Wulo 11:25 - BAEBOLO ANZƐƐ BULUKU NWUANZANWUANZA

²⁵ Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

Wulo 11:25 ပူးပေါင်းရင်းမြစ်များ

Edwɛndolɛ Buluku ne 107:43

Mɔɔ ze nrɛlɛbɛ la ɛdwenle ninyɛne ɛhye mɔ anwo; bɛmaa menli ɛdwenle Ɛdɛnkɛma ɛhulolɛ kpundii ne anwo.

Edwɛndolɛ Buluku ne 127:1

Saa Ɛdɛnkɛma ɔdaye yeanzi sua ne a, bɛdabɛ mɔɔ bɛsi la fɛ mgbane. Saa Ɛdɛnkɛma ɔdaye yeanzinza suakpole ne a, sinzavolɛma solo nafelɛ mgbane.

Edwɛndolɛ Buluku ne 22:27

Ewiade amra amuala bahakye Ɛdɛnkɛma na bɛazia bɛara ɔ nwo ɛkɛ; maanle maanle kɔsɔɔti badu agua ɔ nyunlu azonle ye.

Edwɛndolɛ Buluku ne 72:17

Ye duma ɛdɛnla ɛkɛ ne dahuu, na ye anyunlunyia ɛda kɛ sɛnzɛne. Menli kɔsɔɔti ɛva ye ɛyila bɛ nwo, na maanle maanle ɛzuzu ye boɛ.

Mrɛlɛbulɛ Buluku ne 26:12

Wɔnwu sonla mɔɔ ɔ nye zo a ɔze nrɛlɛbɛ la ɔ? Koasea bɔbɔ tɛla ye ɛkpɔyɛ.

Mrɛlɛbulɛ Buluku ne 26:16

Mgbovonle anye zo a ɔze nrɛlɛbɛ ɔtɛla menli nsuu mɔɔ kola dwenle bua edwɛkɛ nwo kpalɛ la.

Ayezaya Buluku ne 5:21

Munzule ɛha bɛdabɛ mɔɔ bɛdwenle kɛ bɛze nrɛlɛbɛ na bɛnea a bɛze ndɛne la.

Hozia Buluku ne 14:9

Bɛdabɛ mɔɔ bɛze nrɛlɛbɛ la, bɛde edwɛkɛ ɛhye mɔ abo; bɛdabɛ mɔɔ bɛlɛ deɛnwunlɛ la, bɛnwu ninyɛne ɛhye mɔ. Ɔluakɛ Ɛdɛnkɛma ndenle ne mɔ le fɔɔnwo, tenlenema fa bɔ bɛ ɛbɛla, yɛɛ ɛtanevolɛma tu nwolɛ koti.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Luku hɛlɛle la 21:24

Bie mɔ badɔ dadeɛ nloa, bɛbahye bie mɔ nuokɛ bɛ nee bɛ ahɔ maanɔne; menli mɔɔ ɛnze Nyamenle la barava Gyɛlusalɛm azɛlɛ ye adɛnla zo kɔkpula kɛ bɛ mekɛ kɛdwu la.

Dw 10:16

Me mboane ne mɔ bie ɛnle mboane tunli ye anu. Ɔwɔ kɛ mekpondɛ bɛ bo zo; bɛbade me ne, na bɛ muala bɛbayɛ mboane ekpunli ko mɔɔ bɛ neavolɛ ko a.

Wulo 1:13

Me mediema, mekpondɛ kɛ bɛnwu kɛ mekɛ dɔɔnwo anu mehyehyɛ kɛ anrɛɛ menwɔrakpɔla bɛ, amaa meahola meahakyi bɛ bie mɔ dɔɔnwo, kɛmɔ meyɛ ye wɔ maanle maanle dɔɔnwo zo la, noko ɔyɛ a ɛnee debie fofolɛ ɛzi me aze.

