Wulo 12:2 - BAEBOLO ANZƐƐ BULUKU NWUANZANWUANZA

² Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

Wulo 12:2 ပူးပေါင်းရင်းမြစ်များ

Ɛzela Buluku ne 10:11

Zɔhane ati bɛha bɛ ɛtane ne mɔ bɛhile Ɛdɛnkɛma, bɛ ze mɔ Nyamenle ne, na bɛyɛ mɔɔ ɔkpondɛ kɛ bɛyɛ la. Bɛhwe bɛ nwo bɛvi menli mɔɔ wɔ azɛlɛ ɛhye azo la anwo na bɛgyakyi bɛ nyɛvolɛ mraalɛ ne mɔ mɔɔ bɛgyigya bɛ la.”

Edwɛndolɛ Buluku ne 119:103

Wɔ edwɛkɛ ne yɛ me fɛ somaa, ɔyɛ fɛ ɔtɛla wolɛ.

Edwɛndolɛ Buluku ne 119:128

Kɛmɔ wɔ mɛla ne mɔ le fɔɔnwo la ati, mekyi adalɛ adenle biala.

Edwɛndolɛ Buluku ne 119:174

O Ɛdɛnkɛma, me nwo dɔ wɔ ngoanelielɛ ne, me anyelielɛ a le wɔ mɛla ne.

Edwɛndolɛ Buluku ne 119:72

Wɔ mɛla ne mɔ le kpalɛ maa me tɛla ezukoa nvutuke nee dwɛtɛ fufule apenle apenle.

Edwɛndolɛ Buluku ne 119:97

O, mekulo wɔ mɛla ne somaa! Medwenledwenle nwolɛ alehyenlɛ biala.

Edwɛndolɛ Buluku ne 34:8

O bɛzɔ Ɛdɛnkɛma bɛnlea na bɛkɛnwu kɛ ɔle kpalɛ! Nyilalɛ ɛha sonla ne mɔɔ nriandi kɔtane ye la.

Edwɛndolɛ Buluku ne 51:10

O Nyamenle, bɔ ahonle mɔɔ anu te la wula me nu, na maa me sunsum fofolɛ mɔɔ gyi kpundii la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:2

Bɛmmadi menli dɔɔnwo anzi bɛyɛ ɛtane; yɛɛ bɛmmatoa menli ne dɔɔnwo ti bɛkyea nɔhalɛ nye wɔ bɛ daselɛlilɛ nu bɛsɛkye pɛlepɛlelilɛ.

Yizikeɛle Buluku ne 18:31

Bɛgyakyi bɛ mɛladonlɛ ne mɔ na bɛnyia ahonle fofolɛ nee subane fofolɛ. Duzu ati a bɛkulo kɛ bɛwu ɛ, Yizilayɛma?

Yizikeɛle Buluku ne 36:26

Mebamaa bɛ ahonle fofolɛ, meava sunsum fofolɛ meawula bɛ nuhua, na meaye bolɛ ahonle ne mɔɔ wɔ bɛ nu la na meamaa bɛ ahonle bɛlɛvolɛ.

Edwɛkpa ne kɛmɔ Mateyu hɛlɛle la 13:22

Ma ne mɔɔ guale mbowule nu la gyi ɛkɛ maa menli mɔɔ tie edwɛkɛ ne noko aleɛabo ɛbɛlabɔlɛ nwo adwenleadwenle nee anwonyia ɛhulolɛ nwo adwenle fo edwɛkɛ ne azo, na bɛnzo ma la.

Edwɛkpa ne kɛmɔ Maake hɛlɛle la 4:19

na ɛbɛlabɔlɛ ye anwo adwenleadwenle, anyiabɛnwo ɛhulolɛ, nee ninyɛne mgbane mgbane nwo atiakunluwɔzo fo keda edwɛkɛ ne azo, ɛhye ati bɛnzo ma.

Dw 14:30

Menrɛhola me nee bɛ ɛnrɛdendɛ ɛnrɛhyɛ dɔɔnwo biala, ɔboalekɛ mɔɔ sie ɛtane ewiade ɛhye la ɛlɛba. Ɔnlɛ me nwo zo tumi ɛdeɛ,

Dw 15:19

Saa bɛle ewiade ɛdeɛ a ɛnee ewiade bahulo bɛ kɛ ɔ ti anwo ɛdeɛ la. Na mekpa nu meye bɛ mevi ɛtane ewiade ɛhye anu amra avinli, yemɔti bɛnle ɛtane ewiade ɛdeɛ. Ɛhye ati ɛtane ewiade ɛhye anu amra kpɔ bɛ.

Dw 17:14

Meha wɔ nrɛlaleɛ ne mehile bɛ, yemɔti ɛtane ewiade ɛhye kpɔ bɛ, ɔboalekɛ bɛnle ɛtane ewiade ye ɛdeɛ, kɛmɔ menle ɛtane ewiade ye ɛdeɛ la.

