Wulo 14:17 - BAEBOLO ANZƐƐ BULUKU NWUANZANWUANZA

¹⁷ Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Wulo 14:17 ပူးပေါင်းရင်းမြစ်များ

Ayezaya Buluku ne 32:17

Ɔlua tenleneyɛlɛ ne azo, anzonudwolɛ bara; tenleneyɛlɛ ne bava anzonudwolɛ nee anwondɔlɛ ara dahuu.

Ayezaya Buluku ne 45:24

“Bɛbaha wɔ me nwo kɛ, Ɛdɛnkɛma anu yɛɛ yɛnwu tenleneyɛlɛ nee tumi a. Bɛdabɛ mɔɔ bɛva ɔ nwo ɛya la bara ye ɛkɛ na bɛ nyunlu agua aze.

Ayezaya Buluku ne 55:12

“Ɔluakɛ ɛbavi Babelɔn anyelielɛ nu, bɛbali ɛ nyunlu bɛ nee wɔ ahɔ anzonudwolɛ nu, awoka mgbole nee ngyikyi ne mɔ amuala babɔ nu ado edwɛne, na ɛbɔ nu mbaka kɔsɔɔti babɔ bɛ sa nu.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Edwɛkpa ne kɛmɔ Mateyu hɛlɛle la 3:2

“Bɛnlu bɛ nwo na Anwuma Belemgbunlililɛ ne ɛbikye!”

Edwɛkpa ne kɛmɔ Mateyu hɛlɛle la 6:33

Bɛbɔ mɔdenle bɛdwenle Nyamenle belemgbunlililɛ ne nee mɔɔ Nyamenle kpondɛ kɛ bɛyɛ la anwo kpalɛ, na ɔkɛva mɔɔ bɛhyia nwolɛ la ɔkɛmaa bɛ.

Edwɛkpa ne kɛmɔ Luku hɛlɛle la 14:15

Menli mɔɔ de ɛkponle ne anwo la anu ko mɔɔ dele ɛhye la hanle hilele Gyisɛse kɛ, “Nyilalɛ ɛha bɛdabɛ mɔɔ bɛbadɛnla ɛkponledolɛ kpole ne abo wɔ Nyamenle Belemgbunlililɛ ne anu la!”

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Ɛzoanvolɛma Gyima ne 13:52

Na diedima mɔɔ wɔ Anteɔko la lile fɛlɛko kpole na Sunsum Nwuanzanwuanza ne yile bɛ tɛkɛɛ.

Ɛzoanvolɛma Gyima ne 9:31

Ɔlua Sɔɔlo ɛhakyilɛ zo akee Asɔne ne mɔɔ wɔ Dwudiya, Galeli, yɛɛ Samɛlea la nyianle anzonudwolɛ na ɔnyinle. Na ɔlua Sunsum Nwuanzanwuanza ne moalɛ zo Asɔne ne nyianle anwosesebɛ, menli dɔɔnwo rale nu na bɛvale Nyamenlezulolɛ bɛluale.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 8:6

Saa ɛmaa nwonane nu adwenleadwenle keda ɛ nwo zo a, ɔwie ewule; yɛɛ saa ɛmaa Sunsum nu adwenleadwenle keda ɛ nwo zo a, ɔwie ngoane nee anzonudwolɛ.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 4:20

Ɔluakɛ Nyamenle Belemgbunlililɛ ne ɛngyi ɛdendɛlɛ zo, ɔgyi tumi zo.

1 Kɔl 6:9

Nɔhalɛ, bɛze kɛ amumuyɛma ɛnrɛnyia Nyamenle Belemgbunlililɛ ne. Bɛmmabɛlɛbɛla bɛ nwo; menli mɔɔ bɔ ɛbɛla mgbane mgbane, bɛdabɛ mɔɔ bɛsonle awozonle, bɛfa nwuvolɛ, mrenya mɔɔ fa bɛ gɔnwo mɔ mrenya nee mraalɛ mɔɔ fa mraalɛ,

1 Kɔl 8:8

Nɔhalɛ, aleɛ ɛnrɛva yɛ ɛnrɛdwu Nyamenle anyunlu. Yemɔti saa yɛanli a yɛnrɛminli debie biala, yɛɛ saa yɛdi noko a yɛnrɛnyia nvasoɛ biala.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:1

Bɛdie Kelaese bɛdi la ati bɛ nwo yɛ se. Ye ɛhulolɛ ne kyekye bɛ rɛle. Sunsum ne maa bɛdi ahua, ɔmaa bɛyɛ atiakunlukɛnlɛma bɛmaa bɛ nwo ngoko ngoko, na bɛse bɛ nwo anwunvɔne.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9

na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Pɔɔlo Kɛlata mɔɔ ɔhɛlɛle ɔhɔmanle Felepaema la 4:7

Na Nyamenle anzonudwolɛ ne mɔɔ bo sonla ndelebɛbo muala azo la bazie bɛ ahonle nee bɛ adwenle gyɛlɛɛnye wɔ Kelaese ati.

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

1 Pit 1:8

Bɛtɛnwunle Gyisɛse ɛlɛ, noko bɛkulo ye. Kɛkala bɔbɔ bɛnnwu ye, noko bɛdie ye bɛdi, na ɔlua zo bɛ nye die na bɛdi fɛlɛko kpole mɔɔ ɛnloanlɛ ɛngola ɛnga a,

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.