Wulo 12:13 - BAEBOLO ANZƐƐ BULUKU NWUANZANWUANZA

¹³ Bɛmaa bɛ sa ɛdwu mediema Kelaese ɛdoavolɛma mɔɔ ɛhyia la anwo zo, na bɛlie nyɛvolɛ wɔ bɛ azua nu.

Wulo 12:13 ပူးပေါင်းရင်းမြစ်များ

2 Arl 4:10

Maa yɛzi sua ekpumgbunli ekyi ko wɔ sua ye ati zo lɔ na yɛva ɛsokpa, ɛkponle, ebia nee kɛnlaneɛ yezie nuhua amaa kenle biala mɔɔ ɔkɛra ɛke la yeahɔla ɛkɛ.”

Edwɛndolɛ Buluku ne 41:1

Nyilalɛ ɛha sonla ne mɔɔ dwenle ehyianvolɛma anwo la! Ɛdɛnkɛma die ye wɔ ye amaneɛnwunlɛ nu;

Mrɛlɛbulɛ Buluku ne 31:20

Ɔbuke ɔ sa nu ɔmaa ehyianvolɛma, na ɔmaa ɔ sa dwu menli mɔɔ ɛhyia la anwo zo.

Edwɛkpa ne kɛmɔ Mateyu hɛlɛle la 25:35

Ɔluakɛ ɛhɔne hunle me na bɛmanle me aleɛ, nzuhɔne hunle me na bɛmanle me nzule, menyɛle ɛyɛvolɛ na bɛliele me wɔ bɛ azua nu,

Ɛzoanvolɛma Gyima ne 10:4

Ɔnwunle Nyamenle soanvolɛ ne la, ɛzulolɛ hanle ye na ɔhanle kɛ, “Yɛmenle, duzu edwɛkɛ ɔ?” Nyamenle soanvolɛ ne buale ye kɛ, “Nyamenle ɛde wɔ nzɛlɛlɛ na yenwu wɔ ahunlunyele gyima ne amuala.

Ɛzoanvolɛma Gyima ne 4:35

bɛrɛlɛle ɛzoanvolɛma ne na bɛhyɛle bɛmanle awie biala nyianle bie, kɛmɔ bɛ ɛhyianlɛ ngakyile ne mɔ de la.

Wulo 12:8

Mɔɔ lɛ folɛdulɛ ahyɛlɛdeɛ la ɛva ɛdu ɔ gɔnwo mɔ folɛ. Mɔɔ ɔwɔ kɛ asa dwu awie mɔ anwo zo la, ɛyeye ɔ kunlu ɛyɛ. Mɔɔ yɛ ahunlunyele gyima la, ɔwɔ kɛ yɛ ye anyelielɛ nu; yɛɛ mɔɔ lɛ moalɛ la ɛva fɛlɛkolilɛ ɛboa.

1 Kɔl 16:15

Mediema, bɛze kɛ Setɛfanase nee ye sua nu amra a lumuale liele Kelaese lile wɔ Akaya (Giliki maanle nu) a, yɛɛ bɛdu bɛ nwo bɛmaa kɛ bɛkɛzonle Nyamenle menli ne.

2 Kɔl 9:1

Ɔngyia biala kɛ menwɔhɛlɛ bɛ wɔ moalɛ mɔɔ bɛlɛ bɛkamaa Nyamenle menli ne la anwo.

2 Kɔl 9:12

Ɔluakɛ bɛ ɛzonlenlɛ gyima ɛhye ɛmmaa Nyamenle menli ne ɛnnyia mɔɔ bɛkpondɛ la angome, na eza ɔmaa menli buke bɛ ahonle nu yɛ Nyamenle mo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:8

Ɔwɔ kɛ awie biala kola wolo ye na ɔkulo kpalɛyɛlɛ, ɔwɔ kɛ ɔkola ɔsɔ ɔ nwo, ɔyɛ sonla mɔɔ ye subane le kpalɛ, ɔ nwo te na ɔdi ɔ nwo eni.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:7

Adiema kulovolɛ, medi fɛlɛko kpole wɔ wɔ ɛhulolɛ mɔɔ ɛlɛ ye la anwo, na yemaa me akɛnrazilɛ! Wɔmaa Nyamenle menli muala anye ɛlie.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

Kɛlata mɔɔ bɛhɛlɛle bɛhɔmanle Hibuluma la 13:2

Bɛhakye kɛ bɛkɛlie nyɛvolɛ wɔ bɛ azua nu. Bie mɔ ɛyɛ bie zɔhane na bɛlie Nyamenle soanvolɛma wɔ bɛ azua nu mɔɔ bɛnze a.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

1 Pit 4:9

Bɛmaa adenle bɛmaa bɛ mediema Kelaese ɛdoavolɛma ɛwolo bɛ mɔɔ adendɛbɛnzoabo biala ɛnle nu a.

1 Dw 3:17

Saa awie mɔɔ lɛ ewiade ye anu ninyɛne la nwu ɔ diema mɔɔ ɛhyia, na ɔye ɔ nye ɔto ɛbɔ nu a, ɛnee kɛ ɔsi ɔka kɛ ɔkulo Nyamenle ɛ?

3 Dw 1:5

Ayi, nɔhalɛ gyima ne ala a ɛlɛdi wɔamaa mediema ne mɔ la, bɔbɔ bɛdabɛ mɔɔ bɛle nyɛvolɛ la.