Wulo 15:14 - BAEBOLO ANZƐƐ BULUKU NWUANZANWUANZA

¹⁴ Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

Wulo 15:14 ပူးပေါင်းရင်းမြစ်များ

1 Kɔl 1:5

Ɔluakɛ Kelaese ati bɛnyia bɛ nwo wɔ ninyɛne kɔsɔɔti anu, bɔbɔ wɔ edwɛkɛ ɛhanlɛ nee adwenle nu amuala.

1 Kɔl 12:8

Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

1 Kɔl 13:2

Saa melɛ ahyɛlɛdeɛ mɔɔ mefa metendɛ Nyamenle anloa azo, na saa mebe nwoma nu kpole, mete fealeranu edwɛkɛ muala abo, na melɛ diedi mɔɔ maa mekola metudu awoka, na menlɛ ɛhulolɛ a, menzɔho sonla.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

1 Kɔl 8:10

Ɔluakɛ saa awie mɔɔ ye adwenle ɛtɛtinle wɔ edwɛkɛ ɛhye mɔ anu la nwu wɔmɔ mɔɔ ɛze deɛ la kɛ ɛlɛdi aleɛ wɔ amonle sua bo a, asoo ɛhye ɛnrɛzuhu ɔ kɔme anzi ɛnrɛmaa ɔnrɛli aleɛ mɔɔ bɛva bɛzɔ amonle la?

1 Kɔl 8:7

Noko tɛ menli ne amuala a lɛ nɔhalɛ deɛnwunlɛ ɛhye a. Amonlezɔlɛ ɛli menli bie mɔ adwenle ɛmaa ɛnɛ nee ɛnɛ ala saa bɛdi aleɛ zɛhae mɔ bie a ɛnee bɛdwenle nwolɛ kɛ asɛɛ amgba ɔle aleɛ mɔɔ bɛva bɛzɔ “nɔhalɛ” amonle a. Ɔba ye zɛhae a ɛnee kɛmɔ bɛ adwenle ɛtɛtinle la ati, bɛfa ye kɛ aleɛ ne gua bɛ nwo evinli.

2 Kɔl 8:7

Kɛmɔ debie biala anu bɛdi munli, wɔ diedi nu, ɛdendɛlɛ nu, adwenlenubukelɛ nu, bɛ nye mɔɔ ɛkpota bɛ ti anwo kɛ bɛboa, nee ɛhulolɛ mɔɔ bɛlɛ ye wɔ yɛ nwo la, zɔhane ala yɛɛ yɛ nye la kɛ bɛkɛhile bɛ atiakunlukɛnlɛma noko wɔ ɛlolɛ ɛzonlenlɛ ɛhye anu bɛkɛmaa ɔkɛbo zolɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:9

Ɔluakɛ wienyi nu yɛɛ kpalɛyɛlɛ, pɛlepɛlelilɛ nee nɔhalɛlilɛ dɔɔnwo vi ba a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:7

Medwenle bɛ nwo somaa! Na ɔle kpalɛ noko kɛ melɛ bɛ nwo adwenle zɛhae a, ɔluakɛ wɔ me efiadenla nu nee Edwɛkpa ne nolobɔlɛ nee ye ɛgyinlalɛ nu, me nee bɛ yɛ muala a yɛnyia Nyamenle ɛlolɛ ne a.

Kɔlɔ 3:16

Bɛmaa Kelaese edwɛkɛ ne nee nwolɛ nvasoɛ muala ɛdɛnla bɛ nu kpalɛ. Bɛva nrɛlɛbɛ bɛhilehile bɛ nwo na bɛdu bɛ nwo folɛ. Bɛdo edwɛne, anyelielɛ edwɛne, na bɛdo sunsum nu edwɛne bɛboka moyɛlɛ mɔɔ vi ahonle nu la bɛmaa Nyamenle.

1 Tɛs 5:11

Zɔhane ati bɛboa bɛ nwo ngoko, kɛmɔ kɛkala bɛlɛyɛ ye la na bɛmaa bɛ nwo anwosesebɛ.

1 Tɛs 5:14

Yɛkakye bɛ, bɛbɔ mɔɔ le mgbovonle la kɔkɔ, bɛzi mɔɔ le foanvoanle la ahonle, bɛboa mɔɔ ɛnlɛ anwosesebɛ la, na bɛnyia biala anwo abotane.

2 Tɛs 1:11

Ɛhye ati dahuu yɛsɛlɛ yɛmaa bɛ, yɛbiza yɛ Nyamenle ne kɛ ɔmaa bɛ nwo ɛfɛta ye ɛvɛlɛlɛ ne. Yɛsɛlɛ kɛ ɔlua ye tumi ne azo ɔmaa bɛhola bɛyɛ kpalɛ biala mɔɔ bɛkpondɛ kɛ bɛyɛ la na ɔmaa bɛ diedi nu gyima muala ɛli munli,

2 Tem 1:5

Mekakye nɔhalɛ diedi ne mɔɔ ɛlɛ ye, diedi ne mɔɔ ɛnee ɛ nla Loyese nee ɛ nli Yunaesi lɛ ye la bie, na medie medi kɛ ɛdawɔ noko ɛlɛ zɔhane diedi ne.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:21

Melɛkɛlɛ kɛlata ɛhye, ɔluakɛ medie medi kɛ ɛkɛyɛ mɔɔ melɛbiza la. Nɔhalɛ, meze kɛ ɛkola ɛyɛ ɛmaa ɔbo zolɛ.

Kɛlata mɔɔ bɛhɛlɛle bɛhɔmanle Hibuluma la 5:12

Ɔluakɛ mekɛ ɛdwu mɔɔ saa bɛle kilehilevolɛma bɔbɔ a anrɛɛ ɔmbɔ nzonle a, noko kɛkala bɛtɛkpondɛ awie mɔɔ bɔ ɔ bo yeahilehile bɛ Nyamenle Edwɛkɛ ne ɛzukoalɛdeɛ ne mɔ mɔɔ lumua la. Bɛngola aleɛ mɔɔ anu yɛ se la di. Ɛhye ati bɛkpondɛ nyɛfonzule bɛanlo.

Kɛlata mɔɔ bɛhɛlɛle bɛhɔmanle Hibuluma la 6:9

Noko ayi mɔ, saa yɛtendɛ zɛhae bɔbɔ a, yɛ adwenle si pi wɔ bɛ nwo. Yɛze kɛ nyilalɛ kpalɛ bie wɔ ɛkɛ mɔɔ beta ngoanelielɛ nwo a.

2 Pit 1:12

Zɔhane ati meyɛ me adwenle kɛ dahuu mebahakyehakye bɛ wɔ ninyɛne ɛhye mɔ anwo, noko meze kɛ bɛze bɛ dɛba na bɛ ti ɛmi nɔhalɛ ne mɔɔ bɛnyia ye la anu kpalɛ.

1 Dw 2:21

Tɛ kɛ asɛɛ bɛnze nɔhalɛ ne la ati a melɛkɛlɛ bɛ a. Melɛkɛlɛ bɛ, ɔboalekɛ bɛze nɔhalɛ ne la ati ɔ, yɛɛ bɛze noko kɛ adalɛ biala vi nɔhalɛ ne anu ɛnvinde.