Wulo 12:10 - BAEBOLO ANZƐƐ BULUKU NWUANZANWUANZA

¹⁰ Bɛva mediema ɛhulolɛ bɛhulo bɛ nwo ngoko kɛ bɛle Kelaese ɛdoavolɛma, na bɛbɔ mɔdenle bɛpele bɛbu bɛ gɔnwo mɔ kpalɛ kpalɛ.

Wulo 12:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:9

Azɛlɛ tɛtɛtɛlɛlɛ a la yɛ nyunlu lɔ la. Te ɛ nwo. Saa ɛkɔ bɛne zo a, mebahɔ fema zo, yɛɛ saa ɛkɔ fema zo noko a, mebahɔ bɛne zo.”

Dwobu Buluku ne 1:4

Ɔ mra ne mɔ to ɛkponle bɛ ti ngoko. Saa ko biala mekɛ ɛdeɛ ne dwu a, ɔto ɛkponle na ɔfɛlɛvɛlɛ ɔ mediema mrenya ne mɔ nee bɛ mediema mraalɛ ne mɔ na bɛ nee bɛ di, no, dielie bɛ nye.

Edwɛndolɛ Buluku ne 133:1

Bɛnlea kɛ ɔsi ɔle kɛnlɛma nee kpalɛ, kɛ mediema kɛbɔ nu kɛdɛnla koyɛlɛ nu!

Gyɛlɛmaya Buluku ne 38:12

Akee sonvolɛ Yibɛdemɛlɛke hanle hilele Gyɛlɛmaya kɛ, “Fa adɛladeɛ ndeteleka ne mɔ wulowula ɛ nvonlɔma anu, na fa nyɛma ne sosɔ wɔ awane bo.” Na Gyɛlɛmaya yɛle ye zɔhane.

Edwɛkpa ne kɛmɔ Mateyu hɛlɛle la 20:26

Na bɛmɛ, ɛhye ɛmbɔnle bɛ nwo. Saa bɛ nuhua bie kpondɛ kɛ ɔyɛ kpole wɔ bɛ nu a, ɛnee ɔyɛ sonvolɛ ɔmaa mɔɔ ɛha la;

Edwɛkpa ne kɛmɔ Luku hɛlɛle la 14:10

Yemɔti saa bɛto ɛsalɛ bɛfɛlɛ wɔ a, kɔdɛnla bɛ nzi lɔ ɛleka bie, na saa mɔɔ vɛlɛle wɔ la ba a, yeaze wɔ kɛ, ‘Me gɔnwo, bɛla badɛnla ɛleka kpalɛ.’ Ɛhye kɛyɛ anyunlunyia kɛmaa wɔ wɔ menli mɔɔ nee wɔ de ɛkponle ne anwo la anyunlu.

Dw 15:17

Ɛhye ati, mɔɔ meka meahile bɛ la a le kɛ; bɛhulo bɛ nwo ngoko ngoko.

Dw 17:21

Mesɛlɛ kɛ bɛ muala bɛkɛyɛ ko. Egya! Maa bɛdɛnla yɛ nu, kɛmɔ ɛde me nu na medame mede wɔ nu la. Maa bɛyɛ ko, amaa ewiade amra alie ali kɛ amgba ɛdawɔ a ɛzoanle me a.

Ɛzoanvolɛma Gyima ne 4:32

Diedima ne amuala lile ahua wɔ ahonle nee adwenle nu. Bɛ nuhua biala anva ye debie biala ambɔ ye ɛbolɛ na bɛ nee bɛ gɔnwo mɔ hyɛle debie biala mɔɔ ko lɛ ye la.

Wulo 13:7

Yemɔti, mɔɔ ɔwɔ kɛ bɛtua la, bɛdua; bɛdua bɛ maanle adwule ngakyile ne mɔ amuala, bɛbu mgbanyima ne mɔ na bɛli bɛ muala eni.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

Kɔlɔ 1:4

Ɔluakɛ yɛde kɛ bɛliele Kelaese Gyisɛse bɛlile la, bɛnyia ɛhulolɛ wɔ Nyamenle menli ne anwo,

1 Tɛs 4:9

Ɔngyia kɛ awie kɛhɛlɛ bɛ kɛ anrɛɛ bɛhulo bɛ gɔnwo mɔ diedima, ɔluakɛ Nyamenle ɔdaye yehilehile bɛ kɛ bɛzi bɛhulo bɛ nwo ngoko la.

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

Kɛlata mɔɔ bɛhɛlɛle bɛhɔmanle Hibuluma la 13:1

Bɛhɔ zo bɛhulo bɛ nwo ngoko ngoko kɛ mediema mɔɔ nee Kelaese a lua la.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 2:17

Bɛli menli kɔsɔɔti eni. Bɛhulo bɛ gɔnwo mɔ diedima. Bɛzulo Nyamenle na bɛli Maanle Maanle Belemgbunli ne eni.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”

2 Pit 1:7

bɛva mediema ɛyɛlɛ bɛboka bɛ nyamenlezonlenlɛ nwo na bɛva ɛhulolɛ bɛboka bɛ mediema ɛyɛlɛ nwo.

1 Dw 4:11

Ayi mɔ, saa Nyamenle ɛhulo yɛ ɛhulolɛ zɛhae a, ɛnee ɔwɔ kɛ yɛdayɛ noko yɛkulo yɛ nwo ngoko ngoko.

1 Dw 4:20

Saa awie ka kɛ, “Mekulo Nyamenle”, na ɔkpɔ ɔ diema a, ɛnee ɔle adalɛ, ɔluakɛ awie mɔɔ ɛngulo ɔ diema mɔɔ ɔ nye dua ye la ɛnrɛhola ɛnrɛhulo Nyamenle mɔɔ ɔtɛnwunle ye ɛlɛ la.