Dw 7:7

Ɛtane ewiade ye ɛmkpɔ bɛ, na mame, ɔkpɔ me, ɔluakɛ meka mekile ye dahuu kɛ ye ndenle ne mɔ ɛnle kpalɛ.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Wulo 7:12

Zɔhane ati, Mosisi mɛla mumua ne le nwuanzanwuanza, yɛɛ ngyehyɛlɛ ne le nwuanzanwuanza, ɔle kpalɛ, ɔtenrɛ.

Wulo 7:14

Yɛze kɛ mɛla ne le sunsum nu debie; mame, mele nwonane nu debie mɔɔ bɛdɔne me kɛ kanranli bɛmaa ɛtane a.

Wulo 7:22

Wɔ me nuhua a ɛnee me nye die Nyamenle mɛla ne anwo kpalɛ.

1 Kɔl 3:19

Ɔluakɛ ewiade ye anu nrɛlɛbɛ le ɛzɛlɛ debie wɔ Nyamenle anyunlu. Nyamenle Edwɛkɛ ne se, “Nyamenle dua nrɛlɛbɛvolɛma agyibadolɛ zo kye bɛ;”

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:4

Gyisɛse Kelaese wule manle yɛ, ɔliele yɛ ɔvile yɛ ɛtane nu, amaa yeaye yɛ yeavi munzule mekɛ ɛhye anu; ɔyɛle ɛhye, ɔluakɛ mɔɔ yɛ Ze Nyamenle ne kpondɛ kɛ ɔyɛ la ɛne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:18

Mesɛlɛ kɛ bɛ adwenle nu kɛbuke, amaa bɛanwu anyelazo ne mɔɔ yevɛlɛ bɛ wɔ nu, ye nwanwane nyilalɛ ne mɔ mɔɔ ɔfa ɔbɔ ye menli ɛwɔkɛ la anu anwonyia ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:17

Zɔhane ati, bɛmmayɛ bɛ nwo ahɔnwɔne, na bɛbɔ mɔdenle kɛ bɛkɛnwu mɔɔ Awulae kpondɛ kɛ bɛyɛ la.

Kɔlɔ 1:9

Ɔlua ɛhye ati, sumunli kɛ yɛdele bɛ nganeɛ la, dahuu yɛsɛlɛ yɛmaa bɛ. Yɛsɛlɛ Nyamenle kɛ ɔva sunsum nu nrɛlɛbɛ nee ndelebɛbo muala ɔyi bɛ tɛkɛɛ, amaa bɛanyia Nyamenle ɛhulolɛdeɛ ne anwo ndelebɛbo,

Kɔlɔ 3:10

Bɛva su fofolɛ ne, mɔɔ Nyamenle ne mɔɔ bɔle ye la nea ye ɛsaso zo kakyihakyi ye dahuu la bɛwula, amaa bɛanwu kɛ ɔdaye mumua ne ɔsi ɔde la.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

1 Tɛs 4:3

Nyamenle ɛhulolɛdeɛ a le kɛ bɛ nwo kɛde na bɛkɛhwe bɛ nwo bɛkɛvi adwɔmane ɛbɔlɛ nwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.

1 Pit 1:14

Bɛyɛ tieyɛ bɛmaa Nyamenle na bɛmmamaa bɛ atiakunluwɔzo sie bɛ kɛ dɛba ne mɔɔ ɛnee bɛnze nwolɛ bie la.

1 Pit 1:18

Bɛdabɛ bɛze mɔɔ bɛduale ye wɔ bɛ ti na bɛahola bɛakpɔne bɛ bɛavi bɛ nlenya mɔ ɛbɛla mgbane mgbane ɛbɔlɛ ne anu la. Bɛanva debie mɔɔ ɛngyɛ na yeazɛkye, mɔɔ le kɛ ezukoa nvutuke anzɛɛ dwɛtɛ fufule,

1 Pit 2:3

Ɔluakɛ Nyamenle Edwɛkɛ ne se, “Bɛdabɛ bɛhola bɛnwu kɛ Awulae atiakunlu le kɛnlɛma.”

1 Pit 4:2

Na ɔvi mekɛ ne anu mɔɔ kɔ la, ɔmaa Nyamenle ɛhulolɛ ne dielie ye wɔ ye ɛbɛlabɔlɛ mɔɔ ɛha amozi la anu na ɔgyakyi ye atiakunluwɔzo nzi ɛlilɛ.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

2 Pit 2:20

Ɔluakɛ saa menli nwu yɛ Awulae nee Dievolɛ Kelaese Gyisɛse, na ɔlua ɔ ti bɛfi ewiade ninyɛndane nu na eza bɛsia bɛ nzi bɛmaa ninyɛne zɔhane mɔ fo bɛ nwo zo a, ɛnee noko bɛ gyakɔ; bɛbazɛkye kpalɛ wɔ awieleɛ ne bɛadɛla alumua ne.

1 Dw 3:13

Zɔhane ati me mediema, saa ɛtane ewiade ye ɛngulo bɛ edwɛkɛ a bɛmmamaa ɔyɛ bɛ ɛzulolɛ.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.