Wulo 12:12 - BAEBOLO ANZƐƐ BULUKU NWUANZANWUANZA

¹² Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Wulo 12:12 ပူးပေါင်းရင်းမြစ်များ

Edwɛndolɛ Buluku ne 109:4

Mekulo bɛ, noko bɛmɛ bɛto me ɛzonle, kanza meyɛ nzɛlɛlɛ memaa bɛ bɔbɔ a,

Edwɛndolɛ Buluku ne 37:7

Gyinla ɛ nwo wɔ Ɛdɛnkɛma anyunlu, na si abotane kendɛ ye; mmafonla ɛ nwo wɔ mɔɔ ɛkpazi la anwo, anzɛɛ wɔ mɔɔ bɔ adwenle ɛtane la anwo.

Edwɛndolɛ Buluku ne 40:1

Menzile abotane mengendɛle Ɛdɛnkɛma; na ɔdiele me na ɔdele me ɛzunlɛ.

Edwɛndolɛ Buluku ne 62:8

O adɛsa, bɛva bɛ rɛle bɛwula Nyamenle anu dahuu; bɛha bɛ ngyianlɛ kɔsɔɔti bɛhile ye; Nyamenle le yɛ ɛvealeka.

Mrɛlɛbulɛ Buluku ne 10:28

Sonlakpalɛ anyelazo wie fɛlɛkolilɛ nu, na amumuyɛma anyelazo le mgbane.

Mrɛlɛbulɛ Buluku ne 14:32

Amumuyɛnli ninyɛndane ɛyɛlɛ maa ɔkpo aze, na tenlenenli nyia ɛvealeka wɔ ye nɔhalɛlilɛ nwo.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Luku hɛlɛle la 10:20

Noko bɛmmadi fɛlɛko kɛ sunsum ɛtane ne mɔ tie bɛ a; bɛli fɛlɛko kɛ bɛhɛlɛ bɛ aluma wɔ anwuma.”

Edwɛkpa ne kɛmɔ Luku hɛlɛle la 21:19

Bɛgyinla kpundii, na bɛkɛnyia ngoane.”

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Ɛzoanvolɛma Gyima ne 1:14

Bɛ muala bɛyia nu dahuu na bɛfa koyɛlɛ bɛ nee mraalɛ ne mɔ yɛɛ Mɛle mɔɔ le Gyisɛse ɔ nli ne nee ɔ mediema mrenya ne mɔ yɛ nzɛlɛlɛ.

Ɛzoanvolɛma Gyima ne 12:5

Yemɔti Pita lale efiade ne, na diedima ne noko anye bolole yɛle nzɛlɛlɛ ɛsesebɛ kpalɛ manle ye.

Ɛzoanvolɛma Gyima ne 2:42

Na bɛdule bɛ nwo bɛmanle ɛzoanvolɛma ne ngilehilelɛ ne, bɛ nee bɛ zonlenle, na bɛbɔle nu bɛlile debie wɔ mediema ɛyɛlɛ nu.

Ɛzoanvolɛma Gyima ne 6:4

amaa yɛdayɛ noko yɛanyia mekɛ yɛayɛ nzɛlɛlɛ nee Edwɛkpa ne ɛhanlɛ gyima ne.”

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 15:4

Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 8:25

Saa yɛmaa yɛ nye da debie mɔɔ yɛ nye ɛngyi nwolɛ la azo a, yɛɛ yɛfa abotane yɛkendɛ ye ɛnyianlɛ a.

1 Kɔl 13:13

Yemɔti, ninyɛne nsa ɛhye mɔ a wɔ ɛkɛ ne mɔɔ ɛmpɛ nu ɛnze yɛɛ ɛmkpa ɛlɛ a, bɛmɛ a le: diedi, anyelazo, yɛɛ ɛhulolɛ, na bɛ nuhua kpole kpalɛ mɔɔ sonle bolɛ la a le ɛhulolɛ.

2 Kɔl 12:8

Ɛhye ati menzɛlɛle Nyamenle fane nsa wɔ ɛhye anwo kɛ ɔye zɔhane ewule ne me nwo.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:1

Awieleɛ ne, mediema, bɛmaa bɛ nye ɛlie kɛ bɛra Awulae ɛkɛ a. Ɔnyɛ me ɛvɛlɛ kɛ mesi mɔɔ mehɛlɛ ye dɛba la azo wɔ bɛ kpalɛyɛlɛ ti a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 4:12

Ɛpafelase, mɔɔ le bɛdabɛ bɛ bie, na eza ɔle Kelaese Gyisɛse sonvolɛ la biza bɛ ahye. Dahuu ɔkakye bɛ wɔ ye nzɛlɛlɛ nu, kɛ Nyamenle ɛmaa bɛgyinla kpundii, bɛyɛ Kelaese ɛdoavolɛma mɔɔ ati ɛdi, na bɛyɛ tieyɛ bɛmaa Nyamenle ɛhulolɛdeɛ ne.

