Wulo 14:2 - BAEBOLO ANZƐƐ BULUKU NWUANZANWUANZA

² Bie diedi maa ɔdi debie biala, na mɔɔ ye diedi le ekyi la di nya nya nee mbakama ala.

Wulo 14:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:29

Na Nyamenle zele kɛ, “Bɛnlea, meva mbaka muala mɔɔ so ma nee baka biala mɔɔ ma wɔ ye nzoleɛ nu, mɔɔ wɔ azɛlɛ ye azo la amuala memaa bɛ kɛ bɛli.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:3

Meva debie biala mɔɔ ɛnwomenle wɔ ye nu wɔ azɛlɛ ye azo la memaa bɛ kɛ bɛli. Kɛmɔ menvale mbaka nee ndile memanle bɛ kɛ bɛli la, zɔhane ala yɛɛ meva nane nee nloma nee fɛlɛ muala memaa bɛ a. Meva debie biala memaa bɛ.

Mrɛlɛbulɛ Buluku ne 15:17

Ɔle kpalɛ kɛ menli kɛva ɛhulolɛ kɛli nya nya tɛla kɛ bɛkɛva ɛkpɔlɛ bɛkɛli ɛnlankɛ dɔlera nane.

Daneɛle Buluku ne 1:12

“Sɔ wɔ sonvolɛma nea kenle bulu. Maa bɛmaa yɛ nya nya yɛli na bɛmaa yɛ nzule yɛnlo,

Daneɛle Buluku ne 1:16

Ɔlua ɛhye ati neavolɛ ne ammaa bɛ aleɛ kpalɛ nee nza mɔɔ anrɛɛ ɔwɔ kɛ bɛdi na bɛno la, na ɔmanle bɛ nya nya.

Wulo 14:1

Mɔɔ ye diedi le ekyi la, bɛlie ye wɔ bɛ avinli, noko bɛ nee ye mmasu ye adwenle nu nzuzulɛ biala anwo kpolera.

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

Wulo 14:20

Bɛmmatoa aleɛlilɛ bɛsɛkye Nyamenle gyima ne. Debie biala anwo te, noko ɔle ɛtane kɛ ɛkɛli debie mɔɔ kɛmaa ɛ gɔnwo kɛhɔ ɛtane nu la.

Wulo 15:1

Ɔwɔ kɛ yɛdayɛ mɔɔ yɛ diedi nu yɛ se la yɛboa bɛdabɛ mɔɔ bɛ diedi nu ɛnyɛ se la wɔ bɛ debie biala anu. Ɔnle kɛ yɛmaa yɛ nye die yɛ ngome yɛ nwo ala.

1 Kɔl 10:25

Bɛli nane biala mɔɔ bɛtɔne ye wɔ gua nu la, bɛmmadwenle nwolɛ bɛbizebiza nwolɛ edwɛkɛ,

1 Kɔl 8:9

Noko bɛnlea boɛ na bɛ fanwodi nyɛleɛ ɛhye ammaa bɛdabɛ mɔɔ bɛ diedi ɛtɛtinle la andu koti.

1 Kɔl 9:22

Saa mewɔ bɛdabɛ mɔɔ bɛ diedi ɛnli munli la anu noko a, meyɛ me nwo kɛ bɛ nuhua bie la, amaa me sa aha bɛ. Zɔhane ala yɛɛ me nee menli muala yɛ ko a, amaa adenle biala azo mealua mealie bie mɔ ngoane meamaa Nyamenle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:12

Alumua ne mɔɔ ɛnee menli bie mɔɔ Gyemise zoanle bɛ la ɛtɛbale la, ɛnee Pita nee mediema mɔɔ ɛnle Dwuuma la a di debie a. Na mɔɔ menli ne mɔ dwule ala la yɛɛ Pita hwenle ɔ nwo a, kɛ akee ɔ nee bɛ ɛnrɛdo ɛsalɛ bieko, ɔboalekɛ ɔsulo bɛdabɛ mɔɔ bɛ adwenle a le kɛ ɔwɔ kɛ bɛyɛ bɛ mrenyanu nzonlɛ la.

1 Tem 4:4

Debie biala mɔɔ Nyamenle ɛbɔ la le kpalɛ. Ɔnle kɛ yɛkpo biala. Ɔwɔ kɛ yɛfa moyɛlɛ yɛdie ɔ muala,

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15

Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

Kɛlata mɔɔ bɛhɛlɛle bɛhɔmanle Hibuluma la 9:10

Aleɛ nee nza nee bɛ nwo ɛnluanlɛ ngakyile nwo nyɛleɛ yɛɛ bɛyɛ a. Na ɛhye noko le ɛnyelɛ zo debie mɔɔ wɔ ɛkɛ a, kɔkpula mekɛ mɔɔ Nyamenle kɛhakyi ninyɛne kɔsɔɔti fofolɛ la.