mebayɛ suakpole ne ayile meamaa ɔ nwo aza; mebayɛ menli ne ayile meamaa bɛakpazi kpole kpalɛ; mebabɔ bɛ nwo bane na suakpole ɛhye ara ye dɛba ne anu bieko; mebamaa menli ne akpazi na meamaa bɛanyia anzonudwolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:26

Ɛdɛnkɛma ɛkpogya ɔ nye zo ɛnlea bɛ na ɔmaa bɛ anzonudwolɛ.”

Edwɛkpa ne kɛmɔ Mateyu hɛlɛle la 10:13

Saa awuke ne anu amra die bɛ a, bɛmaa bɛ anzonudwolɛ ne ɛha ɛkɛ; saa bɛanlie bɛ noko a, bɛva bɛ anzonudwolɛ ne bɛzia bɛhɔ.

Edwɛkpa ne kɛmɔ Luku hɛlɛle la 1:79

ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”

Edwɛkpa ne kɛmɔ Luku hɛlɛle la 12:37

Nyilalɛ ɛha sonvolɛma mɔɔ mekɛ mɔɔ bɛ menle kɛra la ɔkɛrado bɛ kɛ bɛ nye gyi zo na bɛlɛkendɛ ye la. Nɔhalɛ, meka meahile bɛ kɛ ɔkɛmaa bɛkɛdɛnlɛdɛnla aze, ɔkɛkpa ɔkɛgua, na ɔkɛmaa bɛ debie.

Edwɛkpa ne kɛmɔ Luku hɛlɛle la 19:42

na ɔzele kɛ, “Anrɛɛ ɛnɛ kenle ye bɔbɔ wɔahola wɔanwu deɛ mɔɔ maa anzonudwolɛ la! Na kɛkala ɛdeɛ, ɛnrɛhola ɛnrɛnwu ye!

Edwɛkpa ne kɛmɔ Luku hɛlɛle la 22:14

Mekɛ ne dwule la, Gyisɛse nee ye ɛdoavolɛma ne dɛnlanle aze wɔ ɛkponle nwo,

Edwɛkpa ne kɛmɔ Luku hɛlɛle la 9:48

na ɔzele bɛ kɛ, “Awie biala mɔɔ kɛlie kakula ɛhye wɔ me duma nu la, ɛlie medame; yɛɛ awie biala mɔɔ kɛlie me la, ɛlie ahenle mɔɔ zoanle me la noko. Ɔluakɛ mɔɔ le bɛ nuhua ekyi la a le sonlakpole kpalɛ wɔ bɛ avinli a.”

Dw 12:26

Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Ɛzoanvolɛma Gyima ne 10:35

Awie biala mɔɔ sulo ye na ɔdi boɛ la ɔdie ye ɔto nu, yɛɛ ɔnnea ɛleka mɔɔ ɔvi nee maanle holɛ ko mɔɔ ɔvi nu la.

Wulo 14:17

Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 2:9

Bɛdabɛ mɔɔ bɛyɛ amumuyɛ la amuala banwu amaneɛ nee abodelɛ, Dwuuma lumua yɛɛ bɛdabɛ noko mɔɔ bɛnle Dwuuma la doa bɛ.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

Wulo 8:6

Saa ɛmaa nwonane nu adwenleadwenle keda ɛ nwo zo a, ɔwie ewule; yɛɛ saa ɛmaa Sunsum nu adwenleadwenle keda ɛ nwo zo a, ɔwie ngoane nee anzonudwolɛ.

Wulo 9:21

Mɔɔ nwo buakɛ la lɛ adenle fa ndɛtɛlɛ ne yɛ debie biala mɔɔ ɔdaye ɔkulo la, ɔkola ɔfa ndɛtɛlɛ ɛdɔkɛ ko ne ala ɔnwo mbuakɛ nwiɔ, ɔfa ko ɔyɛ ye debie mɔɔ le kɛnlɛma na ɔhyia ye la, na ɔfa ko ne noko ɔyɛ debie mɔɔ ɛnle kɛnlɛma na ɔ nwo ɛngyia kpalɛ biala la.

Wulo 9:23

Eza noko ɔkulo kɛ ye anyunlunyia ne da ɛkɛ, na ɔwola ɔgua yɛdayɛ mɔɔ ɔwɔ kɛ ɔnwu yɛ anwunvɔne, na yeziezie yɛ kɛ yɛnyia ye anyunlunyia ne la anwo zo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:7

Na Nyamenle anzonudwolɛ ne mɔɔ bo sonla ndelebɛbo muala azo la bazie bɛ ahonle nee bɛ adwenle gyɛlɛɛnye wɔ Kelaese ati.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

Kɛlata mɔɔ bɛhɛlɛle bɛhɔmanle Hibuluma la 2:7

Ɛbɔle ye ɛmanle wɔ soanvolɛma dɛlale ye mekɛ ekyi bie ala anu, ɛwulale ye anyunlunyia na ɛmanle bɛlile ye eni,

Gyemise Kɛlata ne 2:22

Ɛkola ɛnwu kɛ ye diedi nee ye gyimayɛlɛ bɔle nuhua yɛle gyima; ye gyimayɛlɛ ne manle ye diedi ne lile munli.

Gyemise Kɛlata ne 3:13

Bɛ nuhua boni a ze nrɛlɛbɛ na ɔlɛ ndelebɛbo a? Bɛmaa ɔva ye ɛbɛlabɔlɛ kpalɛ ɔpɛ kilemunli ɔhile nyɛleɛ kpalɛ mɔɔ bɛfa mɛlɛbɛnwoaze nee nrɛlɛbɛ bɛyɛ la.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

1 Pit 5:4

amaa saa Mboaneneavolɛ Kpanyinli ne ba a bɛanyia anyunlunyia abɔtile ne mɔɔ ye kɛnlɛma ɛmkpa anzɛɛ ɛndu ɛlɛ la.

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.