Wulo 12:1 - BAEBOLO ANZƐƐ BULUKU NWUANZANWUANZA

¹ Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 12:1 ပူးပေါင်းရင်းမြစ်များ

Edwɛndolɛ Buluku ne 116:12

Duzu yɛɛ menva memaa Ɛdɛnkɛma, wɔ ye ahyɛlɛdeɛ ɛwolaa ye anwo a?

Edwɛndolɛ Buluku ne 19:14

O Ɛdɛnkɛma, me bodane nee me dievolɛ, maa me nloa edwɛkɛ nee me ahonle nu nzɛlɛlɛ ɛdwu ɛ nyunlu na ɔzɔ ɛ nye.

Ayezaya Buluku ne 56:7

bɛmɛ yɛɛ mebava bɛ meahɔ me boka nwuanzanwuanza ne azo, na meamaa bɛ nye alie wɔ me nzɛlɛlɛ sua ne anu a; mebalie bɛ ɛyelalɛ azubɔdeɛ nee bɛ azubɔlɛ ne mɔ wɔ me azukponle ne azo. Ɔluakɛ bɛbavɛlɛ me sua ne, menli kɔsɔɔti nzɛlɛlɛ sua.”

Gyɛlɛmaya Buluku ne 6:20

Kɛ meyɛ ɛyɛlɛ ne mɔɔ bɛ nee ye vi Hyiba ɛrɛlɛ me la ɛ? Anzɛɛ kɛ meyɛ aleɛdonlɛ ninyɛne evuanlɛ mɔɔ bɛ nee bɛ vi maanle zo moa moa ɛrɛlɛ me la ɛ? Menrɛlie bɛ ɛyelalɛ azubɔdeɛ ne mɔ, yɛɛ bɛ azubɔlɛ ne mɔ ɛnzɔ me nye.”

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Edwɛkpa ne kɛmɔ Luku hɛlɛle la 7:47

Ɛhye ati meka meahile wɔ kɛ, ɛhulolɛ kpole ne mɔɔ yehile la, kile kɛ bɛva ye ɛtane bebelebe ne bɛhyɛ ye. Mɔɔ bɛkɛva ekyi bɛkɛhyɛ ye la ɛhulolɛ le ekyi bie ala.”

Wulo 12:2

Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

Wulo 15:16

kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.

Wulo 15:30

Mediema, mesɛlɛ bɛ, ɔlua yɛ Awulae Gyisɛse Kelaese ati, ɔ nee ɛhulolɛ ne mɔɔ le Sunsum Nwuanzanwuanza ahyɛlɛdeɛ ne la ati, bɛboa me wɔ me gyima ye ɛyɛlɛ nu na bɛzɛlɛ Nyamenle bɛmaa me.

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Wulo 6:13

Eza ɔnle kɛ bɛtu bɛ sonlabaka ne ɛleka biala bɛmaa ɛtane kɛ bɛva bɛyɛ ninyɛndane biala. Bɛva bɛ nwo bɛmaa Nyamenle kɛ menli mɔɔ bɛye bɛ bɛvi ewule nu bɛra ngoane nu, na bɛdu bɛ nwo ɛleka biala bɛmaa Nyamenle kɛ ɔva ɔyɛ gyima mɔɔ sɔ ɔ nye la.

Wulo 6:16

Bɛdabɛ bɛze ye wienyi kɛ saa bɛbu bɛ nwo bɛmaa awie kɛ bɛsonle ye kɛ bɛle ahanra a, ɛnee bɛle ahanra bɛmaa ahenle ne mɔɔ bɛsonle ye la. Saa ɛtane a le bɛ menle a, bɛbanyia nwolɛ ewule, saa bɛtie Nyamenle noko a, bɛbalie bɛ bɛamaa bɛazɔ Nyamenle anye.

Wulo 6:19

Bɛmaa menga edwɛkɛ ne sikalɛ mɔɔ bɛ adwenle so nu la. Kɛmɔ mekɛ bie bɛyɛle bɛ nwo ahanra bɛmanle ɛtane nee amumuyɛ na bɛyɛle ninyɛndane la, zɔhane ala yɛɛ kɛkala ɔwɔ kɛ bɛyɛ bɛ nwo ahanra bɔkɔɔ bɛmaa tenleneyɛlɛ a, amaa bɛ nwo ade nwuanzaanwu.

