Wulo 12:7 - BAEBOLO ANZƐƐ BULUKU NWUANZANWUANZA

⁷ Saa ɛzonlenlɛ nu noko a, ɔwɔ kɛ yɛsonle. Saa ngilehilelɛ nu a, ɔwɔ kɛ yɛkilehile.

Wulo 12:7 ပူးပေါင်းရင်းမြစ်များ

Edwɛndolɛ Buluku ne 34:11

Bɛrɛla, O ayi mɔ, bɛdie me, mebahilehile bɛ Ɛdɛnkɛma ɛzulolɛ ne.

Edwɛndolɛ Buluku ne 51:13

Na menwɔhilehile mɛladonlɛma wɔ adenle ne, na ɛtanevolɛma bazia ara wɔ ɛkɛ.

Nolo 12:9

Ɛye kɛ Nolobɔvo ne si ze nrɛlɛbɛ la ɛsie ahane a, eza ɔhilehilele menli ne adwenle nu ɛbukelɛ, debie ɛzuzulɛ nee debie ɛzukoalɛ na ɔdɔle alagye kpalɛ ɔzieziele mrɛlɛ mɔɔ ɔbule la.

Ayezaya Buluku ne 21:8

Na mɔɔ ɛlɛsinza la nwunle bɛ na ɔdeanle nuhua kɛ, “O Awulae, megyi tawa ye azo mesinza dahuu. Aledwolɛ nu amuala megyi me gyakɛ anu.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Dw 3:2

Kenle ko nɔɔzo ɔhɔle Gyisɛse ɛkɛ ne na ɔzele ye kɛ, “Relabae, yɛze kɛ wɔmɔ a ɛle kilehilevolɛ mɔɔ Nyamenle ɛzoa wɔ a. Awie biala ɛnrɛhola nwanwane ninyɛne mgbole mɔɔ ɛlɛyɛ la bie yɛ kyesɛ Nyamenle nee ye lua.”

Ɛzoanvolɛma Gyima ne 13:1

Nyamenle kpɔmanvolɛma nee kilehilevolɛma wɔ Anteɔko asɔne ne anu, bɛmɛ a le Baanabase, Semɛyɔn (mɔɔ bɛfɛlɛ ye Bile), Luseɛse (mɔɔ vi Saelin), Maneeyen (mɔɔ bɛtetele ye nee Amɛnlado Hɛlɔdo), yɛɛ Sɔɔlo.

Ɛzoanvolɛma Gyima ne 20:20

Bɛze kɛ meanva debie biala mɔɔ kɛyɛ moalɛ kɛmaa bɛ la meanvea bɛ, na menzile me ahonle mengilehilele bɛ wɔ bagua nu nee bɛ azua nu.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

1 Kɔl 12:28

Nyamenle ɛhile awie biala gyinlabelɛ wɔ asɔne ne anu; mɔɔ lumua la a le ɛzoanvolɛma, mɔɔ tɔ zolɛ nwiɔ la a le Nyamenle kpɔmanvolɛma, yɛɛ mɔɔ tɔ zolɛ nsa la a le kilehilevolɛma; akee bɛdabɛ mɔɔ bɛyɛ nwanwane ninyɛne, mɔɔ doa bɛ la a le bɛdabɛ mɔɔ bɛmaa bɛ tumi kɛ bɛyɛ ayile la; yɛɛ akee boavolɛma, amaamuoma, yɛɛ bɛdabɛ mɔɔ bɛtendɛ aneɛ ngakyile la.

1 Kɔl 12:5

Ɛzonlenlɛ ndenle ngakyile dɔɔnwo wɔ ɛkɛ, noko yɛsonle Awulae kokye ne ala.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:6

Bɛmaa awie mɔɔ bɛlɛmaa ye Nyamenle Edwɛkɛ nwo ngilehilelɛ la ɛmaa ye kilehilevolɛ ne debie kpalɛ biala mɔɔ ɔkɛnyia ye la bie.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:11

Ye ahyɛlɛdeɛ a le kɛ ɔmaa bie mɔ yɛ ɛzoanvolɛma, bie mɔ yɛ Nyamenle kpɔmanvolɛma, bie mɔ yɛ Edwɛkpa ne nolobɔlɛma, yɛɛ bie mɔ noko yɛ sɛlɛvolɛma nee kilehilevolɛma.

Mɛla 33:10

Bɛbahilehile Gyekɔbo abo zo amra wɔ ngyehyɛlɛ ne mɔ; bɛahilehile Yizilayɛma wɔ mɛla ne mɔ; bɛbakpu ɛyɛlɛ bɛamaa wɔ, bɛayela nane mumua bɛabɔ azu bɛamaa wɔ.

Kɔlɔ 4:17

Na bɛha bɛhile Aakepɛse kɛ ɔnlea ɔmaa Awulae gyima ne mɔɔ yezɔ nu la ɛli munli.

1 Tem 2:7

Ɛhye ati yɛɛ ɔyɛle me ɛzoanvolɛ kɛ menga na mengilehile bɛdabɛ mɔɔ bɛnle Dwuuma la nɔhalɛ diedi ne a. Membɔ adalɛ, nɔhalɛ ne a melɛka la!

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Tem 4:16

Nea ɛ nwo boɛ na nea wɔ ngilehilelɛ ne boɛ. Kɔ zolɛ yɛ ɛhye mɔ, ɔluakɛ saa ɛyɛ ye zɔhane a, ɛkɛlie ɛ nwo nee bɛdabɛ mɔɔ bɛtie wɔ la ngoane.

1 Tem 5:17

Nwu ye kɛ mgbanyinli mɔɔ yɛ gyima kpalɛ la fɛta ahatualɛ mɔnwo, titile, bɛdabɛ mɔɔ bɛbɔ Edwɛkpa ne nolo na eza bɛkilehile la;

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

2 Tem 2:24

Ɔnle kɛ Awulae sonvolɛ biala di butule. Ɔwɔ kɛ ɔyɛ atiakunlukɛnlɛma ɔmaa awie biala, na ɔyɛ kilehilevolɛ kpalɛ mɔɔ lɛ abotane a.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.