Wulo 14:10 - BAEBOLO ANZƐƐ BULUKU NWUANZANWUANZA

¹⁰ Saa ye zɔhane a ɛnee wɔmɔ, duzu ati a ɛkɛbua ɛ gɔnwo ndɛne a? Ɛdawɔ noko, duzu ati a ɛkɛtoto ɛ gɔnwo anwo nyɛlɛ ɛ? Yɛ muala yɛbagyinla Nyamenle ndɛnebualɛ ebia ne anyunlu.

Wulo 14:10 ပူးပေါင်းရင်းမြစ်များ

Nolo 11:9

Mgbavolɛ nee mbɛlɛra, bɛlie bɛ nye wɔ bɛ ngakula nu. Bɛli fɛlɛko wɔ mekɛ mɔɔ bɛtɛde mgbavolɛ nee mbɛlɛra la. Bɛli bɛ atiakunluwɔzo nzi, na bɛyɛ mɔɔ bɛkulo la. Noko bɛhakye kɛ Nyamenle babua bɛ debie biala mɔɔ bɛkɛyɛ la anwo ndɛne.

Nolo 12:14

Ɔluakɛ Nyamenle babua debie biala mɔɔ yɛyɛ, nee awozinli nu nyɛleɛ biala anwo ndɛne, kpalɛ o, ɛtane o.

Edwɛkpa ne kɛmɔ Mateyu hɛlɛle la 7:1

“Bɛmmabua awie mɔ ndɛne na Nyamenle ambua bɛ ndɛne,

Edwɛkpa ne kɛmɔ Luku hɛlɛle la 18:9

Eza Gyisɛse bule ɛrɛlɛ ɛhye hilele bɛdabɛ mɔɔ bɛbu bɛ nwo na bɛmbu awie biala la.

Edwɛkpa ne kɛmɔ Luku hɛlɛle la 23:11

Hɛlɔdo nee ye ɛlɔnema ne noko golole Gyisɛse anwo na bɛzile ye amgbu. Bɛvale tɛladeɛ kɛnlɛma bie mɔɔ arelemgbunli ala a wula la bie bɛwulale ye, na ɔzianenle ye ɔhɔmanle Paelɛte.

Dw 5:22

Selɛ ne ɔdaye mumua ne ɔmbua awie ndɛne. Yemaa Ralɛ ne tumi biala kɛ ɔbua ndɛne,

Ɛzoanvolɛma Gyima ne 10:42

na ɔzele yɛ kɛ yɛha ɔ nwo Edwɛkpa ne yɛhile menli kɔsɔɔti, na yɛli ɔ nwo daselɛ kɛ yemɔ yɛɛ Nyamenle ɛyɛ ye mɔwuamra nee anyewɔzoamra ndɛnebuavolɛ a.

Ɛzoanvolɛma Gyima ne 17:31

Ɔluakɛ yehile kenle mɔɔ ɔbalua sonla ne mɔɔ yedu ye yezie ɛkɛ ne la anwo zo yeabua aleɛabo amra kɔsɔɔti ndɛne a. Ɔdwazole sonla zɔhane ɔvile ewule nu ɔvale ɔzile edwɛkɛ ɛhye dawua ɔmanle awie biala.”

Ɛzoanvolɛma Gyima ne 4:11

Gyisɛse a le mɔɔ Nyamenle Edwɛkɛ ne ka ye ɔ nwo kɛ, ‘Bolɛ ne mɔɔ bɛmɛ suasivoma bɛkpole la ɛrayɛ bolɛ mɔɔ anwo hyia kpole kpalɛ kɛ sua mgbɛnezo sika la.’

Wulo 2:16

kɛmɔ Edwɛkpa ne mɔɔ mebɔ ye nolo la kile la. Na yemɔ a le kɛ, Nyamenle dua Gyisɛse Kelaese anwo zo bua menli kɔsɔɔti ndɛne wɔ adwenle biala mɔɔ bɛfa ye fealera nu la anwo.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.