Wulo 11:27 - BAEBOLO ANZƐƐ BULUKU NWUANZANWUANZA

²⁷ Ngyekyeleɛ ɛhye a saa mefa bɛ ɛtane ne mɔ mekyɛ bɛ a me nee bɛ bayɛ a.”

Wulo 11:27 ပူးပေါင်းရင်းမြစ်များ

Ayezaya Buluku ne 27:9

Yemɔti debie mɔɔ Yizilayɛma yɛ a bɛkɛva bɛ ɛtane bɛkɛhyɛ bɛ la a le ɛhye: saa bɛbubu awozonle azukponle ne mɔ, bɛti bɛ motomoto kɛ munlutu, bɛbubu bɛ bozonle raalɛ Ahyela ne sɛkɛlɛneɛ anzɛɛ ɛyɛlɛ ɛkpunlɛ azukponle ne mɔ mɔɔ biala ɛnle ɛkɛ ne bieko la a, bɛkɛva bɛ ɛtane ne mɔ kɔsɔɔti bɛkɛhyɛ bɛ.

Ayezaya Buluku ne 43:25

Medame, medame a mele Nyamenle, mɔɔ medame me ti, mefa bɛ ɛtane mekyɛ bɛ a. Menrɛhakye bɛ ɛtane ne mɔ bieko.

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Ayezaya Buluku ne 59:21

Na mame, me ngyekyeleɛ mɔɔ me nee bɛ bayɛ la ɛne: Me Sunsum ne mɔɔ wɔ bɛ nwo zo, nee me edwɛkɛ ne mɔɔ meva medua bɛ nloa la ɛnrɛvi bɛ nee bɛ bo zo amra anloa, ɔvi ɛnɛ mɔɔ kɔ nee melɛ mɔɔ ɛnlɛ awieleɛ. Medame Ɛdɛnkɛma a mese a.”

Gyɛlɛmaya Buluku ne 50:20

Saa mekɛ zɔhane dwu a bɛnrɛde ɛtaneyɛlɛ nganeɛ wɔ Yizilayɛ, yɛɛ bɛnrɛnwu ɛtaneyɛlɛ wɔ Dwuda, ɔluakɛ mebava menli mɔɔ baha mɔɔ mebagyakyi bɛ la anwo edwɛkɛ meahyɛ bɛ. Medame Ɛdɛnkɛma a mese a.”

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Kɛlata mɔɔ bɛhɛlɛle bɛhɔmanle Hibuluma la 10:16

“Awulae se, Saa kenle zɔhane pɛ nu a ngyekyeleɛ mɔɔ me nee bɛ bakyekye la ɛne: Mebava me mɛla meawula bɛ ahonle nu, na meahɛlɛ ye wɔ bɛ adwenle nu.”