Wulo 11:23 - BAEBOLO ANZƐƐ BULUKU NWUANZANWUANZA

²³ Saa Dwuuma gyakyi bɛ anzosesebɛyɛlɛ ne, na bɛdie bɛdi a bɛbava bɛ bɛazia bɛarazie bɛ bo zo ne, ɔluakɛ Nyamenle lɛ tumi, ɔkola ɔyɛ ye zɔhane bieko.

Wulo 11:23 ပူးပေါင်းရင်းမြစ်များ

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Edwɛkpa ne kɛmɔ Mateyu hɛlɛle la 23:39

Na meka meahile wɔ, ɔvi ɛnɛ mɔɔ kɔ la, ɛnrɛnwu me bieko kɔkpula mekɛ mɔɔ ɛbaha kɛ, ‘Nyamenle ɛyila mɔɔ lua Awulae duma nu ɛlɛba la.’ ”

Wulo 11:17

Kɛkala ɛdeɛ Dwuuma le kɛ baka belɛ mɔɔ bɛpepɛ ye ngane ne mɔ bie bɛgua na bɛva bɛmɛ mɔɔ bɛle kɛ baka nyinli la ngane bɛrasisa zolɛ, kɛ bɛnyia nyilalɛ ne mɔɔ vi baka ne anu ba la bie.

Wulo 11:24

Bɛmɛ mɔɔ bɛnle Dwuuma la, bɛle kɛ ɛhoayelɛ nu baka nyinli ngane mɔɔ bɛpepɛ bɛ na bɛva bɛ bɛsisia egyinli nu baka belɛ zo la. Dwuuma le kɛ egyinli nu baka belɛ; yemɔti ɔnyɛ se ɔmmaa Nyamenle kɛ ɔkɛva ngane ne mɔ mɔɔ yepepɛ yevi ɛkɛ ne la ɔkɛziezie bɛ bo zo ne mɔ.

2 Kɔl 3:16

Na saa sonla twe bikye Awulae a, bɛkɛye ɛdanlɛ ne ɔ ti zo.

Kɛlata mɔɔ bɛhɛlɛle bɛhɔmanle Hibuluma la 3:19

Ɛhye maa yɛnwu kɛ bɛandwu ɛleka ne, ɔboalekɛ bɛanlie bɛanli.