Wulo 14:11 - BAEBOLO ANZƐƐ BULUKU NWUANZANWUANZA

¹¹ Ɔluakɛ Nyamenle Edwɛkɛ ne se, “Awulae se, suzuamgba ala mɔɔ mame a mele tease Nyamenle ne la, awie biala babu ndwɛlɛ wɔ me nyunlu, yɛɛ menli muala bayeyɛ me kɛ mele Nyamenle.”

Wulo 14:11 ပူးပေါင်းရင်းမြစ်များ

Edwɛndolɛ Buluku ne 72:11

Maa arelemgbunli kɔsɔɔti ɛdu ɛgua ɔ nyunlu, na maanle maanle kɔsɔɔti ɛzonle ye.

Ayezaya Buluku ne 49:18

Bɛva bɛ nye bɛbɔ bɛ nwo mgbɔlɔka bɛnlea, bɛboɔboa bɛ nloa, bɛlɛba bɛ nwo ɛkɛ. Medame Ɛdɛnkɛma mese: Suzuamgba ala mɔɔ medame a mele tease Nyamenle la, bɛ nye balie bɛ menli ne anwo kɛ anwoneɛ, na bɛava bɛaziezie bɛ nwo kɛ atɔfolɛ.

Gyɛlɛmaya Buluku ne 22:24

Ɛdɛnkɛma se, “Dwuda Belemgbunli Gyɛhɔyakem ara nrenya Gyɛhɔyakɛn le me sa fema kpɔdelera zo tumi kpɔba bɔbɔ ɛdeɛ, noko sumunli kenle ala mɔɔ medame a mele tease Nyamenle la, mebakpolo wɔ meavi me sa,

Yizikeɛle Buluku ne 5:11

“Zɔhane ati medame tease Awulae Nyamenle, mese, suzuamgba ala mɔɔ bɛva bɛ ninyɛmunli nee bɛ bɛkyi ninyɛne ne mɔ bɛgua me ɛleka nwuanzanwuanza ne evinli la, mebabɔ bɛ bo zo. Menrɛvavi bie yɛɛ menrɛze anwunvɔne.

Zɛfanaya Buluku ne 2:9

Zɔhane ati meka meka kɛ, suzuamgba ala mɔɔ medame a mele tease Ɛdɛnkɛma la, Mowabe bayɛ kɛ Sodɔm na Amɔn ayɛ kɛ Gomɔla. Azɛlɛ ne azo bafifi ndile, ayɛ ngyenle ahuma, na yeadɔ mgbane mekɛ mɔɔ ɛnlɛ awieleɛ. Me menli ne mɔɔ ɛha la bahɔve bɛ ninyɛne, na me menli mɔɔ anwu la bava bɛ azɛlɛ ne ayɛ bɛ ɛdeɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:21

Noko meka, meka kɛ, sumunli kenle ala mɔɔ bɛfɛlɛ me Tease, na me anyunlunyia bayi azɛlɛ ye tɛkɛɛ la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:28

Se bɛ kɛ: ‘Meka, meka kɛ, sumunli kenle ala mɔɔ bɛfɛlɛ me Tease la, mebayɛ mɔɔ bɛbiza la meamaa bɛ. Medame Ɛdɛnkɛma a mese a.

Edwɛkpa ne kɛmɔ Mateyu hɛlɛle la 10:32

“Awie biala mɔɔ kɛha ye baguase kɛ ɔle me ɛdeɛ la, medame menwɔyɛ ye zɔhane ala menwɔmaa ye wɔ Egya mɔɔ wɔ anwuma la anyunlu.

Wulo 10:9

Ɔboalekɛ, saa bɛdie bɛto nu na bɛka ye bɛ nloa kɛ, “Gyisɛse le Awulae” na bɛdie bɛdi wɔ bɛ ahonle nu kɛ Nyamenle dwazole ye vile mɔwuamra anu a, bɛbanyia ngoane.

Wulo 15:9

na yeamaa bɛdabɛ mɔɔ bɛnle Dwuuma la aye Nyamenle ayɛlɛ wɔ ye anwunvɔnezelɛ ne ati. Ɔluakɛ Nyamenle Edwɛkɛ ne se, “Zɔhane ati mebaye wɔ ayɛlɛ wɔ menli mɔɔ ɛnle Dwuuma la avinli. Mebado ayɛlɛyelɛ edwɛne meayeyɛ wɔ”

1 Dw 4:15

Awie biala mɔɔ ka to gua kɛ Gyisɛse a le Nyamenle ara ne la, Nyamenle nee ye de, yɛɛ ɔdaye noko ɔ nee Nyamenle de.

2 Dw 1:7

Adalɛma dɔɔnwo ɛdwazo ewiade ɛleka muala. Bɛmɛ a le menli ne mɔɔ ɛnlie ɛndo nu kɛ Gyisɛse Kelaese rale kɛ sonla ala la. Sonla zɛhae le mɛlɛbɛla na ɔle Kelaese Kpɔvolɛ.

Yekile 5:14

Na tease abɔdeɛ nna ne liele zo, “Amen.” Na mgbanyima ne mɔ dule guale na bɛzonlenle.