Wulo 15:16 - BAEBOLO ANZƐƐ BULUKU NWUANZANWUANZA

¹⁶ kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 15:16 ပူးပေါင်းရင်းမြစ်များ

Ɛzoanvolɛma Gyima ne 13:2

Mɔɔ ɛnee bɛlɛyɛ nzɛlɛlɛ na bɛlɛkye ɛhɔne la, Sunsum Nwuanzanwuanza ne zele bɛ kɛ, “Bɛdu Baanabase nee Sɔɔlo bɛzie ahane bɛmaa me na memaa bɛhɔyɛ gyima mɔɔ yemɔti menvɛlɛle bɛ la.”

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 20:32

“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.

Ɛzoanvolɛma Gyima ne 22:21

Na Awulae zele me kɛ, ‘Kɔ, mesoa wɔ wɔ maanle zo moa moa wɔ menli mɔɔ ɛnle Dwuuma la avinli.’ ”

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Wulo 1:1

Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

Wulo 11:13

Akee metendɛ meahile bɛmɛ mɔɔ bɛnle Dwuuma la, kɛ suzuamgba ala mɔɔ mele ɛzoanvolɛ memaa bɛ la, me nye die me gyima nwo kpalɛ,

Wulo 15:18

Ɔluakɛ menrɛha edwɛkɛ ngakyile biala kɛ ninyɛne mɔɔ Kelaese ɛlua me nwo zo ɛyɛ la ala, amaa mealie bɛdabɛ mɔɔ bɛnle Dwuuma la meamaa bɛayɛ tieyɛ bɛamaa Nyamenle. Mebaha mɔɔ Kelaese yɛle la wɔ ɛdendɛlɛ nee nyɛleɛ nu,

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

Wulo 15:20

Ɛhye ati mɔɔ mekpondɛ la a le kɛ menwɔva Edwɛkpa ne menwɔdo gua wɔ ɛleka mɔɔ bɛtɛtele Kelaese nganeɛ ɛlɛ la, amaa meangɔnzɔ mɔɔ awie gyɛne ɛbɔ ɔ bo la azo.

Wulo 15:29

Meze kɛ saa menyia mebadwu bɛ nwo lɔ a, Edwɛkpa ne nolobɔlɛ ne bava Kelaese anu nyilalɛ dɔɔnwo arɛlɛ bɛ.

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

1 Kɔl 4:1

Ɔwɔ kɛ bɛbu yɛ kɛ Kelaese sonvolɛma mɔɔ nea Nyamenle gyima ne mɔɔ vea la azo a.

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

2 Kɔl 11:23

Saa bɛle Kelaese sonvolɛma a, ɛnee ɔkɛyɛ kɛ mezɛ bɔbɔ ɛdeɛ, noko mele sonvolɛ kpalɛ metɛla bɛ. Meyɛ gyima ɛsesebɛ kpalɛ, mela efiade fane dɔɔnwo medɛla bɛ, bɛbila me empele fane kɛyɛ nyɛ, yɛɛ mekɛ dɔɔnwo ne ala, ɔhale me nee ewule.

2 Kɔl 5:20

Yɛle Kelaese agyakɛ anu gyinlavolɛma, na ɔlua yɛ nwo zo Nyamenle ɛlɛtu folɛ. Zɔhane ati yɛgyi Kelaese agyakɛ anu yɛbodo yɛsɛlɛ bɛ kɛ bɛmaa Nyamenle adenle bɛmaa ɔhakyi bɛ kɛ bɛnle agbɔvolɛ na bɛle ɔ gɔnwo mɔ.

2 Kɔl 8:5

Yɛ nye anla fee. Bɛlumuale bɛvale bɛ nwo bɛmanle Awulae, na akee ɔlua Nyamenle ɛhulolɛ zo bɛava bɛ nwo bɛamaa yɛdayɛ noko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:5

Yemɔti bɛdwenle kɛ Nyamenle fa ye Sunsum ne amaa bɛ, yeava bɛ yeayɛ nwanwane ninyɛne yeahile kɛ bɛlile mɛla ne azo, anzɛɛ bɛdie Edwɛkpa ne na bɛlie bɛli la ati ɔ?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:18

Ɔlua Gyisɛse anwo zo yɛɛ yɛ muala, Dwuuma nee bɛdabɛ mɔɔ bɛnle Dwuuma la yɛkola yɛdua Sunsum ko ne ala azo yɛkɔ Selɛ ne anyunlu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:22

Kɛmɔ bɛ nee Kelaese ɛyɛ ko la, bɛdabɛ noko bɛlua Nyamenle Sunsum ne azo bɛlɛsi bɛ nee menli kɔsɔɔti kɛ sua la na Nyamenle adɛnla nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

1 Tɛs 2:9

Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

1 Tem 1:11

Ngilehilelɛ ɛhye mɔ wɔ Edwɛkpa ne mɔɔ anyunlunyia nee saleɛ Nyamenle ne ɛva ɛwula me sa nu kɛ membɔ ye nolo la anu.

1 Tem 2:7

Ɛhye ati yɛɛ ɔyɛle me ɛzoanvolɛ kɛ menga na mengilehile bɛdabɛ mɔɔ bɛnle Dwuuma la nɔhalɛ diedi ne a. Membɔ adalɛ, nɔhalɛ ne a melɛka la!

2 Tem 1:11

Edwɛkpa ɛhye yɛɛ Nyamenle ɛyɛ kɛ membɔ ye nolo, menyɛ ɛzoanvolɛ na mengilehile a.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

1 Pit 1:12

Nyamenle yele hilele ye kpɔmanvolɛma mɔɔ luale Sunsum Nwuanzanwuanza ne mɔɔ bɛzoanle ye vi anwuma rale la azo bɔle Edwɛkpa ɛhye nolo hilele bɛ, kɛ tɛ bɛdabɛ kpɔmanvolɛma bɛ ti yɛɛ bɛyɛle zɔhane gyima ne a, na bɛmɛ Kelaese ɛdoavolɛma bɛ ti ɔ. Ɛhye mɔ le ninyɛne mɔɔ Nyamenle soanvolɛma akunlu a anrɛɛ bɛde ɔ bo a.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.