Wulo 11:26 - BAEBOLO ANZƐƐ BULUKU NWUANZANWUANZA

²⁶ Na ɛhye bamaa Yizilayɛma amuala anyia ngoane, kɛmɔ Nyamenle Edwɛkɛ ne se la. Ɔse, “Ngoanedievolɛ ne vi Zayɔn bara, na yearaye amumuyɛ muala yeavi Gyekɔbo nlɔnra ne mɔ anu.

Wulo 11:26 ပူးပေါင်းရင်းမြစ်များ

Edwɛndolɛ Buluku ne 106:47

O Ɛdɛnkɛma yɛ Nyamenle, die yɛ, na boɔboa yɛ nloa fi maanle maanle ne mɔ anu, amaa yeayɛ wɔ mo, na yɛali fɛlɛko yeaye wɔ duma nwuanzanwuanza ne ayɛlɛ.

Edwɛndolɛ Buluku ne 14:7

O anrɛɛ Yizilayɛma ngoanelielɛ vi Zayɔn ara! Saa Ɛdɛnkɛma maa ye menli ne eza kpazi a, Yizilayɛma anye balie na bɛali fɛlɛko.

Ayezaya Buluku ne 45:17

Ɛdɛnkɛma ɛlie Yizilayɛma ngoane, yemaa bɛ ngoanelielɛ mɔɔ ɛnlɛ awieleɛ, bɛ nyunlu ɛnrɛgua aze anzɛɛ bɛnrɛbɔ anyiemgba ɛlɛ.’ ”

Ayezaya Buluku ne 59:20

Ɛdɛnkɛma se, “Mebara Gyɛlusalɛm kɛ Kpɔnevolɛ mearakpɔne Gyekɔbo abo zo amra ne mɔɔ kɛhwe bɛ nwo kɛvi bɛ mɛladonlɛ nwo la.

Gyɛlɛmaya Buluku ne 31:1

Ɛdɛnkɛma se, “Mekɛ zɔhane, mebayɛ Yizilayɛ mbusua ekpunli ekpunli ne mɔ kɔsɔɔti bɛ Nyamenle, na bɛdabɛ noko bɛbayɛ me menli.

Yizikeɛle Buluku ne 39:25

Awulae Nyamenle ne se, “Na kɛkala mebamaa Gyekɔbo abo zo amra akpazi bieko kɛ bɛ dɛba ne la. Mebanwu Yizilayɛma kɔsɔɔti anwunvɔne, yɛɛ mebanlea me duma nwuanzanwuanza ne boɛ.

Hozia Buluku ne 3:5

Ɛhye anzi Yizilayɛma bazia ara Ɛdɛnkɛma bɛ Nyamenle ne, nee bɛ belemgbunli Devidi ɛkɛ. Bɛbava ɛzulolɛ bɛazia bɛara Ɛdɛnkɛma ɛkɛ wɔ ye kpalɛyɛlɛ ne ati.

Dwowɛle Buluku ne 2:32

Na ɔbara kɛ bɛdabɛ mɔɔ bɛkɛvɛlɛ Ɛdɛnkɛma la bɛbalie bɛ ngoane, ɔluakɛ wɔ Zayɔn Boka nee Gyɛlusalɛm, bie mɔ bavi ɛsalɛ, kɛmɔ Ɛdɛnkɛma ɛha la, na bɛdabɛ mɔɔ bɛbaha la anu yɛɛ bɛdabɛ mɔɔ Ɛdɛnkɛma bavɛlɛ bɛ la wɔ a.”

Edwɛkpa ne kɛmɔ Mateyu hɛlɛle la 1:21

Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”

Ɛzoanvolɛma Gyima ne 3:26

Yemɔti Nyamenle yele ye Sonvolɛ ne na ɔzoanle ye ɔmanle ɔlumuale ɔrale bɛ ɛkɛ kɛ ɔmaa awie biala ɛhwe ɔ nwo ɛvi ɛtane nwo na ɔyila bɛ.”

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.