Wulo 11:17 - BAEBOLO ANZƐƐ BULUKU NWUANZANWUANZA

¹⁷ Kɛkala ɛdeɛ Dwuuma le kɛ baka belɛ mɔɔ bɛpepɛ ye ngane ne mɔ bie bɛgua na bɛva bɛmɛ mɔɔ bɛle kɛ baka nyinli la ngane bɛrasisa zolɛ, kɛ bɛnyia nyilalɛ ne mɔɔ vi baka ne anu ba la bie.

Wulo 11:17 ပူးပေါင်းရင်းမြစ်များ

Edwɛndolɛ Buluku ne 52:8

Na mame, mele kɛ ɔlivi baka amolɛ wɔ Nyamenle sua nu. Me rɛle wɔ Nyamenle ɛhulolɛ kpundii ne anu wɔ mekɛ mɔɔ ɛnlɛ awieleɛ.

Ayezaya Buluku ne 27:11

Saa suakpole ne azo mbaka ne bie mɔ ngane wu a bɛbubu bɛ bɛgua; mraalɛ basesa na bɛfa bɛyɛ ɛyɛne. Ɔluakɛ menli ɛhye mɔ ɛnlɛ ndelebɛbo; yemɔti mɔɔ bɔle bɛ la ɛnrɛze bɛ anwunvɔne, yɛɛ ɔnrɛvavi bɛ.

Ayezaya Buluku ne 6:13

Saa menli bulu na nuhua ko ka bɔbɔ a, bɛbayela ye kɛ oku baka mɔɔ bɛpɛ ye bɛdo na bɛyela ye dosinli ne la.” (Ma ne mɔɔ anwo te la a le dosinli ne.)

Gyɛlɛmaya Buluku ne 11:16

Medame Ɛdɛnkɛma menvɛlɛle bɛ ‘ɔlivi baka buzuu mɔɔ lɛ ma ngɛnlɛma’ la. Na kɛkala, mekulu kokye meado senle nu meayela ye nya ne mɔ wee meamaa ye ngane ne mɔ abubu agua.

Dwona Buluku ne 1:16

Menli ne mɔ zulole Ɛdɛnkɛma kpole na bɛbɔle azu bɛmanle ye. Na bɛhanle ndane kɛ bɛkɛzonle Ɛdɛnkɛma.

Zɛkalaya Buluku ne 4:3

Ɔlivi mbaka nwiɔ noko gyigyi nwolɛ. Ko wɔ dwora ne fema zo yɛɛ ko wɔ ye bɛne zo.”

Edwɛkpa ne kɛmɔ Mateyu hɛlɛle la 21:43

“Zɔhane ati meka meahile bɛ, bɛbalie Nyamenle Belemgbunlililɛ ne bɛ sa nu na bɛava bɛamaa menli mɔɔ yɛ tieyɛ la. [

Dw 15:1

“Mame a mele vanye baka kpalɛ ne a, yɛɛ Egya a le tola ne amenle a.

Dw 15:2

Me sa ngane biala mɔɔ ɛnzo ma la, ɔkpane ye ɔto, na ɔsiezie ngane ne mɔ mɔɔ so ma la, amaa bɛazo ma dɔɔnwo.

Dw 15:6

Awie biala mɔɔ andɛnla me nu la bɛfuandi ye bɛto kɛ baka ɛhane mɔɔ bɛpɛ la; ɔwe na ɔkyengye. Mbaka ngane mɔɔ le zɛhae la, bɛboɔboa bɛ nloa na bɛfuandi bɛ bɛgua senle nu bɛyela bɛ.

Ɛzoanvolɛma Gyima ne 2:39

Ɔluakɛ Nyamenle ɛwɔkɛ ne le bɛ nee bɛ mra nee menli mɔɔ wɔ ɛleka muala, mɔɔ yɛ Awulae Nyamenle ne kɛvɛlɛ bɛ la ɛdeɛ.”

Wulo 11:24

Bɛmɛ mɔɔ bɛnle Dwuuma la, bɛle kɛ ɛhoayelɛ nu baka nyinli ngane mɔɔ bɛpepɛ bɛ na bɛva bɛ bɛsisia egyinli nu baka belɛ zo la. Dwuuma le kɛ egyinli nu baka belɛ; yemɔti ɔnyɛ se ɔmmaa Nyamenle kɛ ɔkɛva ngane ne mɔ mɔɔ yepepɛ yevi ɛkɛ ne la ɔkɛziezie bɛ bo zo ne mɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:15

Ɔle nɔhalɛ kɛ bɛwole yɛ Dwuuma, na yɛnle kɛ menli mɔɔ ɛnle Dwuuma mɔɔ ɛnze Nyamenle la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:6

Edwɛkɛ mɔɔ ɛnee vea ɛkɛ ne la a le kɛ, ɔlua Edwɛkpa ne azo, bɛdabɛ mɔɔ bɛnle Dwuuma nee Dwuuma bɔ nu nyia Nyamenle nyilalɛ ne mɔ; bɛyɛ menli ko na bɛnyia Nyamenle ɛwɔkɛ ne mɔɔ Kelaese Gyisɛse ati ɔbɔle la.

Mɛla 8:8

Hwiiti nee baale, vanye nee feege mbaka nee mbaka mɔɔ le kɛ akutue, ɔlivi mbaka nee wolɛ mɔ wɔ zolɛ.

Kɔlɔ 2:13

Mekɛ bie mɔɔ ɛraze ɛhɔ la ɛnee ɔlua bɛ ɛtane ti, nee kɛmɔ bɛnle Dwuuma na bɛnle Mosisi mɛla ne abo la ati, ɛnee bɛwu sunsum nu, na kɛkala Nyamenle ɛva bɛ nee Kelaese ɛra ngoane nu, na yeva yɛ ɛtane ne mɔ amuala yehyɛ yɛ.

Yekile 11:4

Dasevolɛma nwiɔ ne a le “ɔlivi” mbaka nwiɔ ne nee kɛnlaneɛ mbaka nwiɔ ne mɔɔ gyigyi Awulae mɔɔ lɛ azɛlɛ ye la anyunlu ɛkɛ ne la.