Wulo 11:36 - BAEBOLO ANZƐƐ BULUKU NWUANZANWUANZA

³⁶ Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

Wulo 11:36 ပူးပေါင်းရင်းမြစ်များ

Edwɛndolɛ Buluku ne 115:1

Tɛ yɛmɛ, O Ɛdɛnkɛma, tɛ yɛmɛ, na wɔmɔ yɛɛ ɔwɔ kɛ anyunlunyia ka wɔ, wɔ wɔ ɛhulolɛ kpundii ne nee wɔ nɔhalɛlilɛ ne ati a.

Edwɛndolɛ Buluku ne 33:6

Ɛdɛnkɛma vale ɔ nloa bɔle anwuma, ɔvale ɔ nloa a ɔbɔle anwumaneamra a.

Mrɛlɛbulɛ Buluku ne 16:4

Debie biala mɔɔ Ɛdɛnkɛma ɛyɛ la gyi kpɔkɛ zo; amumuyɛnli ne bɔbɔ, ye mekɛ dwu a bɛbazɛkye ye.

Ayezaya Buluku ne 42:12

Bɛmaa bɛwula Ɛdɛnkɛma anyunlunyia, na bɛbɔ ye ayɛlɛyelɛ ne nolo bɛhile ɛnweanloa amra.

Daneɛle Buluku ne 4:3

“Ye sɛkɛlɛneɛ ne mɔ le mgbole! Ye nwanwane ninyɛne ne mɔ yɛ ɛzulolɛ! Ye belemgbunlililɛ ɛnlɛ awieleɛ, ye belemgbunlililɛ vi awolɛndoazo dwu awolɛndoazo.

Daneɛle Buluku ne 4:34

“Ɛvolɛ nsuu ne dwule la, medame Nɛbukadenɛza, mendole me nye anwomanyunlu, na me nye rale me nwo zo. Menyele Anwuma Anwumanli ne ayɛlɛ na menyeyɛle teasenli ne menlile ye eni kɛ: “Ye belemgbunlililɛ ɛnrɛbɔ aze ɛlɛ, ye belemgbunlililɛ vi awolɛndoazo dwu awolɛndoazo.

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Luku hɛlɛle la 19:38

na bɛzele kɛ, “Nyamenle ɛyila belemgbunli ne mɔɔ lua Awulae duma nu ɛlɛba la! Anzonudwolɛ wɔ anwuma na anyunlunyia ɛha Nyamenle!”

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Ɛzoanvolɛma Gyima ne 17:28

ɔluakɛ, ‘Ye nuhua yɛɛ yɛde na yɛkɔ, yɛba, na yɛnyia ngoane a.’ Ɔle kɛ mɔɔ bɛdabɛ bɛ edwɛkɛdwɛndolɛma bie mɔ hanle la. ‘Yɛdayɛ noko yɛle ɔ mra.’

1 Kɔl 11:12

Ɔluakɛ kɛmɔ bɛbɔle raalɛ bɛvile nrenya nu la, zɔhane ala yɛɛ raalɛ wo nrenya a, yɛɛ ninyɛne kɔsɔɔti vi Nyamenle.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:5

Anyunlunyia ɛha Nyamenle dahuu! Amen.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:20

Anyunlunyia ɛha yɛ Ze Nyamenle ne dahuu! Amen.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Tem 6:16

Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

2 Tem 4:18

Na Awulae balie me gyɛlɛɛnye avi munzule muala anu na ɔ nee me ahɔ ye anwuma Belemgbunlililɛ ne abo. Anyunlunyia ɛha ye dahuu! Amen.

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.

Kɛlata mɔɔ bɛhɛlɛle bɛhɔmanle Hibuluma la 2:10

Ɔle kpalɛ kɛ Nyamenle, mɔɔ ɔdaye yɛɛ ɔbɔle ninyɛne kɔsɔɔti na bɛle ye ɛdeɛ la, kɛmaa Gyisɛse kɛnwu amaneɛ kolaa na yeali munli, amaa yeahola yeava mralɛ somaa yeahɔ Nyamenle anyunlunyia ne anu.

1 Pit 4:11

Sonla ne mɔɔ ka Nyamenle edwɛkɛ la ɛnlea ɛha Nyamenle edwɛkɛ ne; mɔɔ sonle noko la ɛva ye anwosesebɛ mɔɔ Nyamenle ɛva ɛmaa ye la amuala ɛzonle, amaa debie biala mɔɔ bɛyɛ la anu menli ava ayɛlɛyelɛ alua Gyisɛse Kelaese anwo zo amaa Nyamenle. Yemɔ yɛɛ anyunlunyia nee tumi le ye ɛdeɛ dahuu a. Amen.

1 Pit 5:11

Nyamenle ɛhye yɛɛ tumi ne le ye ɛdeɛ dahuu a! Amen.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 19:1

Ɛhye anzi mendele debie bie mɔɔ le kɛ menli dɔɔnwo ane wɔ anwuma, bɛse, “Bɛye yɛ Nyamenle ne ayɛlɛ! Ngoanelielɛ, anyunlunyia, nee tumi le yɛ Nyamenle ne ɛdeɛ!

Yekile 21:6

Na ɔzele me kɛ, “Bɛwie debie biala yɛ! Mame a mele ‘Alefa’ nee ‘Omiga’ ne a, mɔlebɛbo ne nee awieleɛ ne. Awie mɔɔ nzuhɔne ɛlɛku ye la mebamaa ye nzubula ne mɔɔ maa ngoane la anu nzule ne bie yeanlo mɔɔ ɔndua ɛhwee a.

Yekile 7:10

Bɛdeanle nu bɛzele kɛ, “Ngoanelielɛ vi yɛ Nyamenle ne mɔɔ de belemgbunli ebia kpole ne azo la nee Boaneralɛ ne.”

Yekile 7:12

bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”