Wulo 15:24 - BAEBOLO ANZƐƐ BULUKU NWUANZANWUANZA

²⁴ me nye la kɛ akee mebara. Saa mese meahɔ Sepeen a mebava bɛ nwo ɛkɛ ne, amaa medi mekɛ ekyi wɔ bɛ nwo ɛkɛ a, bɛaboa me bɛamaa meazɔ me adendulɛ ne azo.

Wulo 15:24 ပူးပေါင်းရင်းမြစ်များ

Mrɛlɛbulɛ Buluku ne 25:17

Mmayɛ twolatwola wɔ ɛ gɔnwo sua nu, anrɛɛ ɛ nwo kɛvonle ye na ɔkɛkpo wɔ.

Ɛzoanvolɛma Gyima ne 15:3

Asɔnema ne guale bɛ adenle, na bɛkɔ la bɛvale Fonehyea nee Samɛlea, na bɛhanle kɛ bɛdabɛ mɔɔ bɛnle Dwuuma la ɛzi ɛhakyi, na bɛlie Nyamenle bɛli la anwo edwɛkɛ bɛhilele bɛ. Na diedima ne lile nwolɛ fɛlɛko somaa.

Ɛzoanvolɛma Gyima ne 19:21

Ɛhye anzi, akee Pɔɔlo yɛle ye adwenle kɛ ɔkɔ Masidonea nee Akaya (Giliki maanle nu) na yeava lɔ yeahɔ Gyɛlusalɛm, na ɔhanle ɔzɔle zolɛ kɛ, “Saa mevi ɛkɛ a mebahɔ Wulomu noko.”

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Wulo 1:12

Mɔɔ mekpondɛ meaha la a le kɛ, saa yɛ muala yɛyia nu a bɛ diedi bamaa me anwosesebɛ, yɛɛ me diedi bamaa bɛ diedi anyi.

Wulo 15:28

Saa mewie gyima ɛhye di na mefa mɔɔ bɛnyia ye la mekɔmaa bɛ mewie a, mebaraze meahɔ Sepeen, na mebava bɛ nwo ɛkɛ ne mearakpɔla bɛ.

2 Kɔl 1:16

Ɔluakɛ menyɛle kɛ saa mese meahɔ Masidonea a mebamakyi bɛ nwo ɛkɛ, yɛɛ eza saa mevi Masidonea mesia meara a meamakyi bɛ nwo ɛkɛ ne bieko, amaa bɛagua me adenle bɛamaa meahɔ Dwudiya.

3 Dw 1:6

Bɛhanvo ɛhulolɛ ne mɔɔ ɛlɛ ye la bɛhile asɔnema mɔɔ wɔ ɛke la. Mebodo wɔ, bɔ mɔdenle nea na gua bɛ adenle gyɛlɛɛnye, kɛmɔ ɛnea a ɔkɛzɔ Nyamenle anye la.