Wulo 15:4 - BAEBOLO ANZƐƐ BULUKU NWUANZANWUANZA

⁴ Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

Wulo 15:4 ပူးပေါင်းရင်းမြစ်များ

Edwɛndolɛ Buluku ne 102:18

Bɛhɛlɛ ɛhye bɛmaa awolɛndoazo mɔɔ bara la, amaa menli mɔɔ bɛtɛwole bɛ la aye Ɛdɛnkɛma ayɛlɛ kɛ:

Edwɛndolɛ Buluku ne 119:50

Ɛhye le me arɛlekyekyelɛ wɔ me amaneɛnwunlɛ nu, ɔluakɛ wɔ ɛwɔkɛ ne maa me ngoane.

Habakɛke Buluku ne 2:2

Na Ɛdɛnkɛma buale me kɛ, “Kɛlɛ ɛnyelɛzodeɛnwunlɛ ne; kɛlɛ ye wɔ bolɛ ndɛbandɛba zo maa ɔ nye ɛvinde kpalɛ, amaa mɔɔ kɛgenga la adɔ ɛbɔ nu.

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

1 Kɔl 10:11

Ninyɛne ɛhye mɔ sisile bɛ nwo zo, amaa yeayɛ kɔkɔbɔlɛ yeamaa awie mɔ, yɛɛ bɛhɛlɛle kɛ bɛfa bɛahilehile yɛ, ɔluakɛ ewiade ne awieleɛ mekɛ a yɛwɔ nu la.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Pit 1:13

Zɔhane ati, bɛzie bɛ adwenle koonwu, bɛyɛ bɛ nye gyɛlɛmgbɛɛnye na bɛmaa bɛ nye ɛla nyilalɛ ne mɔɔ bɛbanyia ye wɔ mekɛ mɔɔ Gyisɛse Kelaese kɛra la azo.