Wulo 11:22 - BAEBOLO ANZƐƐ BULUKU NWUANZANWUANZA

²² Ɛhye maa yɛnwu kɛ Nyamenle si se anwunvɔne na eza ɔ sa yɛ ɛnlomboɛ la. Ɔ sa yɛ ɛnlomboɛ maa bɛdabɛ mɔɔ bɛkpo aze la, noko saa bɛtɛnla ye kpalɛyɛlɛ ne abo dahuu a, anrɛɛ ɔkɛze bɛ anwunvɔne. Na saa bɛanyɛ ye zɔhane a ɔbakpanekpane bɛdabɛ noko yeagua.

Wulo 11:22 ပူးပေါင်းရင်းမြစ်များ

Edwɛndolɛ Buluku ne 31:19

O, wɔ kpalɛyɛlɛ ne zonle, wɔva wɔzie wɔmaa bɛdabɛ mɔɔ bɛsonle wɔ la. Ɛkile ye wɔ bɛdabɛ mɔɔ bɛbafea wɔ nu la anwo zo, wɔ menli kɔsɔɔti anye zo.

Ayezaya Buluku ne 66:14

Bɛbanwu ye, na bɛali fɛlɛko. Bɛ mbowule nu bamia na bɛade kpɔkɛ; na menli kɔsɔɔti banwu kɛ medame Ɛdɛnkɛma, me sa wɔ me menli ne ɛkpazilɛ nu, na me ɛya ne wɔ me kpɔvolɛma anwo zo.”

Yizikeɛle Buluku ne 18:24

“Na saa tenlenenli twe ɔ nwo fi ye kpalɛ mɔɔ yeyɛ la anwo, ɔyɛ ɛtane na ɔyɛ bɛkyi ninyɛne ne mɔ mɔɔ amumuyɛnli ne yɛ la bie a, ɔbawu. Bɛnrɛhakye ye kpalɛ biala mɔɔ yeyɛ la. Munzule ne mɔɔ yebɔ la anwo fɔlɛlilɛ nee ye ɛtane ne mɔ mɔɔ yeyɛ la ati, ɔbawu.

Yizikeɛle Buluku ne 3:20

“Saa tenlenenli bɔ ɔ bo kɛ ɔdi ɛtane, ɔyɛ amumuyɛ a, mebamaa yeadu koti. Kɛmɔ ɛtɛbɔle ye kɔkɔ la ati, ɔbawu wɔ ye ɛtane ti, yɛɛ ye debie kpalɛ biala mɔɔ ɔyɛle la, menrɛhakye ye bieko; na ye ewule ne ɛdeɛ, mebabiza wɔ nwolɛ edwɛkɛ.

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Dw 15:2

Me sa ngane biala mɔɔ ɛnzo ma la, ɔkpane ye ɔto, na ɔsiezie ngane ne mɔ mɔɔ so ma la, amaa bɛazo ma dɔɔnwo.

Dw 8:31

Yemɔti Gyisɛse zele Dwuuma mɔɔ liele ye lile la kɛ, “Saa bɛkɔ zolɛ bɛdi me ngilehilelɛ zo a, ɛnee bɛle me ɛdoavolɛma amgba;

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Wulo 11:21

Ɔluakɛ saa Nyamenle anvavi Dwuuma ne mɔɔ le kɛ baka ne ɔdaye ye ngane ne mɔ la a, ɛnee ɔnrɛvavi bɛdabɛ noko.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

1 Kɔl 15:2

Saa bɛsɔ nu ɛsesebɛ a bɛkɛnyia ngoane mɔɔ ɛnlɛ awieleɛ; kyesɛ bɛanlie bɛanli.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9

Bɛmaa yɛhɔ zolɛ yɛyɛ kpalɛ; ɔluakɛ saa yɛangyakyi nyele ɛyɛlɛ a, kenle bie yɛbanwu ɔ bo aleɛ.

1 Tɛs 3:5

Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!

1 Tɛs 3:8

ɔboalekɛ saa bɛgyinla kpundii wɔ Awulae anu a, ɛnee yɛlɛ ngoane.

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

1 Dw 2:19

Menli ɛhye mɔ vi yɛ nu a hɔle a, na bɛmboka yɛ nwo. Saa bɛboka yɛ nwo a, anrɛɛ bɛ nee yɛ dɛnlanle. Bɛgyakyile yɛ bɛhɔle, amaa yeala ali wienyi kɛ bɛ biala ɛmboka yɛ nwo.

Yekile 2:5

Ɛdawɔ nea na nwu wɔ aze mɔɔ wɔdɔ la. Nu ɛ nwo na twe ɛ nwo fi wɔ ɛtane ne mɔ mɔɔ wɔyɛ la anwo, na yɛ mɔɔ alumua ne ɛyɛle la. Saa wɔannu ɛ nwo, wɔangyakyi ɛtane ɛyɛlɛ a mebara mearaye wɔ kɛnlaneɛ baka ne meavi ɔ bo zo ne.