Wulo 11:8 - BAEBOLO ANZƐƐ BULUKU NWUANZANWUANZA

⁸ Nyamenle Edwɛkɛ ne se, “Nyamenle manle bɛsolole ɔmanle ɛnɛ nee ɛnɛ ala bɛ nye ɛnnwu debie, yɛɛ bɛ nzo ɛnde edwɛkɛ.”

Wulo 11:8 ပူးပေါင်းရင်းမြစ်များ

2 Arl 17:34

Kɛkala bɔbɔ bɛtɛbu bɛ amaamuo dɛba ne. Bɛnzonle Ɛdɛnkɛma yɛɛ bɛnli ye mɛla nee ye ngyehyɛlɛ ne mɔ mɔɔ ɔvale ɔmanle Gyekɔbo, mɔɔ nzinlii ɔdonle ye Yizilayɛ la, abo zo amra ne la azo.

2 Arl 17:41

Yemɔti menli zɔhane zonlenle mmonle, na ɛnɛ nee ɛnɛ ala bɛ bo zo amra tɛyɛ zɔhane debie ko ne ala.

Ayezaya Buluku ne 29:10

Ɔluakɛ Ɛdɛnkɛma ɛva nafelɛ sunsum ɛwula bɛ na bɛbalafe botoo, na bɛmɛ Nyamenle kpɔmanvolɛma, yeheda bɛ nye, yɛɛ yeheda ɛnyelɛzodeɛnwunlɛma ati zo.

Ayezaya Buluku ne 6:9

Na ɔzele me kɛ, “Kɔ, na kɔze menli ɛhye mɔ kɛ, ‘Bɛbadie, bɛadie, na bɛnrɛde ɔ bo; bɛbanlea, bɛanlea, na bɛnrɛnwu ɛhwee!

Gyɛlɛmaya Buluku ne 5:21

Bɛdie ɛhye, ahɔnwɔne mɔɔ ɛnze nrɛlɛbɛ a, mɔɔ lɛ ɛnyelɛ na bɛnnwu debie a, mɔɔ lɛ ɛnzonlɛ na bɛnde edwɛkɛ a.

Yizikeɛle Buluku ne 12:2

Ɔse, “Sonla ra, ɛde menli anzosesebɛma mɔɔ ɛngyɛ na ade atua la avinli. Bɛlɛ ɛnyelɛ, noko bɛnnwu debie; bɛlɛ ɛnzonlɛ, noko bɛnde edwɛkɛ, ɔluakɛ bɛle atuadelɛma.

Yizikeɛle Buluku ne 20:26

Memanle bɛvale bɛ belamunli mralɛ bɛyelale bɛ bɛbɔle azu, na bɛluale bɛ ahyɛlɛ ninyɛne zo bɛzɛkyele bɛ nwo. Menyɛle ɛhye menganle bɛ ɛzulolɛ, amaa bɛanwu kɛ medame a mele Ɛdɛnkɛma a.

Edwɛkpa ne kɛmɔ Luku hɛlɛle la 8:10

na ɔbuale bɛ kɛ, “Bɛmɛ, Nyamenle ɛla ye belemgbunlililɛ ne anwo edwɛkɛ mɔɔ vea la ali wienyi ɛhile bɛ, na menli mɔɔ ɛha la bɛte ye wɔ mrɛlɛ nu, amaa bɛnea a bɛannwu ye, yɛɛ bɛtie a bɛande ɔ bo.

Ɛzoanvolɛma Gyima ne 28:26

Ɔluakɛ ɔzele kɛ, ‘Kɔze menli ɛhye mɔ kɛ, bɛbadie, bɛadie, na bɛnrɛde ɔ bo; bɛbanlea, bɛanlea, na bɛnrɛnwu debie,

Mɛla 29:4

Noko toonwo mɔɔ yeradwu ɛnɛ la, Ɛdɛnkɛma ɛtɛmanle bɛ adwenle ɛtɛmanle bɛtɛtele ɔ bo, na bɛanyia ɛnyelɛ bɛanwu ye, anzɛɛ bɛanyia ɛnzonlɛ bɛadie.