Wulo 16:13 - BAEBOLO ANZƐƐ BULUKU NWUANZANWUANZA

¹³ Mebiza Wulufɛse ahye. Ɔle sonla mɔɔ anwo ɛnla aze wɔ Awulae gyima ye anu a. Mebiza ɔ nli noko; ɔyɛle me kɛ ɔ ra la.

Wulo 16:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 20:16

Na Gyisɛse dwulale ye edwɛkɛ ne zɛhae, “Yemɔti amozi amra balumua, na alumuama ali amozi.”

Edwɛkpa ne kɛmɔ Maake hɛlɛle la 15:21

Bɛzile nu mɔɔ bɛkɔ la, bɛ nee nrenya bie mɔɔ bɛfɛlɛ ye Saemɔn, mɔɔ ɛnee vi ye namule nu ɛlɛba suakpole ne azo la yiale, na bɛhyele ye bɛmanle ɔzoale Gyisɛse meanubaka ne. (Saemɔn ɛhye a le Alɛzɛnda nee Lufɛse bɛ ze ne. Ɔvi Saelin maanle nu.)

Edwɛkpa ne kɛmɔ Maake hɛlɛle la 3:35

Me diema nrenya nee me diema raalɛ nee me nli a le awie biala mɔɔ yɛ mɔɔ Nyamenle kpondɛ la.”

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 19:27

Akee ɔzele ɛdoavolɛ ne kɛ, “Ayi, ɛ nli ɛne.” Ɔvi mekɛ zɔhane, ɛdoavolɛ ne vale Gyisɛse ɔ li na ɔ nee ye hɔdɛnlanle.

Wulo 16:12

Mebiza Telaefina nee Telaefosa mɔɔ boka Awulae gyima ye anwo la, yɛɛ me gɔnwo kpalɛ Pɛsese ahye. Pɛsese ɛbɔ mɔdenle kpalɛ wɔ Awulae gyima ne anwo.

Wulo 16:14

Mebiza Asenkeletɛse, Felɛgɔn, Hɛmɛse, Patulobase, Hɛmase, yɛɛ mediema Kelaese ɛdoavolɛma mɔɔ nee bɛ de la amuala ahye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:4

Nyamenle kpale nu yele yɛ ziele ɛkɛ manle Kelaese kolaa na yeabɔ ewiade, amaa yɛ nwo ade nwuanzaanwu mɔɔ fɔlɛlilɛ biala ɛnle yɛ nu wɔ ɔ nyunlu a. Ɔlua ye ɛhulolɛ ne ati

2 Tɛs 2:13

Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

1 Tem 5:2

mraalɛ mgbanyinli ne mɔ, tendɛ kile bɛ kɛ ɛ nli mɔ, yɛɛ mbɛlɛra ne mɔ noko, yɛ bɛ kɛ ɛ mediema mraalɛ, wɔ adenle mɔɔ nuhua te la anu.

2 Dw 1:1

Kɛlata ɛhye vi medame Nrenya Kpanyinli ne ɛkɛ. Melɛ mekamaa Raalɛkpa ne nee ɔ mra ne mɔ. Mekulo bɛ nɔhalɛ nu kpole kpalɛ. Tɛ me ngome a mekulo bɛ a, awie biala mɔɔ ze nɔhalɛ ne la kulo bɛ,