Wulo 16:15 - BAEBOLO ANZƐƐ BULUKU NWUANZANWUANZA

¹⁵ Mebiza Felɔlɔgɛse nee Dwulia, Niliyuso nee ɔ diema raalɛ ne, Ɔlempase yɛɛ Nyamenle menli mɔɔ wɔ bɛ nwo ɛkɛ ne la amuala ahye.

Wulo 16:15 ပူးပေါင်းရင်းမြစ်များ

Ayezaya Buluku ne 60:21

Menli ne amuala bayɛ tenlenema; Bɛbava azɛlɛ ne bɛayɛ bɛ ɛdeɛ dahuu. Medame a menzole bɛ a, bɛle me sa anloa gyima, Amaa bɛawula me anyunlunyia.

Edwɛkpa ne kɛmɔ Mateyu hɛlɛle la 5:47

Na saa bɛbiza bɛ gɔnwo mɔ angome ahye a, ɛnee duzu debie ngakyile a bɛyɛ bɛmaa yebo zo a? Bɛdabɛ mɔɔ bɛnze Nyamenle bɔbɔ la noko yɛ ye zɔhane ala.

Ɛzoanvolɛma Gyima ne 9:13

Ananayase zele kɛ, “Awulae, menli dɔɔnwo ɛha sonla ɛhye anwo edwɛkɛ nee debie mɔɔ yeva yehile wɔ menli ne mɔɔ wɔ Gyɛlusalɛm la ɛhile me.

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 16:14

Mebiza Asenkeletɛse, Felɛgɔn, Hɛmɛse, Patulobase, Hɛmase, yɛɛ mediema Kelaese ɛdoavolɛma mɔɔ nee bɛ de la amuala ahye.

Wulo 16:2

Bɛlie ye wɔ Awulae duma nu, kɛ bɛkɛlie Nyamenle menli ne mɔ bie ala la, na bɛmaa ye moalɛ biala mɔɔ ɔkɛhyia nwolɛ la, ɔluakɛ ɔle sonla mɔɔ yeboa menli dɔɔnwo nee medame noko a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:1

Pɔɔlo mɔɔ ɔlua Nyamenle ɛhulolɛ zo yeyɛ Kelaese Gyisɛse ɛzoanvolɛ la yɛɛ ɛlɛkɛlɛ kɛlata ɛhye a. Ɔlɛ ɔkamaa Nyamenle menli ne mɔɔ wɔ Ɛfɛsɛse mɔɔ Kelaese Gyisɛse ati bɛdi nɔhalɛ wɔ bɛ ɛbɛlabɔlɛ nu la.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.