Wulo 14:22 - BAEBOLO ANZƐƐ BULUKU NWUANZANWUANZA

²² Diedi biala mɔɔ ɛlɛ ye wɔ ɛhye anwo la, maa ɔli ɛdawɔ nee wɔ Nyamenle bɛ avinli. Nyilalɛ ɛha sonla ne mɔɔ kɛyɛ debie mɔɔ ɔnea a ye adenle zo ɔ na nzinlii ɔnrɛli nwolɛ nyane la.

Wulo 14:22 ပူးပေါင်းရင်းမြစ်များ

Ɛzoanvolɛma Gyima ne 24:16

Ɛhye ati yɛɛ mebɔ mɔdenle kɛ menwɔnyia adwenle mɔɔ nuhua te la wɔ Nyamenle nee menli nyunlu a.

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

Wulo 14:2

Bie diedi maa ɔdi debie biala, na mɔɔ ye diedi le ekyi la di nya nya nee mbakama ala.

Wulo 14:23

Na saa wɔ adwenle yɛ wɔ kesee wɔ debie mɔɔ ɛdi la anwo na ɛdi a, ɛbali fɔlɛ kɛ ɛlile a, ɔluakɛ wɔanlua diedi zo a ɛlile a. Debie biala mɔɔ ye ɛyɛlɛ ɛngyi diedi zo la le ɛtaneyɛlɛ.

Wulo 14:5

Sonla ne bie adwenle a le kɛ kenle ne bie hyia tɛla kenle mɔɔ ɛha la amuala. Bie noko dwenle nwolɛ kɛ kenle ne amuala sɛ. Ɔwɔ kɛ biala dwenle nwolɛ kpalɛ na ɔmaa ye adwenle si pi wɔ nwolɛ.

Wulo 2:1

Zɔhane ati ayi, wɔmɔ a ɛle nwane bɔbɔ a, ɛnlɛ adenle ɛmbua awie mɔ ndɛne hweledede. Saa ɛbua awie ndɛne wɔ ye nyɛleɛ nwo a, ɛnee ɛlɛbua ɛ nwo fɔlɛ, ɔboalekɛ ɛdawɔ mumua ne mɔɔ ɛlɛbua ndɛne ne la ɛyɛ nyɛleɛ ko ne ala mɔɔ ahenle mɔɔ ɛlɛbua ye ndɛne la yɛ la bie.

Wulo 7:15

Debie mɔɔ meyɛ la mende ɔ bo, ɔluakɛ mɔɔ mekpondɛ kɛ meyɛ la, mengola menyɛ, na meyɛ deɛ ko ne ala mɔɔ mengulo kɛ meyɛ la.

Wulo 7:24

Me nwo yɛ anwunvɔne kpole! Na nwane a kɛlie me kɛvi nwonane ɛhye asa nu, mɔɔ ɔ nee me ɛlɛkɔ ewule nu a?

1 Kɔl 8:7

Noko tɛ menli ne amuala a lɛ nɔhalɛ deɛnwunlɛ ɛhye a. Amonlezɔlɛ ɛli menli bie mɔ adwenle ɛmaa ɛnɛ nee ɛnɛ ala saa bɛdi aleɛ zɛhae mɔ bie a ɛnee bɛdwenle nwolɛ kɛ asɛɛ amgba ɔle aleɛ mɔɔ bɛva bɛzɔ “nɔhalɛ” amonle a. Ɔba ye zɛhae a ɛnee kɛmɔ bɛ adwenle ɛtɛtinle la ati, bɛfa ye kɛ aleɛ ne gua bɛ nwo evinli.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:1

Mediema, saa bɛnwu awie mɔɔ ɛlɛyɛ ɛtane a, bɛdabɛ mɔɔ Nyamenle Sunsum ne wɔ bɛ nu la ɛdenrɛ ye, noko anrɛɛ bɛyɛ ye bɛtɛɛ wɔ adenle kɛnlɛma nu. Bɛdabɛ noko bɛnlea bɛ nwo boɛ na bɛanyɛ mɔɔ ahenle yɛle la bie.

Gyemise Kɛlata ne 3:13

Bɛ nuhua boni a ze nrɛlɛbɛ na ɔlɛ ndelebɛbo a? Bɛmaa ɔva ye ɛbɛlabɔlɛ kpalɛ ɔpɛ kilemunli ɔhile nyɛleɛ kpalɛ mɔɔ bɛfa mɛlɛbɛnwoaze nee nrɛlɛbɛ bɛyɛ la.

1 Dw 3:21

Ayi mɔ, saa yɛ adwenle ɛmbu yɛ fɔlɛ a, ɛnee yɛsi pi wɔ Nyamenle anyunlu.