Wulo 12:9 - BAEBOLO ANZƐƐ BULUKU NWUANZANWUANZA

⁹ Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

Wulo 12:9 ပူးပေါင်းရင်းမြစ်များ

Edwɛndolɛ Buluku ne 101:3

Menrɛva ɛtaneyɛlɛ biala menrɛzie me nyunlu. Mekyi bɛdabɛ mɔɔ bɛkpo aze la gyima; me nee bɛ ɛnrɛyɛ debie biala.

Edwɛndolɛ Buluku ne 119:104

Medua wɔ mɛla ne mɔ azo menyia ndelebɛbo, yemɔti mekyi adalɛ adenle biala.

Edwɛndolɛ Buluku ne 119:163

Mekyi yɛɛ mengulo adalɛ, na mekulo wɔ mɛla ne.

Edwɛndolɛ Buluku ne 34:14

Twe ɛ nwo fi ɛtane nwo, na di boɛ; kpondɛ anzonudwolɛ na di ɔ nzi.

Edwɛndolɛ Buluku ne 36:4

Ɔda ye ɛkpa zo ɔbɔ adwenle ɛtane; ɔfa ndenle mɔɔ ɛnle kpalɛ la anu; ɔngyi debie mɔɔ le ɛtane la.

Edwɛndolɛ Buluku ne 45:7

ɛkulo pɛlepɛlelilɛ, ɛkyi amumuyɛ. Yemɔti Nyamenle, wɔ Nyamenle ne, ɛva anyelielɛ nwole ɛkpokpa wɔ ɛgyakyi ɛ gɔnwo mɔ.

Edwɛndolɛ Buluku ne 55:21

Ɔ nloa anu menlemenle tɛla ngyenle, noko konle ala yɛɛ ɔzo ɔlua a. Ye edwɛkɛ yɛ fɛ tɛla asikyelɛ, noko bɛpɛ kɛ konle dadeɛ.

Edwɛndolɛ Buluku ne 97:10

Ɛdɛnkɛma kulo bɛdabɛ mɔɔ bɛkyi ɛtane la; ɔbɔ ɔdaye ye menli ne anwo bane; ɔdie bɛ ɔfi amumuyɛma asa anu.

Mrɛlɛbulɛ Buluku ne 26:25

saa ɔtendɛ kɛnlɛma bɔbɔ a, mmadie ye ɛdi, ɔluakɛ bɛkyi ninyɛne dɔɔnwo wɔ ye ahonle nu.

Mrɛlɛbulɛ Buluku ne 8:13

Ɛdɛnkɛma ɛzulolɛ le ɛtane ɛhyilɛ. Mekyi adubɛnwo, mekyi mgbanyizonle, mekyi ɛdendɛlɛ adalɛ.

Yizikeɛle Buluku ne 33:31

Bɛba ɛ nwo ɛkɛ, kɛmɔ awie biala ba la, bɛbatɛnla ɛ nwo ɛkɛ kɛ asɛɛ me menli la, na bɛtie mɔɔ ɛka la, noko bɛnrɛyɛ ye ɛlɛ, ɔluakɛ bɛfa bɛ nloa a bɛkile bɛ ɛhulolɛ a, na bɛ ahonle ɛdeɛ, yemɔ ɔgyi bɛdabɛ bɛ ngome bɛ kpalɛyɛlɛ zo.

Emɔzo Buluku ne 5:15

Kyi mɔɔ le ɛtane la, na kulo mɔɔ le kpalɛ la, na nea maa nɔhalɛlilɛ ɛrɛla edwɛkɛlilɛ ɛleka ne mɔ; wɔannea a Ɛdɛnkɛma, Tumivolɛ Nyamenle ne kɛnwu Dwosefi abo zo amra ne mɔɔ ɛha la anwunvɔne.

Edwɛkpa ne kɛmɔ Mateyu hɛlɛle la 26:49

Dwudase dwule ɛkɛ ne ala la, ɔhɔle Gyisɛse anwo ɛkɛ ne na ɔzele kɛ, “Kilehilevolɛ, anzonudwolɛ ɛha wɔ.” Na ɔvole ɔ nloa anwo.

Dw 12:6

Tɛ kɛ asɛɛ ɔdwenle ehyianvolɛma anwo somaa la ati a ɔhanle ɛhye a, na ɔle awule, eza kɛmɔ ɔdaye a ɔsie bɛ gya ne la, ɔyɛ a ɔto ɔ sa nu.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

2 Kɔl 6:6

Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

2 Kɔl 8:8

Mengyehyɛ mɛla memmaa bɛ. Melɛ moalɛ mɔɔ awie mɔ anye ɛbolo ɛlɛboa la menea kɛ bɛ ɛhulolɛ si to kɔ la.

1 Tɛs 2:3

Ɔluakɛ mɔɔ yɛvale yɛdole bɛ nyunlu la ɛngyi nvonleɛ bie anzɛɛ adwenle ɛtane biala azo, yɛɛ yɛando awie biala abɛla.

1 Tɛs 5:15

Bɛnlea kɛ awie ɛnrɛva ɛtane ɛnrɛdua ɛtane kakɛ. Dahuu bɛyɛ bɛ adwenle kɛ bɛkɛyɛ kpalɛ bɛkɛmaa bɛ nwo ngoko nee awie mɔ gyɛne.

1 Tɛs 5:21

Bɛzɔ ninyɛne kɔsɔɔti bɛnlea, bɛva mɔɔ le kpalɛ la bɛzie,

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

Kɛlata mɔɔ bɛhɛlɛle bɛhɔmanle Hibuluma la 1:9

Ɛkulo mɔɔ le fɔɔnwo la na ɛkyi mɔɔ ɛnli mɛla zo la. Ɛhye ati yɛɛ Nyamenle, wɔ Nyamenle ne, ɛkpa nu ɛye wɔ na yemaa wɔ nidi nu anyelielɛ kpole mɔɔ tɛla mɔɔ yeva yemaa ɛ gɔnwo mɔ amuala la a.”

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.