Wulo 9:23

Eza noko ɔkulo kɛ ye anyunlunyia ne da ɛkɛ, na ɔwola ɔgua yɛdayɛ mɔɔ ɔwɔ kɛ ɔnwu yɛ anwunvɔne, na yeziezie yɛ kɛ yɛnyia ye anyunlunyia ne la anwo zo.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 4:1

Nyamenle ɛlolɛ nu ala yɛɛ yeva gyima ɛhye yewula yɛ sa nu a, zɔhane ati yɛ rɛle ɛmbɔ.

2 Kɔl 4:16

Ɔlua ɛhye ati yɛmkpo aze. Saa yɛ nwonane ɛlɛwie bɔbɔ a, Nyamenle kakyi yɛ sunsum nu nwonane ne alehyenlɛ biala.

2 Kɔl 5:20

Yɛle Kelaese agyakɛ anu gyinlavolɛma, na ɔlua yɛ nwo zo Nyamenle ɛlɛtu folɛ. Zɔhane ati yɛgyi Kelaese agyakɛ anu yɛbodo yɛsɛlɛ bɛ kɛ bɛmaa Nyamenle adenle bɛmaa ɔhakyi bɛ kɛ bɛnle agbɔvolɛ na bɛle ɔ gɔnwo mɔ.

2 Kɔl 6:1

Kɛmɔ yɛ nee Kelaese bɔ nu yɛ gyima la, yɛbodo yɛsɛlɛ bɛ kɛ bɛmmamaa Nyamenle ɛlolɛ ne mɔɔ bɛ sa ɛha ye la yɛ mgbane.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:10

Bɛbɔ mɔdenle bɛzukoa mɔɔ bɛyɛ a ɔsɔ Awulae anye la.

Mɛla 14:2

Ɔluakɛ bɛle Ɛdɛnkɛma bɛ Nyamenle ne menli mɔɔ anwo te a. Ɛdɛnkɛma ɛkpa nu ɛye bɛ wɔ menli kɔsɔɔti mɔɔ wɔ ewiade la avinli kɛ ɔdaye ye menli a le bɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

1 Tɛs 4:10

Nɔhalɛ, zɛhae subane ne ala a bɛhile bɛmaa mediema mɔɔ wɔ Masidonea maanzinli nu la amuala a. Yemɔti yɛsɛlɛ bɛ, mediema, bɛyɛ ye zɔhane kpalɛ dahuu.

1 Tɛs 5:12

Mediema, yɛsɛlɛ bɛ kɛ bɛli menli mɔɔ bɛ nee bɛ sonle na bɛyɛ bɛ mgbanyinli mɔɔ tu bɛ folɛ, na bɛkilehile bɛ Awulae adenle ne la eni.

1 Tem 2:3

Zɛhae nzɛlɛlɛ le kpalɛ na ɔsɔ Nyamenle yɛ Ngoanedievolɛ ne anye.

1 Tem 5:4

Na saa kunlanvolɛ bie wɔ ɛkɛ ne mɔɔ lɛ mralɛ anzɛɛ nlɔnra a, maa ngakula zɔhane mɔ ɛzukoa bɛ nyamenlezonlenlɛ gyima ne mɔɔ ɔwɔ kɛ bɛdi bɛmaa bɛ awovolɛ la, bɛva bɛdua bɛ awovolɛ kakɛ, ɔluakɛ ɛhye a sɔ Nyamenle anye a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:10

Mesɛlɛ wɔ meamaa me ra Onɛsemɛse. Ɔlua Kelaese ati, Onɛsemɛse ɛrayɛ me ra wɔ mekɛ mɔɔ mela efiade ye ala la.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:9

na ɛ nwo ɛhulolɛ ti, mebazɛlɛ wɔ. Mame a mele Pɔɔlo mɔɔ megyi Kelaese Gyisɛse agyakɛ anu, na kɛkala ɔlua ɔ ti mela efiade la, noko akee mebiza ɛhye.

Kɛlata mɔɔ bɛhɛlɛle bɛhɔmanle Hibuluma la 13:22

Mebodo bɛ, me mediema, bɛzi abotane bɛdie akɛnrazilɛ nrɛlaleɛ ɛhye, ɔluakɛ kɛlata ɛhye mɔɔ mehɛlɛ bɛ la anwa biala.

1 Pit 2:20

Ɔluakɛ duzu nvasoɛ yɛɛ bɛkɛnyia ye kɛ bɛkɛyɛ ɛtane na bɛkɛnyia nwolɛ ndeanlɛ a? Na saa bɛdi boɛ la ati bɛnwu nwolɛ amaneɛ na bɛsi nwolɛ abotane a, Nyamenle bayila bɛ.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.