Wulo 15:19 - BAEBOLO ANZƐƐ BULUKU NWUANZANWUANZA

¹⁹ ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

Wulo 15:19 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:28

Na saa medua Nyamenle Sunsum ne tumi zo a metu mbɔnsam a, ɛnee noko Anwuma Belemgbunlililɛ ne ɛdwu bɛ nwo ɛke dɛbadɛba.

Dw 4:48

Gyisɛse zele ye kɛ, “Bɛmɛ, bɛ biala ɛnrɛlie ɛnrɛli ɛlɛ kyesɛ bɛnwu nwanwane sɛkɛlɛneɛ mgbole bie.”

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 13:14

Bɛvi Pɛga la bɛbɔle hwii bɛhɔle Anteɔko mɔɔ wɔ Paesedea la. Ɛnwomenlelielɛ Kenle ne dwule la, bɛhɔle nyianu sua ne anu na bɛhɔdɛnlanle aze.

Ɛzoanvolɛma Gyima ne 13:51

Ɛzoanvolɛma ne kpɔlɔkpɔlale bɛ gyakɛ abo munlutu guale sua ne azo amra ati zo na bɛzile nu bɛhɔle Ayekoneɛm.

Ɛzoanvolɛma Gyima ne 14:10

na ɔdeanle nu ɔzele ye kɛ, “Dwazo gyinla!” Nrenya ne wulule gyinlanle na ɔbɔle ɔ bo kɛ ɔtia.

Ɛzoanvolɛma Gyima ne 14:20

Na mɔɔ diedima ne rabɔle yiale ye la, ɔ nye rale zolɛ na ɔdwazole ɔ nee bɛ hɔle sua nu. Aleɛ hyenle la ɔ nee Baanabase bɛhɔle Dɛbi.

Ɛzoanvolɛma Gyima ne 14:25

Bɛhanle Edwɛkpa ne wɔ Pɛga na bɛhɔle Ateelea.

Ɛzoanvolɛma Gyima ne 14:6

Mɔɔ ɛzoanvolɛma ne dele la, bɛyele bɛ nwo zo na bɛhɔle Lesetela nee Dɛbi mɔɔ wɔ Laekewonea maanzinli nu la nee namunamu mɔɔ zuozua ɛkɛ ne la azo

Ɛzoanvolɛma Gyima ne 15:12

Ɔhanle ɛhye la bɛ muala bɛyɛle koonwu na akee bɛdiele Baanabase nee Pɔɔlo kolakola ne, nee sɛkɛlɛneɛ nee nwanwane gyima mɔɔ Nyamenle ɛlua bɛ nwo zo ɛyɛ wɔ bɛdabɛ mɔɔ bɛnle Dwuuma la avinli la amuala.

Ɛzoanvolɛma Gyima ne 16:18

Ɔyɛle ɛhye alehyenlɛ dɔɔnwo ɔmanle akee ɔyɛle Pɔɔlo abodelɛ, na ɔhakyile ɔ nye ɔzele sunsum ɛtane ne mɔɔ wɔ bɛlɛra ne anwo la kɛ, “Ɔlua Gyisɛse Kelaese duma nu, mese wɔ kɛ, ɛvi ɔ nwo tu!” Na sunsum ɛtane ne vi bɛlɛra ne anwo dule ɛkɛ ne ala.

Ɛzoanvolɛma Gyima ne 17:10

Mɔɔ maanle nu muanle la, mediema ne mɔ manle Pɔɔlo nee Saelase hɔle Bɛlia. Bɛhɔdwule la, bɛhɔle Dwuuma nyianu sua ne anu.

Ɛzoanvolɛma Gyima ne 17:15

Menli mɔɔ hɔle Pɔɔlo ɛzɔhonlɛ la vale ye toonwo bɛ nee ye hɔdwule Atɛnse na bɛazia. Na Pɔɔlo vale nrɛlaleɛ manle bɛhɔmanle Saelase nee Temɔte kɛ bɛrɛla waa bɛraboa ye.

Ɛzoanvolɛma Gyima ne 18:1

Ɛhye anzi, Pɔɔlo vile Atɛnse hɔle Kɔlente.

Ɛzoanvolɛma Gyima ne 18:19

Bɛdwule Ɛfɛsɛse la, Pɔɔlo gyakyile Pelesela nee Akoyela. Ɔhɔle Dwuuma nyianu sua ne anu ɔ nee bɛ hɔdendɛle.

Ɛzoanvolɛma Gyima ne 19:1

Mɔɔ Apɔlɔso wɔ Kɔlente la, Pɔɔlo hɔle maanzinli ne anu akpɔsa toonwo ɔravindele Ɛfɛsɛse, na ɔranwunle ɛdoavolɛma bie wɔ ɛkɛ.

Ɛzoanvolɛma Gyima ne 20:20

Bɛze kɛ meanva debie biala mɔɔ kɛyɛ moalɛ kɛmaa bɛ la meanvea bɛ, na menzile me ahonle mengilehilele bɛ wɔ bagua nu nee bɛ azua nu.

Ɛzoanvolɛma Gyima ne 20:6

Na mɔɔ Angye Ɛvoyia ne pɛle nu la, yɛvale ɛlɛne yɛvile Felepae; ye kenle nnu ne azo yɛhɔdole bɛ wɔ Tulowase na yɛlile dapɛne ko wɔ ɛkɛ.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 15:24

me nye la kɛ akee mebara. Saa mese meahɔ Sepeen a mebava bɛ nwo ɛkɛ ne, amaa medi mekɛ ekyi wɔ bɛ nwo ɛkɛ a, bɛaboa me bɛamaa meazɔ me adendulɛ ne azo.

1 Kɔl 2:4

yɛɛ meanva sonla nrɛlɛbɛ nee anloanu kolokolo a mengilehilele bɛ, membɔle edwɛkɛ ne nolo a; menluale Nyamenle Sunsum ne tumi zo,

2 Kɔl 12:12

Menvale abotane kpole a menyɛle ninyɛne mɔɔ kile kɛ mele ɛzoanvolɛ la wɔ bɛ nu a; bɛnwunle sɛkɛlɛneɛ nee nwanwane ninyɛne nee gyima mɔɔ kile Nyamenle tumi ne la amuala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:5

Yemɔti bɛdwenle kɛ Nyamenle fa ye Sunsum ne amaa bɛ, yeava bɛ yeayɛ nwanwane ninyɛne yeahile kɛ bɛlile mɛla ne azo, anzɛɛ bɛdie Edwɛkpa ne na bɛlie bɛli la ati ɔ?

Kɔlɔ 1:25

Ɛhye ati yɛɛ Nyamenle ɛyɛ me asɔne ne sonvolɛ, na yeva gyima ɛhye yemaa me kɛ menyɛ wɔ bɛ ti a. Gyima ne a le Nyamenle edwɛkɛ ne nolobɔlɛ.

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.

Kɛlata mɔɔ bɛhɛlɛle bɛhɔmanle Hibuluma la 2:4

Mekɛ ko ne ala Nyamenle ɔdaye ɔlile daselɛ ɔvoale bɛ ɛdeɛ ne azo, na ɔvale Sunsum Nwuanzanwuanza nu ahyɛlɛdeɛ ɔmanle bɛ, ɔmanle bɛyɛle nwanwane ninyɛne, kɛmɔ ye ɛhulolɛdeɛ ne de la.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.