Wulo 12:11 - BAEBOLO ANZƐƐ BULUKU NWUANZANWUANZA

¹¹ Bɛyɛ gyima ɛsesebɛ, bɛmmayɛ mgbovonle, na bɛva bɛ ahonle muala bɛzonle Nyamenle.

Wulo 12:11 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:17

Na ɔzele bɛ kɛ, “Bɛle mgbovonle, bɛle mgbovonle somaa, yemɔti dahuu bɛse, ‘Maa yɛ adenle maa yɛhɔbɔ azu yɛmaa Ɛdɛnkɛma!’

Mrɛlɛbulɛ Buluku ne 10:26

Kɛ nzanvinli si nyia egyele, nee kɛ esike si dɔ ɛnyelɛ la, zɔhane ala yɛɛ mgbovonle de maa menli mɔɔ soa ye la a.

Mrɛlɛbulɛ Buluku ne 13:4

Mgbovonle sonla biala akunlu anu a anrɛɛ, noko ɔnnyia ɛhwee; na mɔɔ anye bolo yɛ gyima la nyia ninyɛne dɔɔnwo.

Mrɛlɛbulɛ Buluku ne 18:9

Sonla mɔɔ le mgbaha wɔ gyimayɛlɛ nu la adiema nrenya a le sonla mɔɔ sɛkye ninyɛne la.

Mrɛlɛbulɛ Buluku ne 22:29

Ɛze sonla mɔɔ asa anloa adwinli le kɛnlɛma la ɔ? Ɔbagyinla arelemgbunli nyunlu; ɔnrɛgyinla menli mɔɔ awie ɛmbu bɛ bie la anyunlu.

Mrɛlɛbulɛ Buluku ne 31:15

Ɔdwazo ndɛ mɔɔ aleɛ ɛtɛwiele kye la ɔkpondɛ aleɛ ɔmaa ye sua nu amra, na ɔkile ye sonvolɛ mraalɛ ne mɔ gyima ɔmaa bɛyɛ.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Ayezaya Buluku ne 56:10

Ɔse, “Me sinzavolɛma ne anye ɛzi, bɛ biala ɛnlɛ adwenle; bɛle ahwea mumule, bɛngola kpo bɔbɔ; mɔɔ bɛze ye yɛ la a le nafelɛ mgbole nee ɛlalɛ mgbole ɛhanlɛ.

Edwɛkpa ne kɛmɔ Mateyu hɛlɛle la 24:12

Munzule mɔɔ bara ewiade la bayɛ kpole kpalɛ la ati, menli dɔɔnwo baminli bɛ ɛhulolɛ mɔɔ bɛlɛ ye wɔ Nyamenle anwo la.

Edwɛkpa ne kɛmɔ Mateyu hɛlɛle la 25:26

“Na ɔ menle ne zele ye kɛ, ‘Ɛle sonvolɛ mgbovonle, amumuyɛ kpalɛ! Wɔmɔ ɛze me kɛ mebu bɛyɔba wɔ ɛleka mɔɔ meanlua debie la, na mekuohua aleɛ wɔ ɛya mɔɔ meanlua ma nu la anu?

Ɛzoanvolɛma Gyima ne 18:25

Bɛtete ye wɔ Awulae Adenle ne anu, yemɔti ɔkola ɔka Gyisɛse anwo edwɛkɛ ne fɔɔnwo kpalɛ. Noko Dwɔn ɛzɔnenlɛ ɛdeɛ ne ala a ɔze a.

Ɛzoanvolɛma Gyima ne 20:19

Wɔ Dwuuma akpamo ne mɔ mɔɔ bɛvale wɔ me ti la amuala anu, mendole me nwo aze menvale monle nee amaneɛnwunlɛ menyɛle me gyima kɛ Awulae akɛlɛ.

1 Kɔl 7:22

Ɔluakɛ akɛlɛ mɔɔ Awulae ɛvɛlɛ ye la ɛyɛ dehelɛ wɔ Awulae anu; zɔhane ala yɛɛ mɔɔ le dehelɛ na bɛvɛlɛ ye la, le akɛlɛ maa Kelaese a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.

Kɔlɔ 4:1

Menlenlɛma, bɛnlea bɛ ngɛkɛlɛ ne mɔ boɛ gyɛlɛɛnye. Bɛhakye kɛ bɛdabɛ noko bɛlɛ bɛ Menle wɔ anwuma.

1 Tem 5:13

Eza bɛsɛkye mekɛ bɛduolua ye mgbovonle nu bɛwolowolo azua nu, yɛɛ tɛ ɛhye angome, bɛbɔ nzekue, bɛfa bɛ nloa bɛwulowula awie mɔ edwɛkɛ nu, na bɛkeha edwɛkɛ mɔɔ ɔnle kɛ bɛka la.

Kɛlata mɔɔ bɛhɛlɛle bɛhɔmanle Hibuluma la 12:28

Zɔhane ati, bɛmaa yɛyɛ Nyamenle mo kɛ yemaa yɛ belemgbunlililɛ kpalɛ mɔɔ abo ɛmkpusu ɛlɛ, na yɛva ɛzulolɛ, enililɛ yɛɛ moyɛlɛ yɛzonle ye yɛmaa ɔzɔ ɔ nye,

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

Yekile 2:4

Noko akee metia wɔ wɔ ɛhye anwo: ɛnɛ ɛnlɛ me nwo ɛhulolɛ kɛ alumua ne la.