Wulo 11:18 - BAEBOLO ANZƐƐ BULUKU NWUANZANWUANZA

¹⁸ Yemɔti, ɔnle kɛ bɛtu bɛ nwo bɛkile bɛdabɛ mɔɔ bɛpɛ bɛ bɛgua kɛ baka ngane la. Duzu ati a bɛmemaa bɛ nwo zo ɛ? Bɛle ngane ala; tɛ bɛmɛ a bɛsɔ ndinli ne a, ndinli ne a sɔ bɛ a.

Wulo 11:18 ပူးပေါင်းရင်းမြစ်များ

1 Arl 20:11

Yizilayɛ belemgbunli ne buale kɛ, “Bɛhɔze Bɛneheedade kɛ ɔho konle ne na ɔwie a yeadu ɔ nloa anu.”

Mrɛlɛbulɛ Buluku ne 16:18

Adubɛnwo sɛkye sonla, yɛɛ bɛ nwo zo ɛmemanlɛ maa sonla tu koti.

Edwɛkpa ne kɛmɔ Mateyu hɛlɛle la 26:33

Pita zele Gyisɛse kɛ, “Saa bɛ muala bɛnriandi bɛgyakyi wɔ a me ngome ɛdeɛ, menrɛgyakyi wɔ ɛlɛ!”

Dw 10:16

Me mboane ne mɔ bie ɛnle mboane tunli ye anu. Ɔwɔ kɛ mekpondɛ bɛ bo zo; bɛbade me ne, na bɛ muala bɛbayɛ mboane ekpunli ko mɔɔ bɛ neavolɛ ko a.

Dw 4:22

Nɔhalɛ, bɛmɛ Samɛleama, bɛnze mɔɔ bɛsonle ye la, na yɛmɛ Dwuuma, yɛze mɔɔ yɛsonle ye la. Ɔboalekɛ ngoanelielɛ kɛra a ɔvi Dwuuma.

Ɛzoanvolɛma Gyima ne 25:7

Mɔɔ Pɔɔlo rale la, Dwuuma mɔɔ vi Gyɛlusalɛm rale la radonle ye ɛzonle mgbole bie mɔɔ akee bɛdabɛ bɔbɔ bɛngola bɛngilehile nu a.

Wulo 11:20

Ɔle nɔhalɛ bɔkɔɔ. Bɛpepɛle bɛ bɛguale, ɔluakɛ bɛanlie bɛanli, na bɛmɛ bɛlie bɛli yemɔti bɛgyi ye kpundii. Noko akee bɛmmafa bɛtu bɛ nwo; anrɛɛ bɛzulo Nyamenle.

Wulo 3:27

Ɛnee akee duzu a yɛfa yɛtu yɛ nwo a? Yɛnlɛ ɛhwee! Na ɛnee akee duzu ati ɔ? Ɛnee yɛ gyima kpalɛ nwo anzɛɛ? Kyɛkyɛ. Na yɛdie yɛdi la ati ɔ.

Wulo 4:16

Ɛwɔkɛ ne gyi diedi zo, amaa yɛanyɛ Nyamenle ɛlolɛ ahyɛlɛdeɛ yeammaa bɛdabɛ mɔɔ bɛdi Mosisi mɛla ne azo la angome, na yeayɛ ɛlolɛ mɔɔ ka Ebileham abo zo amra amuala mɔɔ lɛ diedi kɛ ɔdaye Ebileham la. Ɔluakɛ Ebileham le yɛ muala yɛ ze wɔ sunsum nu.

1 Kɔl 10:12

Zɔhane ati bɛmaa mɔɔ dwenle kɛ ɔgyi boɛ la ɛnlea boɛ na yeandɔ aze.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:29

Saa bɛle Kelaese ɛdeɛ a, ɛnee bɛle Ebileham nlɔnra mɔɔ asa baha Nyamenle ahyɛlɛdeɛ ne mɔɔ ɔvale ɔbɔle ɛwɔkɛ ne la a.