Kɔlɔ 4:2

Bɛyɛ nzɛlɛlɛ dahuu, bɛzie bɛ adwenle koonwu wɔ bɛ nzɛlɛlɛ nu, na bɛyɛ Nyamenle mo.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

2 Tɛs 1:4

Zɔhane ati yɛfa bɛ yɛpɛ Nyamenle menli mɔɔ ɛha la anye zo. Yɛfa bɛ diedi nu kpundii mɔɔ bɛgyi wɔ nyanenwunlɛ nee abodelɛ mɔɔ bɛlɛnwu ye la anu la yɛtu yɛ nloa anu kpole.

2 Tɛs 3:5

Yɛsɛlɛ kɛ Awulae ɛha bɛ ahonle ɛmaa bɛnyia Nyamenle ɛhulolɛ ne anwo ndelebɛbo kpalɛ na bɛgyinla kpundii wɔ Kelaese anwo ngilehilelɛ ne anu.

1 Tem 6:11

Na wɔmɔ, Nyamenle sonla, twe ɛ nwo fi ninyɛne ɛhye mɔ anwo, na pele kpondɛ pɛlepɛlelilɛ, anwondelɛ, diedi, ɛhulolɛ, abotane yɛɛ bɛtɛɛyɛlɛ bo zo.

2 Tem 3:10

Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:7

amaa ɔlua ye ɛlolɛ zo yɛazɔ Nyamenle anye na yɛanyia ngoane ne mɔɔ ɛnlɛ awieleɛ mɔɔ yɛ nye la zolɛ la.

Kɛlata mɔɔ bɛhɛlɛle bɛhɔmanle Hibuluma la 10:32

Bɛhakye mɔɔ zile bɛ nwo zo wɔ mekɛ mɔɔ Nyamenle wienyi ne dale bɛ nwo zo la. Bɛnwunle amaneɛ dɔɔnwo, noko abodelɛ ne ambo bɛ nwo zo ɛlɛ.

Kɛlata mɔɔ bɛhɛlɛle bɛhɔmanle Hibuluma la 10:36

Ɔwɔ kɛ bɛnyia abotane, amaa bɛahola bɛayɛ Nyamenle ɛhulolɛdeɛ na bɛanyia ye ɛwɔkɛ ne.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Kɛlata mɔɔ bɛhɛlɛle bɛhɔmanle Hibuluma la 5:7

Mekɛ mɔɔ Gyisɛse wɔ ewiade ye anu la, ɔvale ɛzunlɛ nee nyane ɔdeɛdeanle nu ɔvale ye nzɛlɛlɛ ɔdole Nyamenle mɔɔ yemɔ ala a kɛhola kɛye ye kɛvi ewule nu la anyunlu. Kɛmɔ ɔhanle ɔ nwo aze na ɔvale ɔ nwo amuala ɔmanle la ati, Nyamenle diele ye.

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.

Kɛlata mɔɔ bɛhɛlɛle bɛhɔmanle Hibuluma la 6:15

Ebileham zile abotane, na ɔnyianle ɛwɔkɛ ne mɔɔ Nyamenle bɔle ye la.

Gyemise Kɛlata ne 5:7

Yemɔti, mediema, bɛzi abotane bɛhɔkpula Kenle ne mɔɔ Awulae kɛra la. Bɛnlea ɛyazonlɛnli ne, ɔkendɛ ɔmaa azɛlɛ ye maa ye nzoleɛ ngɛnlɛma, ɔsi abotane ɔkendɛ ɔmaa fɔsɛlɛ ne nee bokile ne tɔ zolɛ.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

2 Pit 1:6

Bɛva bɛ nwo zo ɛhomolɛ bɛboka bɛ deɛnwunlɛ nwo, bɛva kpundii ɛgyinlanlɛ bɛboka bɛ nwo zo ɛhomolɛ nwo, bɛva nyamenlezonlenlɛ bɛboka bɛ kpundii ɛgyinlanlɛ nwo,

Yekile 13:10

Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.