Wulo 11:12

Dwuuma ɛtane mɔɔ ɛyɛ la ɛva nyilalɛ dɔɔnwo ɛra ewiade, na bɛ sunsum nu ehyia ɛlilɛ ɛva nyilalɛ ɛrɛlɛ bɛdabɛ mɔɔ bɛnle Dwuuma la. Yemɔti saa Dwuuma amuala baraboka nwo a anrɛɛ nyilalɛ ne bayɛ kpole kpalɛ!

Wulo 11:24

Bɛmɛ mɔɔ bɛnle Dwuuma la, bɛle kɛ ɛhoayelɛ nu baka nyinli ngane mɔɔ bɛpepɛ bɛ na bɛva bɛ bɛsisia egyinli nu baka belɛ zo la. Dwuuma le kɛ egyinli nu baka belɛ; yemɔti ɔnyɛ se ɔmmaa Nyamenle kɛ ɔkɛva ngane ne mɔ mɔɔ yepepɛ yevi ɛkɛ ne la ɔkɛziezie bɛ bo zo ne mɔ.

Wulo 12:16

Bɛmaa bɛ muala bɛ adwenle ɛyɛ ko. Bɛmmayɛ mgbanyizonle, bɛ nee ahoahweabane ɛdu. Bɛmmabu bɛ nwo kɛ bɛle nrɛlɛbɛvolɛma.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 9:18

Yemɔti, Nyamenle ɔdaye ye ɛhulolɛdeɛ zo ɔse bie anwunvɔne yɛɛ ɔmaa bie noko yɛ anzosesebɛ.

1 Kɔl 10:1

Mediema, mekpondɛ kɛ bɛkakye mɔɔ zile yɛ nlenya mɔ mɔɔ doale Mosisi la anwo zo la. Bɛ muala yɛɛ amungu ne wowale bɛ a, yɛɛ bɛ muala a bɛluale Nyevile Kɔkɔlɛ ne anu bɛpɛle a.

1 Kɔl 12:1

Me mediema, mekpondɛ kɛ bɛnwu nɔhalɛ ne mɔɔ fane Sunsum Nwuanzanwuanza ne ahyɛlɛdeɛ ne mɔ mɔɔ bɛhɛlɛle me nwolɛ la anwo.

1 Kɔl 2:7

Nrɛlɛbɛ ne mɔɔ yɛbɔ ye nolo la le Nyamenle nrɛlɛbɛ mɔɔ vea na menli ɛnze a. Nyamenle vale ziele yɛ ɛkɛ dɛba kolaa na yeabɔ ewiade ye kɛ ɔbava yeade yɛ nyunlu.

1 Kɔl 4:1

Ɔwɔ kɛ bɛbu yɛ kɛ Kelaese sonvolɛma mɔɔ nea Nyamenle gyima ne mɔɔ vea la azo a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:9

na memaa menli kɔsɔɔti ɛnwu kɛ nwanwane ngyehyɛlɛ ne mɔɔ vea la bazi ahɔ zolɛ la. Nyamenle mɔɔ yemɔ a ɔbɔle ninyɛne muala la vale ngyehyɛlɛ ɛhye veale mekɛ dɔɔnwo mɔɔ ɛraze ɛhɔ la,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:18

Menli zɔhane mɔ adwenle nu le awozinli, bɛnlɛ ndelebɛbo yɛɛ bɛmboka ngoane ne mɔɔ Nyamenle fa maa la anwo, ɔluakɛ bɛnze ɛhwee yɛɛ eza bɛ nzo yɛ se.

2 Pit 3:8

Na ayi mɔ, bɛmmamaa bɛ rɛle fi nɔhalɛ ko ɛhye. Awulae ɛdeɛ, kenle ko le ɔ nye zo ɛvolɛ apenle, yɛɛ ɛvolɛ apenle le ɔ nye zo kenle ko.

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.

Yekile 10:7

Saa Nyamenle soanvolɛ ne mɔɔ tɔ zolɛ nsuu la bɔ ye aweɛne tendenle ne anu a, Nyamenle ngyehyɛlɛ ne mɔɔ vea ɛkɛ ne la bara nuhua, kɛmɔ ɔhanle ɔhilele ye sonvolɛma kpɔmanvolɛma la.”

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 7:9

Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.